Malavika Mohanan: మలయాళ బ్యూటీ మాళవిక మోహనన్కి తాజాగా జైపూర్ ఎయిర్ పోర్ట్లో చేదు అనుభవం ఎదురైంది. ఓ పార్టీ నిమిత్తం జైపూర్ వెళ్లిన మాళవికకు.. తిరుగు ప్రయాణంలో ఓ సంఘటన కోపం వచ్చేలా చేసిందట. జైపూర్ ఎయిర్ పోర్ట్లో ఇండిగో విమానాశ్రయం వద్ద తనకు అవమానం జరిగిందని.. ఇండిగో స్టాఫ్ తనతో చాలా మొరటుగా ప్రవర్తించారని తెలిపింది. వాళ్ళ సర్వీస్ కూడా అస్సలు బాగా లేదని ట్విట్టర్లో రాసుకొచ్చింది. ఈ మేరకు తనతో దురుసుగా ప్రవర్తించిన వారిని ఇంస్టాలో ఫొటో కూడా తీసి స్టేటస్ పెట్టింది.
ఈ విషయంపై ఇండిగో జైపూర్ సంస్థ ఆఫీసర్ ‘స్నిగ్ధ’ స్పందించారు. ఈ ఘటన గురించి చింతిస్తున్నాం. దీనిపై పూర్తి విచారణ జరుపుతాం. ఆపై మళ్ళీ మిమ్మల్ని సంప్రదిస్తాం అని ట్విట్టర్లో రిప్లై ఇచ్చారు. ఈ విషయంపైన నెటిజన్లు పలు విధాలుగా స్పందిస్తున్నారు.
ఇక ఆమె సినిమాల విషయానికొస్తే.. మాళవిక ప్రస్తుతం ఓ సినిమా చేస్తోంది. విక్రమ్ హీరోగా నటిస్తోన్న ‘తంగలాన్’ సినిమాలో హీరోయిన్గా నటిస్తోంది. ఈ చిత్రానికి పా రంజిత్ దర్శకత్వం వహిస్తున్నారు. కర్ణాటకలోని కోలార్ గోల్డ్ ఫీల్డ్స్ (కేజీఎఫ్) లో పనిచేసే కార్మికుల జీవితాల చుట్టూ తిరిగే కథాంశంతో ఈ చిత్రం తెరకెక్కుతోంది.
Share
Patancheru : భార్యను కాపురానికి పంపట్లేదని దారుణం.. అత్త హత్య.. అడ్డొచ్చిన భార్యపై ?
Delhi Liquor Case: లిక్కర్ కేసులో కేజ్రీవాల్ ను అరెస్ట్ చేస్తారా ? క్లారిటీ ఇచ్చిన ఈడీ
