Snow Festival : అదో మాయాలోకం.. ఎటు చూసినా మంచు శిల్పాలే. పిల్లలు, పెద్దల సందడి నడుమ ఐస్ అండ్ స్నో ఫెస్టివల్ ఆరంభమైంది. చైనా హేలాంగ్‌ఝాంగ్ ప్రావిన్స్ రాజధాని హర్బిన్‌లో ఏటా శీతాకాలంలో జరిగే పండుగ ఇది. ఫెయిరీ టేల్‌లో మాదిరిగా కళ్ల చెదిరే మంచు రాజకోటలు పర్యాటకులను విపరీతంగా ఆకట్టుకుంటున్నాయి.
ఈ ఏడాది 8.1 లక్షల చదరపు మీటర్లలో ఐస్ పార్క్‌ ఏర్పాటైంది. 2.5 లక్షల క్యూబిక్ మీటర్ల మంచుతో శిల్పాలను రూపొందించారు. సమీపంలోని సోంగ్వా నది ఘనీభవించడంతో.. అక్కడి నుంచి మంచుగడ్డలను తీసుకొచ్చి వీటిని తయారు చేశారు. చీకటి పడితే చాలు.. రంగురంగుల విద్యుద్దీపాల వెలుగులో మంచు శిల్పాలు ఎంతో అందంగా మెరిసిపోతున్నాయి.
చైనా సంస్కృతిని ప్రతిబింబించే భవనాలు, బ్రిడ్జిలు, ఫెయిరీ టేల్ కేజిల్స్‌, బుద్ధుడి భారీ ప్రతిమ టూరిస్టులను విపరీతంగా ఆకట్టుకుంటున్నాయి. ఇక ఈ పార్కులో పిల్లల కోసం మంచుతోనే జారుడు బల్లలు ఏర్పాటు చేయడం విశేషం. ప్రతి రోజూ 30 వేల మందిని స్నో పార్క్‌ను సందర్శిస్తున్నారని నిర్వాహకులు తెలిపారు.
Share
Uber : రైడర్లకు ఉబర్ గుడ్ న్యూస్.. ధరను ఎంచుకోనే ఆప్షన్..
Lok Sabha polls : మోదీ లోక్ సభ ఎన్నికల ప్రచారం షురూ.. ఎక్కడి నుంచో తెలుసా?
