Casting Couch : టాలీవుడ్ టాప్‌హీరోపై తమిళనటి విచిత్ర క్యాస్టింగ్ కౌచ్ ఆరోపణలు చేశారు. తమిళ్ బిగ్‌బాస్‌లో పాల్గొన్న ఆమె.. ఓ తెలుగు సినిమా షూటింగ్‌లో సదరు హీరో తనని లైంగికంగా వేధించారని చెప్పింది. షూటింగ్ సమయంలో హీరో తన రూమ్‌కు పిలిచాడని.. వెళ్లనందుకు షూటింగ్ జరిగినన్ని రోజులు వేధించారని తెలిపింది. రాత్రి పూట తన గది తలుపులు కొట్టేవారని, ఫైటింగ్ సీన్‌లో ఇతర ఆర్టిస్టులు తనని అసభ్యంగా తాకేలా చేశారని చెప్పింది. ఈ వ్యవహారంపై ఫిర్యాదు చేసినందుకు అందరిముందు కొట్టారని వాపోయింది. తర్వాత యూనియన్‌కు ఫిర్యాదు చేస్తే.. అసలు ఈ వేధింపులు జరిగినట్టు మరిచిపొమ్మన్నారని విచిత్ర తెలిపింది.
తమిళ ఇండస్ట్రీలో తనకు ఎప్పుడు ఇలాంటి పరిస్థితి ఎదురుకాలేదని విచిత్ర తెలిపింది. తెలుగు “టాప్ హీరో” షూటింగ్‌లో జరిగిన లైంగిక వేధింపుల తర్వాత.. తాను సినిమాలకు దూరమయ్యానని చెప్పారామె. అయితే.. తనని వేధించిన హీరో పేరు, సినిమా పేరు మాత్రం విచిత్ర బయటపెట్టలేదు. అయితే.. తమిళ్ ఇండస్ట్రీతో పోల్చుతూ.. తెలుగు ఇండస్ట్రీలో.. అదికూడా టాప్ హీరో నుంచి లైంగిక వేధింపులు ఎదురయ్యాయని విచిత్ర చెప్పడంపై సోషల్ మీడియాలో హాట్ డిబేట్ జరుగుతోంది. భలేవాడివిబాసూ సినిమాలో విచిత్ర నటించిందిని.. ఆ సినిమా షూటింగ్‌లోనే ఇదంతా జరిగి ఉంటుందని నెటిజన్లు అభిప్రాయపడుతున్నారు.
Share
akbaruddin owaisi : ఎస్ఐకు వార్నింగ్.. అక్బరుద్దీన్ ఓవైసీపై కేసు..
Game Changer : వచ్చే ఏడాది సమ్మర్ కి గేమ్ ఛేంజర్ రిలీజ్ డౌటే.. మళ్లీ వాయిదా ?
