Onion Benefits for Hair : ప్రతి ఒక్కరూ జుట్టు ఒత్తుగా, పొడుగ్గా పెరగాలని కోరుకుంటారు. అయితే ప్రస్తుత కాలంలో కాలుష్యం, జీవనశైలి కారణంగా జుట్టు రాలిపోతూ ఉంటుంది. అయితే జుట్టు ఒత్తుగా పెరగడానికి ఉల్లిపాయ రసాన్ని మంచిన మందు మరొకటి లేదంటున్నారు వైద్య నిపుణులు. మన ఆరోగ్యానికి ఉల్లిపాయలోని పోషక విలువలు ఎంతో ఉపయోగపడతాయి. కెరాటిన్‌ అనే ప్రొటీన్‌ లోపం వల్ల చిన్న వయసులోనే జుట్టు రాలిపోవడం, తెల్లబడటం జరుగుతుంది. సల్ఫర్‌ కెరాటిన్‌ వల్ల జుట్టు ఒత్తుగా పెరుగుతుంది. అయితే ఉల్లిపాయ రసంలో ఈ కెరాటిన్‌ సంవృద్ధిగా లభిస్తుంది. దీంతో చుండ్రు కూడా తగ్గుతుంది. ఉల్లిపాయ రసం ఊడిపోయిన జుట్టుని మళ్లీ పెంచుకోవడానికి బాగా పనిచేస్తుంది. ఈ ఉల్లిపాయ రసాన్ని జుట్టు కుదుళ్లకు నిదానంగా రాసుకోవాలి. ఐదు నిమిషాల పాటు చేతివేళ్లతో మర్దనా చేసుకోవాలి. తర్వాత పావుగంట పాటు అలా వేదిలేయాలి. తేలికపాటి షాంపుతో తలస్నానం చేయాలి. ఈ మిశ్రమాన్ని తయారు చేసుకోవడానకి 2 టేబుల్ స్పూన్ల ఉల్లి రసం, 2 టేబుల్ స్పూన్ల కొబ్బరి నూనె, 5 చుక్కల టీ ఆయిల్‌ తీసుకోవాలి, వీటిని బాగా కలపాలి. దీన్ని జుట్టుకు పెట్టుకుని తర్వాత గోరువెచ్చటి నీటితో తలస్నానం చేయడం ద్వారా జుట్టు రాలకుండా ఉంటుంది, అంతేకాకుండా ఒత్తుగా పెరుగుతుంది. వారానికి రెండు, మూడుసార్లు ఇలా చేయడం మంచిది. కెమికల్స్‌ తక్కువగా ఉండే షాంపులను ఉపయోగించాలి. తడిగా ఉన్న జుట్టును దువ్వకూడదు. ప్రొటీన్లు ఉన్న ఆహారం తీసుకోవాలి, సమయానికి నిద్రపోవాలని నిపుణులు చెబుతున్నారు.
Share
Warangal : అధికారుల నిర్లక్ష్యం.. వృద్ధుడికి శాపం..
Brahmotsavam : కార్తీకమాసంలోనే తిరుచానూరు బ్రహ్మోత్సవాలు ఎందుకు చేస్తారు?
