For Baby’s Healthy Heart:ఈరోజుల్లో ప్రెగ్నెన్సీ కూడా ఎన్నో ఇబ్బందులతో కూడుకున్న విషయంగా మారిపోయింది. అందుకే ప్రెగ్నెన్సీ సమయంలో తల్లిని, బిడ్డను ఆరోగ్యంగా ఉంచడానికి వైద్యులు ఎప్పటికప్పుడు ప్రయత్నిస్తూనే ఉంటారు. అంతే కాకుండా ఒకవైపు పరిశోధకులు కూడా ఈ విభాగంలో మెరుగైన చికిత్స ఎలా అందించవచ్చని, ఔషధాలు ఎలా ఉంటే అనారోగ్య సమస్యలు ఉంటాయని పరిశోధనలు చేస్తూనే ఉన్నారు.
తాజాగా ఆస్ట్రేలియాలోని హార్ట్ రీసెర్చ్ ఇన్‌స్టిట్యూట్ (హెచ్ఆర్ఐ) శాస్త్రవేత్తలు తల్లి గర్భంలో ఉండే బిడ్డ హార్ట్ హెల్త్ కోసం ప్రత్యేకంగా పరిశోధనలు చేపట్టారు. బిడ్డ గుండె ఆరోగ్యంగా ఉండాలంటే.. తల్లులు ఒక మెడిటెర్రానియన్ డైట్‌ను ఫాలో అవ్వాలని వారి పరీక్షల్లో తేలింది. మైక్రో, మాక్రోన్యూట్రియంట్స్‌పై వారు చేసిన పరిశోధనల్లో ఈ విషయం బయటపడింది. ఇది బేబి హార్ట్ ఆరోగ్యంగా డెవలప్ అవ్వడానికి ఉపయోగపడుతుందని శాస్త్రవేత్తలు చెప్తున్నారు.
ముందుగా స్పెయిన్ శాస్త్రవేత్తలు ఈ విభాగంలో పరిశోధనలు మొదలుపెట్టారు. ఇప్పుడు హెచ్ఆర్ఐ శాస్త్రవేత్తలు ఈ పరిశోధనలను ముందుకు తీసుకెళ్తున్నారు. 1200 మంది గర్భిణీ స్త్రీలపై ఈ పరిశోధనలు జరిగాయి. మెడిటెర్రానియన్ డైట్ అనేది కేవలం పిల్లల గుండెలు ఆరోగ్యంగా ఉంచడంతో పాటు బరువును కూడా కరెక్ట్‌గా పెరిగేలా సహాయపడుతుందని వారు గమనించారు. ఇప్పటికే ఆస్ట్రేలియాలో 100 పిల్లలో ఒకరు కాగ్నెన్షియల్ హార్ట్ డిసీస్ (సీహెచ్‌డీ)తో పుడుతున్నారు. ఈ డైట్.. అలాంటి పిల్లలకు సహాయపడుతుందని వారు భావిస్తున్నారు.
మెడిటెర్రానియన్ డైట్ వల్ల సీహెచ్‌డీ, దానికి సంబంధించిన ఇతర గుండె జబ్బుల నుండి పిల్లలను దూరంగా ఉంచుతుందని శాస్త్రవేత్తలు నిర్ధారించారు. పిల్లలతో పాటు గర్భిణీ స్త్రీల ఆరోగ్యానికి కూడా ఈ డైట్ ఉపయోగపడుతుందని వారు అంటున్నారు. బిడ్డ కడుపులో ఉన్నప్పుడు ఆరోగ్యంగా పెరగకపోతే.. పుట్టిన తర్వాత కూడా వారు అనేక ఆరోగ్య సమస్యలకు గురయ్యే అవకాశాలు ఉన్నాయని వైద్యులు బయటపెట్టారు. అంతే కాకుండా వారి జీవితకాలం కూడా చాలావరకు తగ్గిపోతుందని హెచ్చరిస్తున్నారు.
ప్రస్తుతం ఉన్న ఆహార అలవాట్ల వల్ల ఆడవారు.. గర్భం దాల్చిన తర్వాత అతిబరువు సమస్య వల్ల బాధపడుతున్నారని, ఇది పుట్టబోయే బిడ్డలకు మంచిది కాదని శాస్త్రవేత్తలు చెప్తున్నారు. గర్భిణీ స్త్రీలలో ఒబిసిటీ, డయాబెటీస్ లాంటి సమస్యలు పిల్లల మాల్ఫార్మేషన్స్‌కు కారణమవుతాయని వారు అంటున్నారు. ఇలా గర్భిణీ స్త్రీలలో వచ్చే ఎన్నో సమస్యలను మెడిటెర్రానియన్ డైట్ చాలావరకు అదుపుచేయగలదని శాస్త్రవేత్తలు హామీ ఇస్తున్నారు.
Share
Musk:మస్క్ బలుపు మామూలుగా లేదు..
Visakhapatnam : ఏపీకి ఒక్కటే రాజధాని..? విశాఖ నుంచే పాలన…బుగ్గన క్లారిటీ..
