Akkineni Nagarjuna : కోర్టు ఆదేశాలను ఉల్లంఘిస్తూ హైదరాబాద్ మాదాపూర్లోని ఎన్ కన్వెన్షన్ కూల్చివేతలు జరుగుతున్నాయని టాలీవుడ్ సీనియర్ హీరో, అక్కినేని నాగార్జున తీవ్ర భావోద్వేగం వ్యక్తం చేశారు. ఈ మేరకు సోషల్ మీడియా వేదికగా శనివారం ఆయన ఓ ట్వీట్ చేశారు. స్టే ఆర్డర్లు, కోర్టు కేసులకు విరుద్ధంగా ఎన్ కన్వెన్షన్కు సంబంధించి కూల్చివేతలు చేపట్టడం బాధాకరమని హీరో నాగార్జున వాపోయారు. ఈ మేరకు ట్విట్టర్ వేదికగా పోస్ట్ పెట్టారు. తమ ప్రతిష్టను కాపాడటం కోసం.. కొన్ని వాస్తవాలను తెలియజేయడం కోసమే ఈ పోస్ట్ చేస్తున్నట్టు రాసుకొచ్చారు.
ఎన్ కన్వెన్షన్ భూమి పట్టా భూమి అని ఒక్క అంగుళం ట్యాంక్ ప్లాన్ కూడా ఆక్రమణకు గురికాలేదని అన్నారు. ప్రైవేట్ స్థలంలో నిర్మించిన భవనమిది.. కూల్చివేత కోసం గతంలో ఇచ్చిన అక్రమ నోటీసుపై స్టే కూడా మంజూరు చేయబడిందని స్పష్టం చేశారు. కూల్చివేత తప్పుడు సమాచారంతో చట్ట విరుద్ధంగా జరిగిందని నాగార్జున అన్నారు. కూల్చివేతకు ముందు ఎలాంటి నోటీసు జారీ చేయలేదన్నారు. కేసు కోర్టులో ఉన్నప్పుడు ఇలా చేయడం సరికాదని చట్టాన్ని గౌరవించే పౌరుడిగా, కోర్టు వ్యతిరేకంగా తీర్పునిస్తే తానే కూల్చివేత నిర్వహించేవాడినన్నారు.
ఆక్రమణలు చేసి తప్పుడు నిర్మాణాలు చేపట్టామని ప్రజలకు తప్పుడు సంకేతాలు వెళ్లే అవకాశం ఉందని వాపోయారు. ఆ అభిప్రాయాన్ని పోగొట్టాలనేదే ప్రధాన ఉద్దేశమని ట్వీట్ చేశారు. అధికారులు చేసిన చట్ట విరుద్ధ చర్యలకు వ్యతిరేకంగా న్యాయస్థానాన్ని ఆశ్రయిస్తామన్నారు. కోర్టులో న్యాయం జరుగుతుందని ఆశిస్తున్నానన్నారు.
స్టే ఆర్డర్లు మరియు కోర్టు కేసులకు విరుద్ధంగా ఎన్ కన్వెన్షన్కు సంబంధించి కూల్చివేతలు చేపట్టడం బాధాకరం. మా ప్రతిష్టను కాపాడటం కోసం, కొన్ని వాస్తవాలను తెలియజేయడం కోసం మరియు చట్టాన్ని ఉల్లంఘించేలా మేము ఎటువంటి చర్యలు చేపట్టలేదని తెలుపుట కొరకు ఈ ప్రకటనను జారీ చేయడం సరైనదని నేను…
— Nagarjuna Akkineni (@iamnagarjuna) August 24, 2024
Pained by the unlawful manner of demolition carried out in respect of N Convention, contrary to existing stay orders and Court cases.
I thought it fit to issue this statement to place on record certain facts for protecting my reputation and to indicate that we have not done any…— Nagarjuna Akkineni (@iamnagarjuna) August 24, 2024
Share
Mohammad Rizwan: బాబర్ పై బ్యాట్ విసిరిన రిజ్వాన్ : డబుల్ సెంచరీ మిస్ అయినందుకేనా?
Mahila Commission: కేటీఆర్ క్షమాపణలు చెప్పాలి.. మహిళా కమిషన్ కార్యాలయం వద్ద ఉద్రిక్తత
