Sekhar Master: టాలీవుడ్‌లో ప్రస్తుతం శేఖర్ మాస్టర్ కంపోజ్ చేసే స్టెప్స్ మీద పెద్ద చర్చ నడుస్తోంది. అసలు ఇది కొత్త విషయం కాదు, గతంలోనూ కొన్ని సందర్భాల్లో ఆయన కొరియోగ్రాఫీ కాంట్రవర్సీలో చిక్కుకుంది. కానీ, తాజాగా “డాకు మహారాజ్”లో బాలయ్య-ఊర్వశీ రౌతెలా చేసిన “దబిడి దిబిడి” స్టెప్స్ పై వచ్చిన విమర్శలు ఇంకా తగ్గకముందే, “రాబిన్ హుడ్” సినిమాలో కేతిక శర్మ చేసిన స్టెప్స్ మీద కొత్త వివాదం ప్రారంభమైంది.
ఈ సాంగ్ రిలీజ్ అయ్యాక వెంటనే సోషల్ మీడియాలో విపరీతంగా ట్రోలింగ్ మొదలైంది. యూజర్లు ఈ స్టెప్స్ ఎక్కడి నుంచి వచ్చాయో? ఇందులో ఏ మెస్సేజ్ ఉంది? అని సెటైర్లు వేస్తూ పోస్టులు పెట్టారు. అటు ఆన్‌లైన్ నుంచి ఆఫ్‌లైన్‌కి ఈ వివాదం మారింది. తెలంగాణ మహిళా సంఘాలు దీనిపై కఠినంగా స్పందిస్తూ ప్రెస్ నోట్ విడుదల చేశాయి.
సినిమాల్లో మహిళలను అసభ్యంగా చూపించే విధంగా డాన్స్ స్టెప్స్ ఉండకూడదని, ఇలా చేయడం మహిళల గౌరవాన్ని దిగజార్చే ప్రయత్నమేనని మహిళా సంఘాలు మండిపడ్డాయి. సినిమా అనేది సమాజంపై గణనీయమైన ప్రభావం చూపించే మాధ్యమం కాబట్టి, డైరెక్టర్లు, కొరియోగ్రాఫర్లు తమ బాధ్యతను గుర్తు పెట్టుకోవాలంటూ హెచ్చరించారు.
మహిళా కమిషన్ కూడా ఈ ఫిర్యాదుల్ని తీవ్రంగా పరిగణిస్తోంది. ఇలాంటి అంశాలపై గమనిస్తూ, అవసరమైన చర్యలు తీసుకునేందుకు సిద్ధంగా ఉన్నామని వెల్లడించింది. ఇకపై మహిళలను తక్కువ చేసి చూపించే స్టెప్స్, మూసధోరణి పాటలు లేవనేలా పరిశ్రమలో స్వీయ నియంత్రణ ఉండాలని స్పష్టం చేసింది.
ఈ విమర్శల మధ్య శేఖర్ మాస్టర్ ఎలా స్పందిస్తాడో? తన స్టైల్ మార్చుకుంటాడా? లేక “ఇది కమర్షియల్ సినిమా పార్ట్, నేను నచ్చినట్లు కంపోజ్ చేస్తా” అంటూ తనదైన స్టైల్‌లోనే ముందుకు వెళ్తాడా? అనేది ఆసక్తికరంగా మారింది. కానీ, ట్రెండ్ చూస్తుంటే ఇకపై ఆయన కంపోజ్ చేసే స్టెప్స్ మీద ఇండస్ట్రీలోనూ, ప్రేక్షకుల్లోనూ మరింత పరిశీలన ఉండబోతుందని ఖచ్చితంగా చెప్పొచ్చు.
Share
Hardik Pandya: హార్దిక్ పాండ్యా బయోపిక్‌... టాలీవుడ్‌ హీరోతోనే సినిమా ?
AP Politics: కూటమిపై కుట్ర.. అంత ఈజీనా..?
