Mega Family Reaction On Konda Surekha Comments: నాగచైతన్య, సమంత విడాకులపై, అక్కినేని కుటుంబంపై కొండా సురేఖ చేసిన వ్యాఖ్యలు ఒక్కసారిగా రాజకీయాల్లోనే కాదు.. సినీ పరిశ్రమలో కూడా దుమారాన్ని రేపాయి. ఇప్పుడు వరుణ్ తేజ్, వెంకటేశ్, అల్లు అర్జున్ కూడా ఈ విషయంపై స్పందిస్తూ ట్విటర్‌లో ట్వీట్ చేశారు. అంతే కాకుండా ‘ఫిల్మ్ ఇండస్ట్రీ విల్ నాట్ టాలరేట్’ అనే హ్యాష్‌ట్యాగ్‌ను వైరల్ చేస్తున్నారు. మెగా ఫ్యామిలీ నుండి వరుణ్ తేజ్, లావణ్య, అల్లు అర్జున్ దీనిపై స్పందించగా.. వెంకటేశ్ కూడా కొండా సురేఖ వ్యాఖ్యలకు కౌంటర్ ఇచ్చారు.
వెంకటేశ్
‘ఒక పర్సనల్ విషయాన్ని రాజకీయ స్వలాభాల కోసం ఉపయోగించడం చూస్తుంటే బాధేస్తోంది. బాధ్యతగా ఉండాల్సిన వ్యక్తులే ఇతరుల పర్సనల్ విషయాన్ని ఆయుధంగా వాడుకోవాలని అనుకోవడం దురదృష్టకరం. మేము చేసే వృత్తిపై, మా పర్సనల్ జీవితాలపై గౌరవంతో మా సినిమా ఫ్యామిలీ కట్టుబడి ఉంటుంది. సినీ సెలబ్రిటీలు తమ పర్సనల్ జీవితాలను బయటపెట్టినప్పుడు అందరి నుండి కొంచెం గౌరవాన్ని కోరుకుంటారు. ప్రైవేట్ జీవితాలను రాజకీయాల్లో లాగడం వల్ల ఎవ్వరికీ ఉపయోగం ఉండదు. పైగా అందులో భాగమయిన వారికి మరింత బాధను మిగులుస్తుంది. ఇలాంటి ముఖ్యమైన పదవుల్లో ఉండేవారు కాస్త ఆలోచించి మాట్లాడితే బాగుంటుంది. మన ఆలోచనలకు, మాటలకు చాలా బరువు ఉంటుంది. వాటిని ఒక మనిషిని బాధపెట్టడం కోసం కాకుండా ధైర్యం చెప్పడం కోసం ఉపయోగిస్తే బాగుంటుంది’ అంటూ తన స్టైల్‌లో స్పందించారు వెంకటేశ్.
It deeply saddens me to see a personal situation being used as political ammunition. It is unfortunate that someone in a position of responsibility has chosen to weaponize a private matter for political gain.
Our cinema family is built on mutual respect, hard work, and immense…
— Venkatesh Daggubati (@VenkyMama) October 3, 2024
వరుణ్ తేజ్
‘మంత్రి కొండా సురేఖ గారు చేసిన అనవసర, దురుసు వ్యాఖ్యలను నేను తీవ్రంగా ఖండిస్తున్నాను. ఒక కుటుంబాన్ని టార్గెట్ చేయడం, ముఖ్యంగా ఒక మహిళ గురించి తప్పుగా మాట్లాడడం అస్సలు ఒప్పుకోదగినది కాదు. సినీ పరిశ్రమలో తరపున నేను కూడా ఇలాంటి ప్రవర్తనను అస్సలు అంగీకరించను. రాజకీయ స్వలాభాల కోసం ఫిల్మ్ సెలబ్రిటీలను, వారి కుటుంబాలను టార్గెట్‌లాగా మార్చుకోవడం ఆపాలి. మీరు ఇలాంటివాటిపై కాకుండా అభివృద్ధిపై ఫోకస్ పెడితే బాగుంటుంది’ అని ట్వీట్ చేశాడు వరుణ్ తేజ్.
I strongly condemn the harsh and unnecessary words spoken by Minister Konda Surekha garu.
Targeting a family, especially speaking ill of a woman, is unacceptable.
As part of the film fraternity,
we will not tolerate this kind of behavior.
Using film personalities and their…— Varun Tej Konidela (@IAmVarunTej) October 3, 2024
అల్లు అర్జున్
అల్లు అర్జున్ కూడా ఈ విషయంపై స్పందిస్తూ.. ‘సినీ సెలబ్రిటీలపై, వారి కుటుంబాలపై చేసిన పరువు తక్కువ వ్యాఖ్యలను నేను తీవ్రంగా ఖండిస్తున్నాను. ఈ వ్యాఖ్యలు అమర్యాదగా ఉండడంతో పాటు మన తెలుగు కల్చర్‌కు అతీతంగా కూడా ఉన్నాయి. ఇలాంటి బాధ్యత లేని ప్రవర్తనను ఎవరూ అంగీకరించకూడదు. ఎవరైతే ఈ విషయంలో భాగమయ్యారో వారు మరింత బాధ్యతో వ్యవహరిస్తూ అందరి ప్రైవసీని గౌరవించాలని, ముఖ్యంగా మహిళల ప్రైవసీని గౌరవించాలని కోరుతున్నాను. మనం ఒక సమాజంగా గౌరవాన్ని వ్యాపించేలా చేయాలి’ అని అన్నాడు.
#FilmIndustryWillNotTolerate pic.twitter.com/sxTOyBZStB
— Allu Arjun (@alluarjun) October 3, 2024
లావణ్య త్రిపాఠి
ఇక మెగా కోడలు లావణ్య త్రిపాఠి కూడా ఈ విషయంపై స్పందిస్తూ ట్వీట్ చేసింది. ‘చాలా కష్టకాలాన్ని దాటి వచ్చిన ఒక కుటుంబం గురించి ఇలాంటి వ్యాఖ్యలు చేయడం చాలా తప్పు. ఒక మహిళే మరొక మహిళ గురించి ఇలా మాట్లాడడం సిగ్గుచేటు. ప్రతీసారి యాక్టర్లు, వారి కుటుంబాలు ఎందుకు మీకు టార్గెట్ అవుతాయి? వారి పాయింట్ నిజమని చెప్పడం కోసం మనుషులు ఇష్టం వచ్చినట్టు మాట్లాడతారు. అసలు విషయం మీద ఫోకస్ చేయండి’ అంటూ ఘాటుగానే స్పందించింది లావణ్య.
It is absolutely wrong to say such disgusting things about a family that has already gone through a rough patch. And truly shameful how a woman can talk so horribly about another woman. Why are actors and their families always an easy target?
People will say anything to make…— Lavanyaa konidela tripathhi (@Itslavanya) October 3, 2024
Share
Smita Sabharwal Konda Surekha: సమంత విడాకులపై స్పందించిన ఐఎఎస్ అధికారి స్మిత సబర్వాల్..
Manchu Vishnu: ఉపేక్షించేది లేదు.. ఒక్క ప్రకటనతో మంత్రిపై ఫైర్..!
