Project 92 : ఈరోజుల్లో సోషల్ మీడియా యాప్స్ అనేది ఒకదానితో మరొకటి పోటీగా యూజర్లను ఆకర్షించడానికి కొత్త కొత్త అప్డేట్స్‌ను, ఫీచర్లను తయారు చేస్తున్నాయి. ఇతర యాప్స్‌తో పోలిస్తే.. సోషల్ మీడియా యాప్స్‌లోని గట్టి పోటీ నడుస్తోంది. ఇక చాలావరకు ప్రపంచవ్యాప్తంగా ట్రెండింగ్‌లో ఉన్న సోషల్ మీడియా యాప్స్ అన్నీ తన ఆధీనంలోకి తీసుకున్న మెటా.. ఇప్పుడు ట్విటర్‌పై దృష్టిపెట్టింది. ట్విటర్ లాంటి ఒక యాప్‌ను తయారు చేసి తన మెటా యూనివర్స్‌లో కలుపుకోవాలి అనుకుంటోంది.
ఇప్పటికే ఇతర సోషల్ మీడియా యాప్స్‌ను చూసి కాపీ కొడుతుంది అని మెటాకు విమర్శలు ఎదురవుతున్నాయి. కరెక్ట్‌గా గమనిస్తే.. అది కూడా కొంతవరకు నిజమే అనిపిస్తోంది. టిక్ టాక్‌లో వీడియోలను ఇన్స్‌పిరేషన్‌గా తీసుకొని ఇన్‌స్టాగ్రామ్‌లో రీల్స్ అనే ఫీచర్‌ను ప్రవేశపెట్టింది మెటా. స్నాప్‌చాట్‌లోని స్ట్రీక్స్‌ను ఇన్స్‌పిరేషన్‌గా తీసుకొని ఇన్‌స్టాగ్రామ్‌లో స్టోరీల ఫీచర్‌ను తీసుకొచ్చింది. ఇలా ఇప్పటివరకు మెటా ఆధ్వర్యంలో ఉన్న ఇన్‌స్టాగ్రామ్, ఫేస్‌బుక్, వాట్సాప్‌లలో ఎన్నో కొత్త ఫీచర్లు అందుబాటులోకి వచ్చి రోజురోజుకీ వీటి రూపురేఖలే మారిపోతున్నాయి.
ఇన్‌స్టాగ్రామ్, వాట్సాప్, ఫేస్‌బుక్.. లాంటి సోషల్ మీడియా యాప్స్‌తో మరోపాటు మరో యాప్ కూడా ప్రపంచవ్యాప్తంగా ట్రెండ్ అవుతోంది. అదే ట్విటర్. అందుకే ట్విటర్ లాంటి ఒక యాప్‌ను తయారు చేసి మెటా యూనివర్స్‌లో కలిపేయాలని చూస్తున్నాడు మార్క్ జుకెన్‌బర్గ్. ఇప్పటికే దీనికి తగిన సన్నాహాలు మొదలయ్యాయని టెక్ రంగంలో గుసగుసలు వినిపిస్తున్నాయి. ఇప్పటికే మెటా అనేది స్థాపించిన తర్వాత నుండి ట్విటర్‌కు పోటీగా యాప్‌ను తయారు చేయాలని మార్క్ బలంగా ఫిక్స్ అయ్యాడని తెలుస్తోంది.
ట్విటర్‌కు పోటీగా మార్క్ కొత్త యాప్‌ను తయారు చేస్తున్నాడు అనే రూమర్స్ వైరల్ అవుతున్న క్రమంలో ట్విటర్ సీఈఓ లిండా యాక్కరినో ‘గేమ్ ఆన్’ అని ట్వీట్ చేయడం.. ఇది మరింత హాట్ టాపిక్‌గా మారేలా చేస్తోంది. ఇప్పటికే ట్విటర్‌కు పోటీగా రానున్న యాప్ ప్రివ్యూను ఉద్యోగులకు చూపించిందట మెటా. ప్రస్తుతం ఇంకా ఈ యాప్‌కు పేరేమీ పెట్టకపోయినా.. ‘ప్రాజెక్ట్ 92’ అనే కోడ్‌నేమ్‌తో ఈ యాప్ తయారవుతుందని సమాచారం. తాజాగా ప్రాజెక్ట్ 92కు సంబంధించి కొన్ని స్క్రీన్‌షాట్స్ వైరల్ అయ్యాయి.
ఈ స్క్రీన్‌షాట్స్ ప్రకారం ఫేస్‌బుక్, ఇన్‌స్టాగ్రామ్ ఐడీతో లాగిన్ అయ్యే అవకాశాన్ని ట్విటర్ పోటీ యాప్ కల్పిస్తోందని తెలుస్తోంది. ట్విటర్‌లో ఉన్నట్టుగా రీట్వీట్ లాంటి రీషేర్ ఆప్షన్ కూడా ఇందులో ఉండనుంది. దీనిని చూస్తుంటే దాదాపుగా ట్విటర్‌ను చూసినట్టే ఉందని యూజర్లు అభిప్రాయం వ్యక్తం చేస్తున్నారు. ముందుగా ఈ ప్రాజెక్ట్ 92 యాప్‌లో సెలబ్రిటీలు జాన్ అయ్యి.. వారే దీనిని ప్రమోట్ చేసే విధంగా మెటా యాజమాన్యం సన్నాహాలు మొదలుపెట్టింది. అంతే కాకుండా ట్విటర్ కంటే ఎక్కువగా ప్రైవసీ విషయంలో జాగ్రత్తలు తీసుకోనుందట ప్రాజెక్ట్ 92.
Share
Made in India Cars : మేడ్ ఇన్ ఇండియా’ మోడర్న్ కార్స్.. ప్రపంచవ్యాప్తంగా పెరుగుతున్న క్రేజ్..
Twitter: ట్విటర్‌కు మోదీ సర్కార్ బెదిరింపులు.. జాక్ డోర్సే సంచలనం.. కేంద్రం ఆగ్రహం
