Taitanic Movie actor bernard hill passed away: సినిమా ఇండస్ట్రీలో విషాదం నెలకొంది. ప్రముఖ హాలీవుడ్ నటుడు బెర్నార్డ్ హిల్ కన్నుమూశారు. 79 సంవత్సరాల వయస్సులో ఆయన తుదిశ్వాస విడిచారు. బెర్నార్డ్ హిల్ కన్నుమూశారన్న విషయం ఆయనతోపాటు పలు సినిమాల్లో నటించిన బార్బారా డిక్సన్ అనే నటి సోషల్ మీడియా వేదికగా తెలిపారు.
ఈ విషయం తెలిసి ఆయన అభిమానులు, సినీ ప్రముఖులు తీవ్ర విషాదంలో మునిగిపోయారు. ఆయన మృతి పట్ల ప్రముఖులు సోషల్ మీడియాలో ద్వారా సంతాపం ప్రకటిస్తూ తీవ్ర దిగ్భ్రాంతిని వ్యక్తం చేస్తున్నారు. హిల్ మృతి దిగ్భ్రాంతికి గురిచేసిందని పేర్కొంటూ అతడి నటన అద్భుతమంటూ అతడి నటనను ప్రశంసిస్తున్నారు. అదేవిధంగా అతనితో ఉన్న అనుబంధాలను వారు గుర్తుచేసుకుంటూ కన్నీరుమున్నీరవుతున్నారు.
సోషల్ మీడియా X ద్వారా దు:ఖకరమైన వార్తను తెలియజేస్తూ బార్బరా డిక్సన్ ఇలా పేర్కొన్నారు..’నేను బెర్నార్డ్ హిల్ మరణాన్ని గమనించడం చాలా బాధగా ఉంది. మేము జాన్ పాల్ జార్జ్ రింగో మరియు బెర్ట్, విల్లీ రస్సెల్ యొక్క అద్భుతమైన ప్రదర్శన 1974-75 లో కలిసి పనిచేశాం. నిజంగా హిల్ చెప్పుకోదగ్గ నటుడు. రిప్ బెన్నీ’ అంటూ ఆమె భావోద్వేగంతో అందులో పేర్కొన్నది.
It’s with great sadness that I note the death of Bernard Hill. We worked together in John Paul George Ringo and Bert, Willy Russell marvellous show 1974-1975. A really marvellous actor. It was a privilege to have crossed paths with him. RIP Benny x#bernardhill pic.twitter.com/UPVDCo3ut8
— Barbara Dickson (@BarbaraDickson) May 5, 2024
సినిమా ఇండస్ట్రీలో చాలా కాలంపాటు పనిచేసిన హిల్ తనదైన అద్భుత నటనతో ప్రేక్షకుల హృదయాల్లో మంచి స్థానాన్ని సంపాదించుకున్నారు. అంతేకాదు.. 11 ఆస్కార్ అవార్డులను కూడా ఆయన గెలుచుకున్నారు. భాషలతో సంబంధం లేకుండా ప్రపంచ వ్యాప్తంగా ఆయనకు అభిమానులున్నారంటే అతిశయోక్తి కాదు. అంతేకాదు.. తన విలక్షణమైన నటనతో విమర్శకుల ప్రశంసలు సైతం అందుకున్న గొప్ప నటుడు హిల్. కాగా, 1944వ సంవత్సరంలో యూకేలోని మంచెస్టర్ లో ఆయన జన్మించారు. నటనపై ఉన్న ఇంట్రెస్ట్ తో ఆయన సినిమా రంగం వైపు అడుగులు వేశారు. మొదటగా ఇబ్బందులు ఎదురైనా వాటిని తట్టుకుని ముందుకు వెళ్లగలిగారు. తన అద్భుతమైన నటనతో ప్రపంచ వ్యాప్తంగా కోట్లాదిమంది అభిమానులను సంపాదించుకున్నారు.
ఇక, 1997లో విడుదలైనటువంటి టైటానిక్ చిత్రంలో కూడా బెర్నార్డ్ హిల్ నటించారు. అందులో ఆయన కెప్టెన్ ఎడ్వర్డ్ పాత్రను పోషించారు. ఈ పాత్రనే టైటానిక్ సినిమాకు మంచి పేరు తీసుకొచ్చింది. ఈ పాత్ర పోషించిన బెర్నార్డ్ హిల్ కు మంచి గుర్తింపు వచ్చింది. అప్పుడు అతడి నటనను అభినందిస్తూ భారీగా ప్రశంసలు వెల్లువెత్తాయి. టైటానిక్ చిత్రంతోపాటు పలు చిత్రాల్లో కూడా బెర్నార్డ్ హిల్ నటించారు. కేవలం సినిమాల్లోనే కాకుండా టీవీ షోలు, థియేటర్ లలో కూడా హిల్ పనిచేశారు. అయితే, బెర్నార్డ్ హిల్ ఎక్కడ పనిచేసినా కూడా అద్భుతంగా నటిస్తూ ముందుకు రాణించారు.
ది లార్డ్ ఆఫ్ ది రింగ్స్ లాంటి ఎన్నో సినిమాల్లో అతని చిరస్మరణీయ ప్రదర్శనలను కొనియాడుతూ, అతని నటనా నైపుణ్యాన్ని ప్రశంసిస్తూ సినీ ప్రేక్షకులు, అభిమానులు, వివిధ రంగాలకు చెందిన ప్రముఖులు బెర్నార్డ్ హిల్ కు సోషల్ మీడియా వేదికగా ఘన నివాళులర్పిస్తున్నారు. బెర్నార్డ్ హిల్ మృతి సినిమా ఇండస్ట్రీకి తీరని లోటు అంటూ వారు పేర్కొంటున్నారు.
Share
Hi Nanna: అంతర్జాతీయ స్థాయిలో ‘హాయ్ నాన్న’కి అరుదైన ఘనత.. ఈ సారి ఏకంగా
YS Sharmila Vs CM Jagan: అక్కాచెల్లెళ్ల అటాక్‌.. ఆస్తి వివాదాలే కారణమా?
