Abraham Lincoln : అది 1860. అమెరికా అధ్యక్ష ఎన్నికల ప్రచార సమయం. రిపబ్లికన్ పార్టీ అభ్యర్థిగా అబ్రహాం లింకన్ దేశమంతా ప్రచారం చేస్తున్నారు. ఆయన అభిమానుల్లో ఓ 11 ఏళ్ల పాప కూడా ఉంది. ఆ చిన్నారి పేరు.. గ్రేస్ బెడెల్. పార్టీ తరపున ప్రచురించిన పత్రంలోని లింకన్ ఫోటో చూసిన ఆ చిన్నారి బాగా నిరాశ పడింది.
బక్కపలచగా, పీక్కుపోయిన ముఖంతో ఉన్న లింకన్‌ను చూసిన ‘దేశాధ్యక్షుడు చూపులకూ.. కాస్త బాగుండాలిగా’ అనుకుంది. వెంటనే ఓ ఉత్తరం రాసేసింది. ‘మీరు అధ్యక్షుడు కావాలని నేను కోరుకుంటున్నా. అలాగే గడ్డం ఉన్న మగవారంటే ఆడవాళ్లకి ఇష్టం. కాబట్టి మీరు నా సలహాను గౌరవించి గడ్డం పెంచుకుంటే.. మహిళల ఓట్లు మీకు పెరుగుతాయి’ అని లేఖలో వివరించింది. అంతేకాదు క‌చ్చితంగా తిరుగు జ‌వాబు రాయాలని కోరింది.
1860 అక్టోబ‌ర్ 15న గ్రేస్ బెడెల్ లేఖ రాస్తే.. అక్టోబ‌ర్ 19న లింకన్ దీనికి జవాబిచ్చారు. ‘ఉన్నట్టుండి నేను గడ్డం పెంచుకుంటే జనం నన్ను పిచ్చోడిని అనుకుంటారేమో’.. అంటూనే ‘ మీ సలహాను పాటిస్తాను’ అని రాశారు. ఆ ఎన్నికల్లో ఆయన గెలిచారు. 1861 ఫిబ్రవరిలో అధ్యక్ష బాధ్యతలు స్వీకరించేందుకు వెళుతూ.. న్యూయార్క్‌లోని వెస్ట్‌ఫీల్డ్‌లో ఆగి.. చిన్నారి గ్రేస్‌ను కలిశారు. ‘చూశావా ! నీ కోస‌మే ఈ గడ్డం పెంచుకున్నా’ అని తన పెరిగిన గడ్డాన్ని చూపించి, గ్రేస్‌కు థాంక్స్ చెప్పి మరీ వెళ్లారు. దటీజ్ లింకన్.
Share
Anti-Piracy Operation : ఇండియన్ నేవీ నా మజాకా.. సోమాలియా పైరేట్స్‌కు చెక్.. పాకిస్థానీ నావికులు సేఫ్..
Kodi kathi Srinu Mother : కోడికత్తితో దాడి కేసు.. నిందితుడు శ్రీను తల్లి పాదయాత్ర..
