America : అమెరికాలో ఉష్ణోగ్రతలు కనిష్ఠ స్థాయికి చేరుకున్నాయి. దీంతో అమెరికా ప్రజలు తీవ్ర ఇబ్బందులు ఎదుర్కొంటున్నారు. క్రిస్‌మస్ సమీపిస్తున్న వేళ పండుగ ప్రయాణాలకు ఈ వాతావరణం అవరోధంగా మారింది. మంచు, వాన, గాలి , శీతల ఉష్ణోగ్రతలతో అగ్రరాజ్యమంతటా రవాణా సర్వీసులకు అంతరాయం కలుగుతోంది. మంచు కురవడంతో పాటు ఉష్ణోగ్రతలు మైనస్ డిగ్రీలకు పడిపోవడంతో దేశవ్యాప్తంగా రెండు వేలకు పైగా విమాన సర్వీసులను నిలిపి వేసింది అమెరికా ప్రభుత్వం
దేశ అధ్యక్ష్యుడు జో బైడెన్ సైతం ఈ మేరకు అమెరికన్లకు సూచనలు జారీ చేశారు. ఇవి మీరు చిన్నప్పుడు చూసిన మంచు రోజులు కాదు..చాలా తీవ్రమైన పరిస్థితులని అన్నారు. ప్రస్తుత పరిస్థితులు సైక్లోన్‌గా బలపడే ప్రమాదం ఉందని ‘అక్యూవెదర్’ సంస్థ తెలిపింది. ఇదే క్రమంలో న్యూయార్క్ గవర్నర్ ఇతర ప్రాంతాల గవర్నర్లతో కలసి అత్యవసర పరిస్థితిని ప్రకటించారు.
తీవ్ర మైన మంచు కురవడంతో వాహనాలు అదుపు తప్పే అవకాశం ఉన్నందున రోడ్డు మార్గంలో ప్రయాణాలు ఆపుకోవాలని అధికారులు సూచిస్తున్నారు. అమెరికాలోని ప్రధాన రహదారైన ‘ఇంటర్ స్టేట్ -90’ ని అధికారులు మూసి వేశారు.
Share
Kaikala: కైకాలకు సమానస్థాయి నటులు లేరు.. సీఎం కేసీఆర్ నివాళి..
Maida Flour : మైదా ఎక్కువగా తింటే జరిగేది ఇదే
