Sankranthiki Vasthunam Collections : స్టార్ హీరో వెంకటేష్ నటించిన లేటెస్ట్ బ్లాక్ బాస్టర్ మూవీ ‘సంక్రాంతికి వస్తున్నాం’.. తెలుగు చిత్ర పరిశ్రమలో సక్సెస్ ఫుల్ డైరెక్టర్ అనిల్ రావిపూడి దర్శకత్వంలో వచ్చిన మూడో సినిమా ఇది. గత రెండేళ్లలో ఎఫ్ 2, ఎఫ్ 3 సినిమాలతో ప్రేక్షకులను తెగ నవ్వించేశారు. ఇప్పుడు సంక్రాంతికి వస్తున్నాం మూవీతో వచ్చారు. గతంలో ఎన్నడూ లేని విధంగా మొదటి రోజు నుంచి ఇప్పటివరకు పాజిటివ్ టాక్ తో దూసుకుపోతుంది. మొదటి రోజు నుంచి ఇప్పటివరకు కలెక్షన్స్ పెరుగుతున్నాయే తప్ప తగ్గలేదు.. మరి ఐదు రోజులకు గాను ఎంత వసూల్ చేసిందో ఇప్పుడు ఒకసారి తెలుసుకుందాం..
ఈ ఏడాది పొంగల్ సందర్బంగా 14 వ తేదీన థియేటర్లలోకి వచ్చింది. బెనిఫిట్ షో నుంచే హిట్ టాక్ వచ్చింది. కేవలం మూడు రోజుల్లోనే రూ.100 కోట్ల క్లబ్లో చేరి ట్రేడ్ వర్గాలనే షాక్ అయ్యేలా చేసింది. హీరో వెంకటేష్ కెరీర్లోనే భారీ వసూళ్లను సాధించిన చిత్రంగా సంక్రాంతికి వస్తున్నాం మూవీ దుమ్ము దులిపేస్తుంది . ఈ మూవీలో వెంకటేష్ కు జోడిగా ఐశ్వర్య రాజేష్, మీనాక్షి చౌదరి హీరోయిన్లు గా నటించారు. వీకే నరేష్, వీటీవీ గణేష్, మురళీధర్ గౌడ్, సాయికుమార్ తదితరులు కీలకపాత్రలు పోషించారు. నటీనటుల రెమ్యునరేషన్, ప్రమోషనల్ ఖర్చులతో కలిపి ఈ మూవీ 80 కోట్ల బడ్జెట్ తో రూపొందించారు. శ్రీ వెంకటేశ్వర క్రియేషన్స్ బ్యానర్పై ప్రముఖ నిర్మాత దిల్రాజు నిర్మించారు.. ఆంధ్రా, నైజాంలో కలిపి 33 కోట్ల రూపాయలు, ఇతర రాష్ట్రాలు, ఓవర్సీస్ కలిపి 9 కోట్ల రూపాయలుగా నమోదైంది. అలా ప్రపంచవ్యాప్తంగా సంక్రాంతికి వస్తున్నాం సినిమాకు మొత్తంగా 42 కోట్ల వరకు ప్రీరిలీజ్ బిజినెస్ జరిగింది. రిలీజ్ అయ్యాక ఒక్కరోజులోనే అంత రాబట్టింది. వెంకీ మామా లైఫ్ లో చూడని రికార్డు ను సొంతం చేసుకుంది
సంక్రాంతికి వస్తున్నాం ఐదు రోజుల కలెక్షన్స్ విషయానికొస్తే.. 1300 స్క్రీన్ల లో రిలీజ్ అయిన ఈ మూవీ ఫస్ట్ డే నుంచి మంచి కలెక్షన్స్ ను అందుకుంటుంది.. తొలి రోజు రూ. 45 కోట్లు అందుకుంది. రెండో రోజు రూ.32 కోట్లు, మూడో రోజు రూ.29 కోట్ల గ్రాస్ వసూళ్లు రాబట్టి కేవలం 3 రోజుల్లోనే రూ.106 కోట్లు కలెక్ట్ చేసింది. అంతేకాదు రూ.85 కోట్ల బ్రేక్ ఈవెన్ టార్గెట్ను అలవోకగా కొట్టేసి లాభాలను అందిస్తోంది.. సంక్రాంతి సెలవులు ఇంకా ఉండటంతో ఈ మూవీని చూడటానికి జనాలు ఆసక్తి చూపిస్తున్నారు. నాలుగో రోజు కూడా కలెక్షన్స్ భారీగా పెరిగినట్లు తెలుస్తుంది. బాక్సాఫీస్ వద్ద రూ. 25 కోట్ల కలెక్షన్స్ ను అందుకుంది. అంటే 131 కోట్లు రాబట్టింది. ఐదు రోజులకు 150 కోట్లు రాబట్టింది. మరి ఏ మాత్రం వసూల్ చేసిందో చిత్ర యూనిట్ అధికారక ప్రకటన రావాల్సి.. మొత్తానికి ఈ మూవీతో వెంకీ మామా హిట్ ట్రాక్ లో పడ్డాడు. ఇదే జోరున కలెక్షన్స్ పెరిగితే రూ. 500 కోట్ల క్లబ్ లోకి చేరుతుందని టాక్.. ప్రస్తుతం వెంకీ టీమ్ ఈ మూవీ సక్సెస్ ను ఎంజాయ్ చేస్తున్నారు.. త్వరలోనే మరో సినిమాను అనౌన్స్ చెయ్యనున్నారని టాక్.. సంక్రాంతికి నవ్వించిన వెంకీ మామా ఈసారి భయపెట్టబోతున్నారని సమాచారం.. చూద్దాం ఏ డైరెక్టర్ తో ఎలాంటి మూవీతో రాబోతున్నాడో..
Share
Intinti Ramayanam Today Episode : అక్షయ్, పార్వతిలను కలిపిన కమల్.. శ్రీకర్ కు ఘోర అవమానం..
Manchu Vishnu: నేను ఏ దేశానికి పారిపోలేదు.. ఎవరికీ భయపడను అంటున్న విష్ణు..!
