Visa: ఊడిన ఉద్యోగం.. ముగుస్తున్న వీసా గడువు.. ఆందోళనలో భారతీయ టెకీలు

Visa: ఆర్థిక మాంద్యం దెబ్బకు దిగ్గజ టెక్ కంపెనీలన్నీ దివాలా తీస్తున్నాయి. ఆర్థికభారాన్ని తగ్గించుకునేందుకు పెద్ద ఎత్తున ఉద్యోగులను తొలగిస్తున్నాయి. అమెరికాలో ఉద్యోగం కోల్పోయిన సాఫ్ట్‌వేర్ ఉద్యోగుల్లో ఎక్కువ మంది భారతీయులే ఉన్నారు. ఇటీవల టెక్ దిగ్గజం గూగుల్ దాదాపు 2.5 లక్షల మంది ఉద్యోగులను ఇళ్లకు సాగనంపగా.. అందులో దాదాపు లక్ష మంది భారతీయులే ఉన్నారు. దీంతో వారి పరిస్థితి దయనీయంగా మారింది. అటు వీసా గడువు ముగుస్తుండడం.. ఇటు కొత్త ఉద్యోగం దొరకకపోవడంతో తీవ్ర ఆందోళనకు గురవుతున్నారు.

అమెరికాలో ఉద్యోగం కోల్పోయిన వాళ్లు 60 రోజుల్లోగా కొత్త ఉద్యోగం చూసుకోవాలి. ఈలోగా ఉద్యోగం దొరకకపోతే దేశాన్ని వీడాల్సి ఉంటుంది. అయితే ఆర్థిక మాంద్యం దెబ్బకు చాలా కంపెనీలు ఉన్న ఉద్యోగులనే తొలగిస్తున్నాయి.. కానీ కొత్త వారిని తీసుకోవడం లేదు. దీంతో కొత్త ఉద్యోగం వెతుక్కోవడం పెద్ద సవాల్‌గా మారింది.

ముఖ్యంగా హెచ్-1బీ వీసాపై అమెరికాకు వెళ్లి ఉద్యోగం కోల్పోయిన వారి పరిస్థితి దారుణంగా ఉందని ఫౌండేషన్ ఫర్ ఇండియా అండ్ ఇండియన్ డయాస్పొరా స్టడీస్ వెల్లడించింది. చూస్తుండగానే 60 రోజుల సమయం గడిచిపోతుండడంతో.. తమ పిల్లలను వెంట పెట్టుకొని స్వదేశానికి వెళ్లాల్సిన పరిస్థితి వచ్చిందని తెలిపింది.