Google: మాంద్యం దెబ్బకు దిగ్గజ సంస్థలు కూడా తట్టుకోలేకపోతున్నాయి. ఇటీవల టెక్ దిగ్గజం గూగుల్ 12 వేల మందిని తొలగిస్తున్నట్లు ప్రకటించిన విషయం తెలిసిందే. ఈ లేఆఫ్స్‌కు సంబంధించి రోజుకో కొత్త విషయం వెలుగులోకి వస్తోంది. ఇటీవల ఇద్దరు భార్యాభర్తలను ఒకేసారి ఉద్యోగం నుంచి తొలగించి షాక్ ఇచ్చిన గూగుల్.. తాజాగా ఓ హెచ్‌ఆర్‌కి ఇంటర్వూ చేస్తుండగానే.. లేఆఫ్ సందేశం పంపించింది.
హ్యుమెన్ రిసోర్సెస్ విభాగంలో విధులు నిర్వహిస్తున్న డాన్ లానిగాన్ ర్యాన్.. సంస్థ కోసం ఒకరిని వర్చువల్‌గా ఇంటర్వూ చేస్తుండగా ఒక్కసారిగా కాల్ కట్ అయిపోయింది. ఆ తర్వాత తిరిగి కాల్ చేసేందుకు ప్రయత్నించినా కూడా కాల్ కనెక్ట్ అవ్వలేదు. సాంకేతిక లోపం అని భావించి కొంత సమయం తర్వాత తిరిగి కాల్ చేసినా కనెక్ట్ కాలేదు. ఆ తర్వాత తన మెయిల్ చెక్ చేసుకోగా.. ఉద్యోగం నుంచి తొలగించినట్లు సందేశం వచ్చింది. దీంతో ఒక్కసారిగా ర్యాన్ షాక్ అయింది.
ఇలా అర్ధాంతరంగా సంస్థ నుంచి వెళ్లిపోవాల్సి వస్తుందని ఎన్నడూ అనుకోలేదని ర్యాన్ తెలిపింది. ఇటీవలే తన కాంట్రాక్ట్‌ను ఏడాది పొడిగించి జీతం కూడా పెంచారని తెలిపింది. ఇంతలోనే ఇలా జరిగిందని ఆవేదన వ్యక్తం చేసింది.
Share
Tamannaah: తమన్నా - విజయ్ వర్మ మ్యారేజ్ డేట్ ఫిక్స్ అయ్యిందా!
Science Diplomacy:దేశాల మధ్య శత్రుత్వాన్ని పెంచుతున్న సైన్స్..
