Yashoda OTT Release Date: ‘యశోద’ ఓటీటీ రిలీజ్ డేట్ వ‌చ్చేసింది

Yashoda OTT Release Date: స‌మంత టైటిల్ పాత్ర‌లో న‌టించిన లేటెస్ట్ పాన్ ఇండియా మూవీ ‘యశోద’. న‌వంబ‌ర్ 11న సినిమా తెలుగు, హిందీ, క‌న్న‌డ‌, మ‌ల‌యాళ‌, త‌మిళ భాష‌ల్లో విడుద‌లైంది. మెడిక‌ల్ క్రైమ్ థ్రిల్ల‌ర్ కాన్సెప్ట్‌తో రూపొందిన ఈ చిత్రం న‌వంబ‌ర్ 11న రిలీజైంది. మంచి హిట్ టాక్ తెచ్చుకున్న ఈ సినిమా మొత్తంగా రూ.30 కోట్ల మేర‌కు వ‌సూళ్ల‌ను సాధించింది. స‌మంత న‌ట‌నను అంద‌రూ అప్రిషియేట్ చేశారు. థియేటర్స్‌లో య‌శోద సినిమాను చూడాలేక‌పోయిన‌ సినీ ప్రేమికులు ఓటీటీ రిలీజ్ కోసం ఆస‌క్తిగా ఎద‌రు చూడ‌సాగారు. ఎట్ట‌కేల‌కు ‘యశోద’ ఓటీటీ రిలీజ్ డేట్ అనౌన్స్‌మెంట్ వ‌చ్చేసింది. డిసెంబ‌ర్ 9న ఐదు భాష‌ల్లో ప్ర‌ముఖ ఓటీటీ మాధ్య‌మం అమెజాన్ ప్రైమ్‌లో య‌శోద సినిమా స్ట్రీమింగ్ కానుంది.

నిజానికి ‘యశోద’ చిత్రాన్ని ఎప్పుడో ఓటీటీ రిలీజ్ చేయాల‌ని మేక‌ర్స్ భావించారు. అయితే ఈ సినిమాలో ఈవా అనే స‌రోగ‌సీ సెంట‌ర్‌ను చూపించారు. నిజంగానే అదే పేరుతో ఉన్న స‌రోగ‌సీ సెంటర్ నిర్వాహ‌కులు సినిమాపై కేసు వేశారు. దీంతో మూవీ ఓటీటీ రిలీజ్ ఆగింది. చివ‌ర‌కు ఇటు య‌శోద మూవీ మేక‌ర్స్‌.. అటు స‌రోగ‌సీ సెంట‌ర్ నిర్వాహ‌కులు కూర్చుని మాట్లాడుకోవ‌టంతో విష‌యం సీరియ‌స్ కాకుండా ఆగింది.

స‌మంత ప్ర‌ధాన పాత్ర‌లో న‌టించిన ఈ చిత్రంలో వ‌ర‌ల‌క్ష్మి శ‌ర‌త్‌కుమార్‌, ఉన్ని ముకుంద‌న్‌, రావు ర‌మేష్ త‌దిత‌రులు ఇత‌ర కీల‌క పాత్ర‌ల్లో న‌టించారు. స‌రోగ‌సీ సెంట‌ర్స్‌లో క్రైమ్ జ‌రిగితే ఎలా ఉంటుంద‌నే క‌థాంశంతో ఈ సినిమాను తెర‌కెక్కించారు. హ‌రి, హ‌రీష్ ద‌ర్శ‌క‌త్వంలో శ్రీదేవి మూవీస్ బ్యాన‌ర్‌పై శివ‌లెంక కృష్ణ ప్ర‌సాద్ సినిమాను నిర్మించారు.

Share

• 
• 
• 
• 
• 
•