Donald Trump: ట్రంప్ కు భారీ షాక్.. కొలరాడో సుప్రీంకోర్టు సంచలన తీర్పు

Donald Trump: అమెరికా మాజీ అధ్యక్షుడు డొనాల్డ్ ట్రంప్ కు భారీ షాక్ తగిలింది. వచ్చే ఏడాది జరగనున్న అమెరికా అధ్యక్ష ఎన్నికల్లో కొలరాడో నుంచి పోటీ చేయకుండా ట్రంప్ పై సుప్రీంకోర్టు అనర్హత వేటు వేసింది. ఈ తీర్పు ప్రభావం వచ్చే ఏడాది మార్చి 5న జరిగే కొలరాడో రిపబ్లికన్స్ ప్రైమరీ బ్యాలెట్ పై మాత్రమే కాకుండా.. నవంబర్ 5న జరిగే సార్వత్రిక ఎన్నికలపై కూడా తీవ్రంగా ఉండనుందని తెలుస్తోంది.

2021 జనవరి 6న యూఎస్ క్యాపిటల్ భవనంపై ట్రంప్ మద్దతుదారులు దాడి చేసిన విషయం తెలిసిందే. ప్రభుత్వానికి వ్యతిరేకంగా హింసను ప్రేరేపించడంచో.. అమెరికా రాజ్యాంగ నిబంధనల మేరకు.. దేశ అధ్యక్ష పదవికి ట్రంప్ ను అనర్హుడిగా ప్రకటిస్తూ.. కొలరాడో సుప్రీంకోర్టు తీర్పునిచ్చింది. అధ్యక్ష పదవి చేపట్టేందుకు ట్రంప్ అనర్హుడని 4-3 మెజార్టీతో జడ్జిలు తీర్పు ఇచ్చారు. అమెరికా రాజ్యాంగంలోని 14వ సవరణ సెక్షన్ 3 ప్రకారం.. అధ్యక్ష అభ్యర్థిని అనర్హుడిగా ప్రకటించడం ఇదే తొలిసారి. ఈ తీర్పుపై అప్పీల్ చేసుకునేందుకు ట్రంప్ కు అవకాశాన్ని కల్పించారు. ఆయన రాజకీయ భవిష్యత్ అమెరికా సుప్రీంకోర్టు చేతుల్లో ఉంది.

Share

• 
• 
• 
• 
• 
•