3D Printing : ఇప్పుడు 3డి ప్రింటింగ్ మరింత సులభం..!

3D Printing : 3డి అనేది టెక్నాలజీని ఎంతగానో ముందుకు తీసుకెళ్లింది. ముఖ్యంగా బయోలజీ విభాగంలో 3డి ప్రింటింగ్ ఎంతగానో ఉపయోగపడుతోంది. అయితే ప్రతీ టెక్నాలజీ ఏదో ఒక ప్రతికూలత ఉంటుంది. 3డి బయోప్రింటింగ్ ప్రక్రియ అనేది చాలా సమయం తీసుకుంటుంది. అదే ఇందులో ప్రతికూలత. దానిని దూరం చేయడానికే శాస్త్రవేత్తలు ఒక కొత్త మార్గాన్ని కనిపెట్టారు.

బయోలజీకల్ పదార్థాలను ఫ్యాబ్రికేట్ చేయడానికి 3డి ప్రింటింగ్ అనేది ఉపయోగపడుతుంది. 3డి ప్రింటింగ్ ఎన్నో విధాలుగా ఉపయోగపడిన.. ఇది చాలా స్లో ప్రక్రియ. అంటే ఇందులో పదార్థానికి సంబంధించిన ఒక లేయర్ లేదా ఒక లైన్ మాత్రమే ఒకసారి తయారు చేయడం కుదురుతుంది. అయితే ఇలా కాకుండా ఒక సింగిల్ షాట్‌లో 3డి ప్రింటింగ్ ద్వారా మెటీరియల్‌ను ఎలా తయారు చేయవచ్చు అనేదానిపై శాస్త్రవేత్తలు పరిశోధనలు చేశారు.

తాజాగా అల్ట్రాసౌండ్ ద్వారా మెటీరియల్‌ను సింగిల్ షాట్‌లో 3డి ప్రింట్‌ను తయారు చేశామని శాస్త్రవేత్తలు బయటపెట్టారు. ఇది బయోప్రింటింగ్‌ను ఎంతగానో ఉపయోగపడుతుందని వారు తెలిపారు. అయితే ఈ ప్రక్రియలో ఉపయోగించిన సెల్స్ ఎంతో సెన్సిటివ్ అని వారు అన్నారు. మామూలుగా సౌండ్ వేవ్స్ అనేవి ఎలాంటి ప్రెజర్‌ను క్రియేట్ చేస్తాయో చాలామందికి తెలుసు. అలాంటి హై ఫ్రీక్వెన్స్ అల్ట్రాసౌండ్‌ను ఉపయోగించే 3డి ప్రింటింగ్‌ను సులభతరం చేయనున్నట్టు శాస్త్రవేత్తలు తెలిపారు.

గ్లాస్, హైడ్రోజల్‌లాంటి వాటితో ఈ అల్ట్రాసౌండ్ ఫీచర్ పనిచేస్తుందని శాస్త్రవేత్తలు అంటున్నారు. దీని ద్వారా సెల్ కల్చర్స్‌ను, టిష్యూలను 3డిలో తయారు చేయడం సులభంగా మారుతుందని వారు హామీ ఇస్తున్నారు. అల్ట్రాసౌండ్ అనేది టిష్యూ లోపలివరకు చేరుకొని అందులోని బయోలాజికల్ సెల్స్‌ను ఉపయోగించడానికి సహాయపడుతుంది. ఇది సెల్స్‌పై ఎలాంటి చెడు ప్రభావం కూడా చూపించదని శాస్త్రవేత్తలు తెలిపారు.