US Secret Service Agent Robbed: వీఐపీలకు సాధారణంగా భద్రతా సిబ్బంది ఉంటారు. వారు ఎప్పటికప్పుడు కంటికిరెప్పలా కాపాడుకుంటారు. అదే వీవీఐపీలకు ఉండే భద్రతా సిబ్బంది విషయంలో ఏ మాత్రం రాజీ ఉండదు. వారికి అత్యంత కఠినంగా శిక్షణ ఇస్తారు. ఎలాంటి పరిస్థితినైనా తాము ఎదురించేవిధంగా వారిని తయారు చేస్తారు. అయితే, ఈ విధంగా ఉండే భద్రతా సిబ్బందిలో ఒకరికి చేదు అనుభవం ఎదురయ్యింది. అతడిని దొంగలు బెదిరించి దోచుకున్నారు. ఈ ఘటన అమెరికాలో చోటు చేసుకుంది.
కాగా, ప్రపంచంలోనే అగ్రరాజ్యమైనటువంటి అమెరికా అధ్యక్షుడికి ఆ దేశ సీక్రెట్ సర్వీస్ సంస్థ భద్రతను కల్పిస్తుంది. అత్యంత సురక్షితమైన భద్రతా సిబ్బందిలో ఇది ఒకటి. ఈ భద్రతా సిబ్బందికి ఏ విధంగా శిక్షణ ఇస్తారో .. వీరు ఎంత అలర్ట్ గా ఉంటారో అనేది ప్రత్యేకంగా చెప్పనక్కర్లేదు. అయితే, ఇలాంటి భద్రతా సిబ్బందిలో ఓ సభ్యుడిని దొంగలు బెదిరించి దోచుకున్నారు. అది కూడా దేశాధ్యక్షుడి అధికారిక పర్యటన వేళ. ఈ ఘటన అమెరికాలోని లాస్ ఏంజెల్స్ లో జరిగింది.
ఇటీవల అమెరికా అధ్యక్షుడు జోబైడెన్, మాజీ అధ్యక్షుడు ఒబామా.. వీరిద్దరూ కలిసి లాస్ ఏంజెల్స్ లో ఓ విరాళాల సేకరణ కార్యక్రమాన్ని నిర్వహించారు. ఈ కార్యక్రమం తరువాత అక్కడి నుంచి తిరిగి వెళ్తున్న ఓ సీక్రెట్ సర్వీస్ ఏజెంట్ టూస్టిన్ అనే ప్రాంతంలో తుపాకీతో బెదిరించి అతని వద్ద ఉన్న బ్యాగ్ ను దోచుకెళ్లారు. ఆ సమయంలో ఆ ఏజెంట్ కూడా కాల్పులు జరిపాడు. ఆ తరువాత ఆ ఘటనకు సంబంధించి బాధితుడు స్థానిక పోలీసులకు సమాచారం అందించాడు. విషయం తెలుసుకున్న పోలీసులు వెంటనే అక్కడికి చేరుకున్నారు.
Also Read: న్యూజెర్సీలో దుండగుడు కాల్పులు, పంజాబ్ మహిళ మృతి.. మరొకరికి గాయాలు
ఈ విషయంపై సీక్రెట్ సర్వీస్ ప్రతినిధి ఆంటోనీ గుగ్లెమొనీ స్పందించారు. తమ సిబ్బందిలో ఒకరు కాలిఫోర్నియాలో దోపిడీకి గురయ్యారని తెలిపారు. ఈ క్రమంలో అతడు తన సర్వీస్ గన్ తో ఫైరింగ్ కూడా చేశాడని పేర్కొన్నారు. దుండగుల కోసం గాలిస్తున్నామని చెప్పారు. కాగా, దోపిడీ జరిగిన ప్రదేశం నుంచి ఓ కారు వేగంగా వెళ్లినట్లు అధికారులు గుర్తించినట్లు సమాచారం.
Share
Hyundai Launch New EV Models: హ్యుందాయ్ నుంచి నాలుగు కొత్త కార్లు.. సింగిల్ ఛార్జ్తో 452 కిమీ రేంజ్!
Mahindra Scorpio N Price Details: మహీంద్రా స్కార్పియో ఎన్ ఆన్రోడ్ ధరలు హైదరాబాద్లో ఎలా ఉన్నాయంటే..?
