CBSE Board Exams: సమయం సరిపోలేదు.. ప్రశ్నలు అర్థం కాలేదు, మ్యాథ్స్ పేపర్‌పై స్టూడెంట్స్ కన్నీళ్లు

ఈ ఏడాది పరీక్షా విధానంలో సీబీఎస్ఈ బోర్డు కీలక మార్పులు చేపట్టింది. బేసిక్ ప్రశ్నలు అడగకుండా.. విద్యార్థులను కాస్త ఆలోచించేలా క్వశ్ఛన్ పేపర్ ను తయారు చేసింది.  ఈ తరహా ప్రశ్నలు స్టూడెంట్స్ విశ్లేషణాత్మక సామర్థ్యాన్ని టెస్ట్ చేసే విధంగా ఉన్నాయని విద్యా నిపుణులు చెబుతున్నారు. అయితే క్వశ్ఛన్స్ ఊహించిన దానికంటే ఎక్కువ సమయం తీసుకున్నాయని విద్యార్థులు ఆవేదన వ్యక్తం చేస్తున్నారు. ఒక్క కాల్యుకేషన్ చేయడానికి సాధారణ సమయం కన్నా పది నిమిషాల సమయం ఎక్కువగా తీసుకునేలా ప్రశ్నలు వచ్చాయని చెబుతున్నారు.

⦿ అసలు సమయం సరిపోలేదు..

దేశ వ్యాప్తంగా పలువురు విద్యార్థులు క్వశ్వన్స్ లెంగ్తీపై ఫిర్యాదులు చేస్తున్నారు. ప్రశ్నా పత్రం సిలబస్ లో ఉన్న అంశాల నుంచే వచ్చినప్పటికీ వాటిని అడిగిన తీరు మాత్రం చాలా కొత్తగా ఉందని అంటున్నారు. బాగా చదివే విద్యార్థులు సైతం అన్ని ప్రశ్నలను పూర్తి చేయలేకపోయారు. సమయం ఏ మాత్రం సరిపోలేదని వాపోతున్నారు. దీంతో సోషల్ మీడియాలో ఈ అంశంపై పెద్ద ఎత్తున చర్చ జరుగుతోంది. కొందరు విద్యార్థులు వచ్చిన మార్కులకు అదనంగా మార్కులు కలపాలని డిమాండ్ చేస్తున్నారు. మరికొందరు బోర్డు ఈ విషయాన్ని సీరియస్ గా తీసుకోవాలని కోరుతున్నారు.

⦿ బాగా ప్రాక్టీస్ చేసిన వారికి పేపర్ లైట్.. 

ఈ అంశంపై దేశ వ్యాప్తంగా టీచర్లు కూడా భిన్నాభిప్రయాలను వ్యక్తం చేస్తున్నారు. బెంగళూరుకు చెందన ఓ మ్యాథ్స్ టీచర్ పేపర్ చాలా క్వాలిటీగా ఉందని అన్నారు. బేసిక్ ప్రశ్నలను అడగకుండా.. విద్యార్థుల్లోని ఆలోచనా శక్తిని వెలికితీయడమే ఈ మార్పుల ప్రధాన ఉద్దేశమని ఆయన సీబీఎస్ఈ బోర్డును సమర్థిస్తూ మాట్లాడారు. చాలా కఠినమైన ప్రశ్నలను సాధన చేసిన విద్యార్థులకు ఈ పేపర్ పెద్ద కష్టమేమీ కాదని పలువురు టీచర్లు అభిప్రాయపడుతున్నారు.

⦿ రాయడానికి వీలుగానే ఉంది.. టాపర్ల వాదన

బేసిక్ ప్రశ్నల నుంచి కొంచెం డెప్త్ ఉన్న ప్రశ్నలను అడుగుతున్నక్రమంలో ఇలాంటి ఇబ్బందులు సహజమని విద్యా నిపుణులు చెబుతున్నారు. అయితే విద్యార్థులకు పేపర్ ఎలా వచ్చిన ఈజీగా రాసేలా టీచర్లు తయారు చేయాలని అంటున్నారు. కొంత మంది విద్యార్థులు మాత్రం పేపర్ హార్డ్ గా ఉన్నప్పటికీ.. రాయడానికి వీలుగానే ఉందని పేర్కొన్నారు.

⦿ సీబీఎస్ఈ బోర్డు స్పందిస్తుందా..?

విద్యార్థుల నుంచి వస్తున్న ఈ ఫీడ్‌బ్యాక్‌పై సీబీఎస్‌ఈ బోర్డు అధికారికంగా ఇంకా ఎలాంటి ప్రకటన విడుదల చేయలేదు. ఫలితాల వెల్లడించే ముందు బోర్డు సాధారణంగా మోడరేషన్ పాలసీని పరిశీలిస్తుంది. అయితే.. మొత్తంగా ఈ అంశంపై సీబీఎస్ఈ బోర్డు స్పందిస్తుందో చూద్దాం…..

Also Read: తెలంగాణ మోడల్ స్కూల్స్ నుంచి నోటిఫికేషన్ రిలీజ్.. ఉచిత విద్య, ఉజ్వల భవిష్యత్తు..