Meera Jasmine Birthday special : “ఓణి వేసిన దీపావళి వచ్చిందా ఇంటికి” అంటూ పందెంకోడి సినిమాతో తెలుగు ప్రేక్షకులను పలకరించింది మీరా జాస్మిన్. మొదట సూత్రదారన్ (2002) అనే మలయాళ సినిమాతో సినీరంగ ప్రవేశం చేసింది. మలయాళం, తెలుగు, తమిళం, కన్నడ చిత్ర పరిశ్రమలలో తనకంటూ ఒక గుర్తింపు తెచ్చుకుంది. ఫిబ్రవరి 15న ఆమె బర్త్ డే సందర్భంగా స్పెషల్ స్టోరీ మీకోసం..
“అమ్మాయి బాగుంది” చిత్రంతో టాలీవుడ్ ఎంట్రీ ఇచ్చిన మీరా జాస్మిన్ తర్వాత పవన్ కల్యాణ్ సరసన గుడుంబా శంకర్ సినిమాలో నటించింది. ఆ వెంటనే రవితేజతో భద్రలో జోడీ కట్టిన మీరా జాస్మిన్ తొలి కమర్షియల్ హిట్ అందుకుంది. ఆ తర్వాత రారాజు, ఆకాశ రామన్న, బంగారు బాబు, మా ఆయన చంటి పిల్లాడు, యమగోల.. మళ్లీ మొదలైంది, మహారథి వంటి సినిమాల్లో నటించింది.
చిత్ర పరిశ్రమలో అడుగు పెట్టిన అనతి కాలంలోనే స్టార్ హీరోయిన్ గా మారింది. ఇక ఆ తర్వాత ఆమెను వరుస ప్లాప్ లు వెంటాడాయి. చివరిగా గోరింటాకులో రాజశేఖర్ చెల్లిగా నటించి హిట్ అందుకుంది.
Read more : వాలెంటైన్స్ డే.. ప్రేమబంధంతో ఒక్కటైన టాలీవుడ్ కపుల్స్..!
2004 లో పాదమ్ ఒన్ను ఒరు విలాపం అనే మలయాళ సినిమాకి గాను ఉత్తమ నటిగా జాతీయ అవార్డు అందుకుంది. ఇవే కాకుండా నేషనల్ బెస్ట్ యాక్ర్టస్, కేరళ, తమిళనాడు ప్రభుత్వ అవార్డులతో పాటు మరెన్నో అవార్డులు సాధించింది. ఇలా తన నటనతో ప్రేక్షకులను అలరించిన మీరా జాస్మిన్ కొంతకాలం పాటు తెరపై కనుమరుగైంది. సినీ ఇండస్ట్రీకి దూరంగా ఉన్న మీరా జాస్మిన్ 2014 లో దుబాయ్ కి చెందిన అనిల్ జాన్ టైటస్ ని వివాహం చేసుకుని అక్కడే సెటిల్ అయ్యింది.
2016 నుంచి సినిమాలకి దూరంగా ఉన్న మీరా జాస్మిన్ 2023 లో విమానం సినిమాతో రీ ఎంట్రీ ఇచ్చింది. ఇటీవలే ఇన్ స్టాగ్రామ్ లో ఎంట్రీ ఇచ్చిన మీరా జాస్మిన్ నాలుగు పదుల వయసులోనూ బోల్డ్ ఫొటోలతో అదరగొడుతోంది. అన్ని భాషల్లో మళ్లీ రీ ఎంట్రీ ఇవ్వడానికి ట్రై చేస్తుంది మీరా జాస్మిన్. ప్రస్తుతం మలయాళంలో ఒక సినిమాకి ఓకే చెప్పినట్లు తెలుస్తోంది.
Share
Sai Baba: బాబా చెప్పిన అన్నదాన నియమాలు….!
India vs England 3rd Test: నేటి నుంచి భారత్-ఇంగ్లాండ్ మూడో టెస్ట్..రాజ్ కోట్ కింగ్ ఎవరు?
