Nayanthara: మెగాస్టార్ తో నాలుగోసారి.. ఈసారి మాములుగా ఉండదు

Nayanthara: జవాన్ తరువాత లేడీ సూపర్ స్టార్ నయనతార ఆచితూచి అడుగులు వేస్తోంది. ఈ సినిమా తరువాత వచ్చిన అన్నపురిణి ఆశించిన ఫలితాన్ని అందుకోలేకపోయింది. దీంతో పాటు వచ్చిన ఇరైవన్ కూడా విజయాన్ని అందించలేకపోయింది. ప్రస్తుతం నయన్ చేతిలో వరుస సినిమాలు ఉన్నాయి. ఇక తాజాగా ఈ చిన్నది.. మరో స్టార్ హీరో సినిమాలో ఛాన్స్ పట్టేసిందని టాక్ నడుస్తోంది.

నయన్ కు మాలీవుడ్ కు అవినాభావ సంబంధం ఉంది. నయన్ కెరీర్ మొదలుపెట్టిందే మలయాళ సినిమాలతో. ఇక ఇప్పుడు మలయాళ మెగాస్టార్ మమ్ముట్టీ సరసన నటించే ఛాన్స్ పట్టేసింది నయన్. ఇప్పటికే వీరిద్దరి కాంబోలో మూడు సినిమాలు వచ్చాయి.రాప్క‌ల్, బాస్క‌ర్ ద రాస్కెల్, పుతియా నియామామ్ లాంటి సినిమాలు చేసిన నయన్,.. ఇప్పుడు నాలుగోసారి మమ్ముట్టీతో రొమాన్స్ చేయనుందట.

స్టార్ డైరెక్టర్ గౌతమ్ మీనన్.. గత కొంతకాలంగా నటనపై దృష్టిపెట్టడంతో.. దర్శకుడిగా సినిమాలకు గ్యాప్ ఇచ్చాడు. తాజాగా ఆయన దర్శకత్వంలో ఒక సినిమా తెరకెక్కనుంది. అందులో మమ్ముట్టీ హీరోగా నటిస్తున్నాడు. అంతే కాదు.. ఆయనే స్వయంగా ఈ సినిమాను నిర్మిస్తున్నాడు. ఇక అందుతున్న సమాచారం ప్రకారం ఈ సినిమాలో నయన్ ను హీరోయిన్ గా తీసుకున్నారని టాక్ నడుస్తోంది.

మమ్ముట్టీతో సినిమా అంటే నయన్ కూడా టక్కున ఓకే చెప్పిందని అంటున్నారు. త్వరలోనే ఈ సినిమా సెట్స్ మీదకు వెళ్లనుందని తెలుస్తోంది. ఇక చాలా కాలం తరువాత ఈ కాంబో రిపీట్ కానుండడంతో అభిమానులందరూ ఈ సినిమాపై అభిమానులు భారీ అంచనాలను పెట్టుకున్నారు. మరి ఈ చిత్రంతో ఈ కాంబో ఎలాంటి విజయాన్ని అందుకుంటారో చూడాలి.