Fire Accident: హాంకాంగ్లో ఘోర అగ్ని ప్రమాదం జరిగింది. హాంకాంగ్లోని అతి పెద్ద రెసిడెన్షియల్ ఎస్టేట్ అయిన వాంగ్ ఫక్ కోర్ట్లో ఈ ప్రమాదం సంభవించింది. ఈ దుర్ఘటనలో మొత్తం నలుగురు వ్యక్తులు ప్రాణాలు కోల్పోయారు. ఈ ఘటన స్థానికంగా విషాదఛాయలు నింపింది. ఈ అగ్ని ప్రమాదంలో ఏడుగురు గాయపడ్డారు. వారిని వెంటనే సమీప ఆసుపత్రికి తరలించారు. గాయపడినవారిలో నలుగురు చనిపోగా.. మరో ఇద్దరి పరిస్థితి విషమంగా ఉన్నట్లు తెలుస్తోంది. ఇంకొకరు స్వల్ప గాయాలతో ప్రమాదం నుంచి బయటపడ్డారు. అధికారులు మృతుల వివరాలు ఇంకా పూర్తిగా వెల్లడించలేదు.
తాయ్ పోలోని వాంగ్ ఫక్ కోర్ట్ హౌసింగ్ ఎస్టేట్లో దాదాపు 2 వేల అపార్ట్మెంట్లు ఉన్నాయి. హాంకాంగ్ కాలమానం ప్రకారం మధ్యాహ్నం 2 గంటల 51 నిమిషాలకు ఈ అగ్ని ప్రమాదం సంభవించింది. అకస్మాత్తుగా భారీగా మంటలు చెలరేగాయి. ఆ ప్రాంతమంతా దట్టమైన పొగ కమ్మేసింది. ఎత్తైన భవంతి నుంచి మంటలు, పొగ వ్యాపించడం చూసి స్థానికులు భయాందోళన వ్యక్తం చేశారు.
సమాచారం అందుకున్న అగ్నిమాపక సిబ్బంది, పోలీసులు హుటాహుటిన ఘటనా స్థలానికి చేరుకున్నారు. మంటలు ఆర్పివేసి, సహాయక చర్యలు చేపట్టారు. భవంతిలో చిక్కుకున్న వారిని బయటకు తీసుకొచ్చేందుకు కృషి చేశారు. మంటలు ఆకాశాన్ని తాకేలా ఎగసిపడ్డాయి. దీనికి సంబంధించిన దృశ్యాలు సోషల్ మీడియాలో విపరీతంగా వైరల్ అవుతున్నాయి. అగ్ని ప్రమాదం సంభవించిన కారణాలపై అధికారులు దర్యాప్తు చేస్తున్నారు. భవనంలో భద్రతా ప్రమాణాలు పాటించారా లేదా అనే కోణంలో పరిశీలిస్తున్నారు. అగ్ని ప్రమాదానికి గల కారణాలు ఇంకా తెలియాల్సి ఉంది.
Share
Trivikram: త్రివిక్రమ్ తో తమన్ కు చెడిందా? దూరం పెట్టడానికి కారణం ఏంటి?
Vaikunta Dwara Darshanam: తిరుమల వైకుంఠ ద్వార దర్శనాలు.. రేపట్నుంచి ఎలక్ట్రానిక్ డిప్ నమోదు.. సర్వదర్శనం టోకెన్లూ ఆన్ లైన్ లో
