Drone-Xmas: అమెరికాలోని టెక్సస్‌లో క్రిస్మస్‌కు ముందే పండుగ శోభ వచ్చేసింది. గత వారం నిర్వహించిన డ్రోన్ షో గిన్నిస్ వరల్డ్ రికార్డులను సాధించింది. స్కై ఎలిమెంట్స్ డ్రోన్ షోస్ ఈ కార్యక్రమం నిర్వహించింది. టెక్సస్‌లోని నార్త్ రిచ్‌లాండ్ హిల్స్‌లో చేపట్టిన డ్రోన్ షోను 2 వేల మందికి పైగా తిలకించారు.
క్రిస్మస్ ట్రీ, శాంటాక్లాజ్ తాత, ఇతర ఫెస్టివ్ ఇమేజెస్‌ వీక్షకులను విపరీతంగా ఆకట్టుకున్నాయి. మిరుమిట్లు గొలిపే కాంతులతో డ్రోన్లు వివిధ ఆకృతులను నిశీధి వీధిలో ఏర్పరచడాన్ని కన్నార్పకుండా చూశారు స్థానికులు. డ్రోన్లతో ఏర్పడిన అతి పెద్ద ఏరియల్ డిస్‌ప్లే ఈ షో గిన్నిస్ రికార్డుల్లోకి ఎక్కింది.
వివిధ ఆకృతుల కోసం మొత్తం 1499 డ్రోన్లను వినియోగించారు. ఫిక్షనల్ కేరెక్టర్ కోసం ఇంత పెద్ద సంఖ్యలో డ్రోన్లను వినియోగించడం ఓ రికార్డు. అలాగే డ్రోన్లతో రూపొందిన భారీ క్రిస్మస్ ట్రీ ఆకృతి సహజత్వం ఉట్టిపడేలా ఉండటం చూపరులను విస్మయపరిచింది. ఈ షోను నిర్వహించడానికి 40 మంది సిబ్బంది శ్రమించారు.
Share
Salaar Record: 2023 హైయెస్ట్ గ్రాస్ ఓపెనింగ్స్.. సలార్ సంచలన రికార్డ్..
Hyderabad: లిఫ్ట్ లో ఇరుక్కు పోయిన ఎమ్మెల్యే.. తప్పిన ప్రమాదం..
