Japan: మహిళలు స్నానాలు చేస్తుంటే 30 ఏళ్లుగా ఫొటోలు, వీడియోలు..

Japan: జపాన్‌లో ఉండే పర్యాటక ప్రాంతాల్లో ఒకటి.. షిజుఒక. టోక్యోకు సమీపంలో ఉండే ఈ ప్రాంతం ప్రకృతి అందాలతో ఎంతో ఆహ్లాదకరంగా ఉంటుంది. ఇక్కడ సహజ సిద్ధంగా ఏర్పడిన వేడి నీటి బుడగలు కూడా ఉంటాయి. వాటిలో స్నానాలు చేసేందుకు పెద్ద ఎత్తున మహిళలు, యువతులు తరలివస్తుంటారు. ఆ ప్రాంతంలోకి పురషులకు ప్రవేశం ఉండదు. ఎంతో కట్టుదిట్టమైన భద్రతతో ఉంటుంది.

అయితే ఆ వ్యక్తి అందరి కళ్లు గప్పి ఆ ప్రాంతంలో కెమెరాలను ఏర్పాటు చేశాడు. దాదాపు 30 ఏళ్లుగా ఎవరికీ అనుమానం రాకుండా స్నానాలు చేస్తున్న అమ్మాయిలు, యువతుల ఫొటోలు తీశేవాడు. అత్యున్నతమైన కెమెరాలకు టెలిస్కోపిక్ లెన్స్ అమర్చి ఫొటోలు, వీడియోలు చిత్రీకరించేవాడు. అలా ఇప్పటి వరకు దాదాపు 10వేల మంది ఫొటోలు తీశాడు. వాటిని పలు వెబ్‌సైట్లకు విక్రయించి డబ్బులు సంపాదించేవాడు.

ఇటీవల కొందరు యువతులు కెమెరాలను గుర్తించి పోలీసులకు సమాచారం అందివ్వడంతో విషయం వెలుగులోకి వచ్చింది. నిందితుడిని అరెస్ట్ చేసి విచారించగా.. ఈ దందాలో మొత్తం 16 మంది హస్తం ఉన్నట్లు ఒప్పుకున్నాడు. దీంతో పోలీసులు వారిని కూడా అరెస్ట్ చేశారు.

Join WhatsApp Channel

Share

• 
• 
• 
• 
• 
•