Artificial Kidney : మనిషి శరీరంలో ప్రతీ అవయవము ముఖ్యమే. అందులో ఒకటితో ఒకటి ఇంటర్ కనెక్టెడ్‌గా ఉంటాయి. అందుకే ఈరోజుల్లో మారుతున్న వాతావరణ పరిస్థితులు, ఆహారపు అలవాట్లు వారిపై తీవ్ర ప్రభావాన్ని చూపిస్తున్నాయి. అసలు అవి ఎలాంటి ప్రభావం చూపిస్తున్నాయి అని తెలుసుకోవడానికి 3డి, 4డి ప్రింటింగ్ లాంటి పద్ధతులు ఆచరణలో ఉన్నాయి. అంతే కాకుండా తాజాగా మరో టెక్నిక్‌ను కూడా శాస్త్రవేత్తలు కనిపెట్టారు.
ఇప్పటికే మనిషి శరీర భాగాలను కృత్రిమంగా తయారు చేసి, వాటిని మనిషికి అమర్చే ప్రయోగాలను సక్సెస్ చేశారు శాస్త్రవేత్తలు. ఇలా కృత్రిమంగా శరీర భాగాలు తయారు చేయడం వల్ల వాటి ప్రక్రియ ఎలా జరుగుతుంది అనే విషయాన్ని కూడా వారు క్షుణ్ణంగా పరీక్షించగలుగుతున్నారు. తాజాగా కిడ్నీని కృత్రిమంగా తయారు చేయడం వల్ల మనం ఉపయోగించే మందులు దానిపై ఎలాంటి ప్రభావం చూపిస్తాయో తెలుసుకునే ప్రయత్నం చేశారు శాస్త్రవేత్తలు.
ఈరోజుల్లో ప్రతీ ఒక్కరికి వయసుతో సంబంధం లేకుండా ఏదో ఒక ఆరోగ్య సమస్య వెంటాడుతూనే ఉంది. దానికి వారు ఏదో ఒక రకమైన మందులు తీసుకోవడం, లేదా చికిత్స తీసుకోవడం లాంటివి చేయాల్సి ఉంటుంది. అవి ఎక్కువ మోతాదులో తీసుకున్నా కూడా కిడ్నీలపై అవి తీవ్ర ప్రభావాన్ని చూపించే అవకాశం ఉంది. అందుకోసమే కృత్రిమంగా ఒక కిడ్నీని తయారు చేసి దాని ఎఫెక్ట్‌ను కనుక్కోనున్నారు.
ప్రస్తుతం శాస్త్రవేత్తలు కిడ్నీలలో ఉండే గ్లోమెరూలర్ యూనిట్స్‌ను సక్సెస్‌ఫుల్‌గా తయారు చేశారు. కిడ్నీ అనేది మనిషి శరీరంలో హాని కలిగించే పదార్థాలను బయటికి పంపడానికి ఉపయోగపడుతుంది. మెటాబోలిక్ వేస్ట్, హోమియోస్టాటిస్ వంటి వాటిని ఇది శరీరం నుండి తొలగిస్తుంది. కానీ అలాంటి కిడ్నీ కూడా మందుల వల్ల ఎఫెక్ట్ అవుతుంది. ఎలాంటి మందులు కిడ్నీని ఏ విధంగా ఎఫెక్ట్ చేస్తాయో అని తెలియడమే కృత్రిమ కిడ్నీ లక్ష్యం.
Share
Heart Attack : కోవిడ్ వల్లే గుండెపోట్లు..? కేంద్రం క్లారిటీ..!
Samantha : నాగచైతన్య రిలేషన్‌షిప్‌పై కామెంట్స్.. సమంత రియాక్షన్ ఇదే..
