Switzerland : ఆవిష్కరణల్లో ఏ దేశం మేటి? అంటే కచ్చితంగా స్విట్జర్లాండే అని చెప్పాలి. ఇన్నొవేషన్‌లో ఆ దేశం 13 వ సారి వరల్డ్ లీడర్‌గా నిలిచింది. ప్రపంచ మేధోహక్కుల సంస్థ (WIPO) 2023వ సంవత్సరానికి ప్రపంచ ఆవిష్కరణల సూచీ(GII)ని విడుదల చేసింది.
132 దేశాల్లో నవకల్పనల స్థాయులను ఆ సంస్థ మదింపు చేసి ఈ సూచీని రూపొందించింది. ఇప్పటికీ ఇన్నొవేషన్ వికసించే దశలోనే ఉందని ఆ సూచీ వెల్లడించింది. కరోనా వైరస్, ఉక్రెయిన్ యుద్ధం ప్రభావం పరిశోధనలపై తీవ్రంగా ఉందని పేర్కొంది.
ఈ ర్యాంకింగ్స్‌లో స్విట్జర్లాండ్ అగ్రభాగాన ఉంది. వందకు 67.6 స్కోర్‌తో 13వ సారి వరల్డ్ లీడర్‌గా నిలవడం విశేషం. స్వీడన్, అమెరికా దేశాలు 2, 3 స్థానాల్లో నిలిచాయి. స్వీడన్‌కు 64.2, అగ్రరాజ్యానికి 63.5 స్కోర్ లభించింది.
ఇక బ్రిటన్ 62.4, సింగపూర్ 61.5, ఫిన్లాండ్ 61.2, నెదర్లాండ్స్ 60.4, జర్మనీ 53.8 స్కోర్ సాధించాయి. ఇన్నొవేటివ్ దేశంగా చైనా 12వ స్థానంలో నిలిచింది. 2018లో 17వ ర్యాంక్‌లో ఉన్న డ్రాగన్ ఐదేళ్లలోనే ఐదు స్థానాలు ఎగబాకింది.
ఇక భారత్‌కు 40వ ర్యాంక్ దక్కింది. అయితే అల్పాదాయ దేశాల కేటగిరీలో చూస్తే నవకల్పనల్లో మన దేశమే మొదటి స్థానంలో ఉంది.
Share
Rahul Gandhi : దేశంలో కులగణన.. కాంగ్రెస్ వ్యూహం ఇదేనా?
Israel Conflict Latest News :ఇజ్రాయెల్, గాజా సరిహద్దులో శనివారం ఏం జరిగింది?
