Nani: నానీ నటన ఎంత న్యాచురల్గా ఉంటుందో అందరికీ తెలిసిందే. అందుకే అతడికి న్యాచురల్ స్టార్ అని పేరు వచ్చింది. ఎటువంటి సినీ బ్యాక్ గ్రౌండ్ లేకుండా ఇండస్ట్రీలోకి అడుగుపెట్టి ఇప్పుడు స్టార్ హీరోగా ఎదిగాడు నాని. తన నటనతో కోట్లాది మంది హృదయాలు గెలుచుకున్నాడు. సినీ బ్యాక్ గ్రౌండ్ లేకుండా ఇండస్ట్రీలోకి రావాలనుకునే వారికి ఆదర్శంగా నిలిచాడు.
అయితే నానికి సినిమాల్లోకి రావాలనే కోరిక చిన్నప్పటి నుంచే ఉంది. అప్పటి నుంచే సినిమాలు రిలీజ్ అయిన ప్రతి సినిమాను వదలకుండా చూసేవాడు. ఒక ఏజ్ వచ్చాక తన ఫొటో ఆల్బమ్ పట్టుకొని స్టూడియోల చుట్టూ తిరగడం మొదలు పెట్టాడు. చెప్పులు అరిగాయే తప్ప అవకాశాలు రాలేదు. ఒకానొక సమయంలో ఇక అవకాశాలు రావు అనుకొని ప్రయత్నాలు మానేద్దామనుకున్నాడు నాని.
హీరోగా ప్రయత్నాలు మాని.. డైరెక్షన్ డిపార్ట్మెంట్ వైపు ప్రయ్నాలు మొదలు పెట్టాడు. డైరెక్టర్ బాపు దగ్గర క్లాప్ అసిస్టెంట్గా చేరాడు. ఆ తర్వాత పలు చిత్రాలకు అసిస్టెంట్ డైరెక్టర్గా, రేడియో జాకీగా నాని పని చేశాడు. కొద్దిరోజులకు డైరెక్టర్ ఇంద్రగంటి మోహనకృష్ణ దగ్గర అసిస్టెంట్ డైరెక్టర్గా చేరాడు.
అప్పుడు మోహనకృష్ణ అష్టాచమ్మా సినిమా కోసం హీరోని వెతుకుతున్నాడు. అదే సమయంలో నాని మోహనకృష్ణ కంట్లో పట్డాడు. అంతే హీరోగా నానికి అవకాశం వచ్చింది. ఆ సినిమాలో రాంబాబు పాత్రలో నటించి అదరగొట్టాడు. అంతే ఇక నాని వెనుదిరిగి చూసుకోలేదు. అవకాశాలు వెతుక్కుంటూ వచ్చాయి. బ్యాక్ గ్రౌండ్ లేకుండా ఇండస్ట్రీలోకి అడుగుపెట్టి స్టార్ హీరో వరకు ఎదిగాడు.
నాని నటించిన లేటెస్ట్ మూవీ దసరా. డైరెక్టర్ శ్రీకాంత్ ఓదెల తెరకెక్కించిన ఈ మూవీలో కీర్తి సురేష్ హీరోయిన్గా నటించింది. శ్రీరామనవమి సందర్భంగా మార్చి 30న ఈ సినిమా ప్రేక్షకుల ముందుకు రానుంది.
Share
Dalai Lama: దలైలామా వారసుడు ఆ అమెరికా బాలుడేనా? చైనా ఊరుకునేనా?
Dasara:- నానికి ‘దసరా’ ఛాలెంజ్..!
