Zelensky: రష్యా, ఉక్రెయిన్ వార్ తర్వాత కీలక పరిణామం. అమెరికాలో ఉక్రెయిన్ అధ్యక్షుడు జెలెన్ స్కీ పర్యటించారు. ఆ దేశ కాంగ్రెస్ ను ఉద్దేశించి మాట్లాడారు. ఉక్రెయిన్‌కు అమెరికా అందజేసే నిధులు, ఆయుధాలు విరాళం కాదని.. అది పెట్టుబడితో సమానమని జెలెన్‌స్కీ అన్నారు. “మీ డబ్బు విరాళం కాదు.. ప్రపంచ భద్రత, ప్రజాస్వామ్యాలకు పెట్టుబడి. ఎన్ని కష్టాలు వచ్చిన ఉక్రెయిన్ కుప్పకూలదు. సజీవంగానే ఉండి పోరాడుతుంది. ప్రపంచం దృష్టిలో మేము రష్యాను ఓడించాము. శాంతి కోసం మేము చేస్తున్న ప్రయత్నాలకు బైడెన్ సహకరించారు.” అంటూ జెలెన్‌స్కీ ప్రసంగం సాగింది.
వైట్ హౌజ్ లో జో బైడెన్‌తో జెలెన్ స్కీ భేటీ అయ్యారు. తాజా పరిణామాలపై చర్చించారు. రష్యాతో యుద్ధం ఎన్నాళ్లు కొనసాగినా.. ఉక్రెయిన్‌కు అమెరికా అండగా ఉంటుందని బైడెన్ హామీ ఇచ్చారు. ఉక్రెయిన్ ఎప్పటికీ ఒంటరిది కాదన్నారు. రెండు బిలియన్ డాలర్ల ప్యాకేజీని బైడెన్ మరోసారి ప్రస్తావించారు. యుద్ధం ఆపే ఉద్దేశం పుతిన్‌కు లేదని తప్పుబట్టారు.
ఎప్పటిలానే అమెరికా పర్యటనలోనూ జెలెన్‌స్కీ ఖాకీ స్వెట్‌షర్ట్‌నే ధరించారు. యుద్ధం మొదలైన నాటి నుంచి ఆయన మిలిటరీ రంగు దుస్తులే వేసుకుంటున్నారు.
Share
Shortest Day of The Year: ఇవాళ త్వరగా చీకటి పడుతుంది.. భయపడకండి
NGT: సీఎం కేసీఆర్ కు బిగ్ షాక్.. ఏపీ కేసులో 920 కోట్ల భారీ ఫైన్..
