Naga Chaitanya Sobhita : సమంతతో విడాకుల తరువాత… నాగచైతన్య సైలెంట్‌గా ఉన్నప్పటికీ.. పర్సనల్ లైఫ్ విషయంలో మాత్రం సైలెంట్‌గా లేడనేది ఓ టాక్. విడాకుల విషయంపై ఇప్పటి వరకు నోరెత్తలేదు నాగచైతన్య. పైగా సమంత ఎక్కడ ఉన్నా సంతోషంగా ఉండాలని, తన కెరీర్ మరింత ముందుకు సాగాలని మాత్రమే చెప్పాడు. అయితే, ఇప్పటివరకు సమంతపై నాగచైతన్య నెగటివ్ కామెంట్స్ చేయకపోవడానికి కారణం శోభిత ధూళిపాళ్ల అని టాలీవుడ్‌లో చర్చ జరుగుతోంది. ఇది ఎంత వరకు నిజమో గానీ… ఈమధ్య నాగచైతన్య, శోభిత ధూళిపాళ్ల జంటపై తెగ కామెంట్స్ వినిపిస్తున్నాయి. ఈ ఇద్దరూ డేటింగ్‌లో ఉన్నారనేది ఎప్పటి నుంచో వినిపిస్తున్న గాసిప్. పైగా అచ్చ తెలుగు అమ్మాయి కావడంతో.. ఈసారి నాగచైతన్యకి శోభిత ధూళిపాళ్ల సెట్ అవుతుందని కూడా అనుకున్నారు. ఒక్కసారి నాగచైతన్య కనిపిస్తే.. ఈ డేటింగ్ రూమర్స్ గురించి అడిగేయాలనుకున్నారు. అనుకున్నట్టుగానే అడిగేశారు.
కస్టడీ సినిమా కోసం ప్రచారం చేస్తున్నాడు నాగచైతన్య. ఇందులో భాగంగా ప్రెస్‌మీట్లు, ఇంటర్వ్యూలు కూడా ఉంటాయిగా. అబ్బాయి సరిగ్గా దొరికాడని శోభిత ధూళిపాళ్ల గురించి మీ అభిప్రాయం ఏంటని అడిగేశారు. ఫస్ట్ టైం.. శోభిత ధూళిపాళ్ల గురించి నాగచైతన్య మాట్లాడారు. అదేంటంటే… తమ మధ్య రిలేషన్ అనేది ఓ గాసిప్ అని. నిజంగా గాసిప్ అయితే… నాగచైతన్య, శోభిత కలిసి ఉన్న ఫొటో బయటకు ఎలా వస్తుందని చెబుతున్నారు. ఓ రెస్టారెంట్‌లో చెఫ్‌తో కలిసి సెల్ఫీ దిగారు చైతూ. అందులో వెనక శోభిత కూడా ఉంది. అలా ఫొటోలో కనిపించడానికి అదేం షూటింగ్ కాదు, వీళ్లిద్దరూ కలిసి సినిమా కూడా చేయలేదు. కాని, ఫొటో బయటికొచ్చింది.
అయితే.. అనవసరంగా శోభిత ధూళిపాళ్ల పేరు ఎందుకు లాగుతారంటూ కొంత అసహనంతోనే మాట్లాడాడు చైతూ. ఇలాంటి వ్యవహారాల్లోకి శోభిత ధూళిపాళ్ల పేరు తీసుకురావడం కరెక్ట్ కాదని నిర్మొహమాటంగా చెప్పేశాడు. అటు శోభిత కూడా క్లారిటీ ఇచ్చింది. తానేం తప్పు చేయడం లేదంటోంది. అంతే గానీ… డేటింగ్‌లో ఉన్నాం, ఓ రిలేషన్ నడుస్తోందని మాత్రం చెప్పలేదు. తమ రిలేషన్‌పై ఇప్పటికిప్పుడు మీడియా ముందుకు వచ్చి.. క్లారిటీ ఇవ్వాల్సిన అవసరం లేదని తేల్చేసింది. కాని, ఇద్దరి వర్షన్స్ ఒకసారి గమనిస్తే… డేటింగ్ చేయడం లేదనే విషయాన్ని మాత్రం డైరెక్టుగా చెప్పలేదంటున్నారు. అవసరంగా ఇష్యూ చేయొద్దు అన్నట్టుగానే ఓ క్లారిటీ ఇచ్చారని చెప్పుకుంటున్నారు.
Share
Family Death: భార్య, భర్త, తల్లి.. ఒకరి కోసం ఒకరు మృతి..
Aamir Khan Ghajini Sequel : అమీర్‌ఖాన్ గజినీ సీక్వెల్.. గాసిప్పా, నిజమా?
