Facial recognition technology : ఒక టెక్నాలజీ అనేది ఒక విషయం కోసం ఉపయోగించడం కోసం శాస్త్రవేత్తలు తయారు చేస్తుంటారు. కానీ వారికి కూడా తెలియని విషయం ఏంటంటే.. ఆ టెక్నాలజీ అనేది ఆ ఒక్క విషయం కోసమే కాకుండా మరెన్నో ఇతర విషయాలకు కూడా ఉపయోగపడుతుంది. ఇలా ఎన్నో టెక్నాలజీలు అనేకానేక విషయాలకు ఉపయోగపడుతున్నాయి. అలాంటి ఒక టెక్నాలజీనే వాతావరణం కనిపెట్టడానికి ఉపయోగపడుతుందని శాస్త్రవేత్తలు చెప్తున్నారు.
మనుషుల మొహాలను గుర్తుపట్టే టెక్నాలజీతో వాతావరణాన్ని కూడా కనిపెట్టవచ్చని పలువురు శాస్త్రవేత్తల టీమ్ కనిపెట్టింది. గూగుల్ ఫేస్‌నెట్ నుండి వారికి ఈ ఐడియా వచ్చిందని బయటపెట్టారు. గూగుల్ ఫేస్‌నెల్‌లో మొహాలను డేటాబేస్‌లో ఉన్న మొహాలతో పోల్చి చూస్తారు. అదే విధంగా వాతావరణాన్ని కనిపెట్టే టెక్నాలజీలో ప్రస్తుతం వాతావరణాన్ని హిస్టరీలో ఉన్న సూచనలతో పోల్చి చూస్తారు. ఈ టెక్నాలజీని స్టడీ చేయడం కోసం వారు ఒక ఆల్గరిథంను కూడా పరీక్షించి చూశారు.
ఈరోజుల్లో వాతావరణ మార్పులను శాస్త్రవేత్తలు సైతం అంచనా వేయలేకపోతున్నారు. వాతావరణం అనేది ఎప్పుడు ఎలా ఉంటుందో వారికి కూడా అర్థం కాలేని పరిస్థితి ఏర్పడుతోంది. అందుకే ఇప్పుడు జరుగుతున్న వాతావరణ మార్పులు.. ఇంతకు ముందు కూడా ఉన్నాయా అని తెలుసుకోవడానికి ఈ టెక్నాలజీ ఉపయోగపడుతుంది. 2017 నుండి 2019 మధ్యలో పెన్సిల్వేనియాలో ఈ టెక్నాలజీపై పరిశోధనలు జరిగి అవి సక్సెస్ కూడా అయ్యాయి. దీంతో ఈ టెక్నాలజీ ద్వారా వాతావరణ మార్పులను కరెక్ట్‌గా స్టడీ చేసే అవకాశం ఉందని శాస్త్రవేత్తలు తెలుసుకున్నారు.
ఇప్పటికే ఇలాంటి పద్ధతిలో వాతావరణ మార్పులను కనిపెట్టడం కోసం ఆనలాగ్ ఫోర్‌క్యాస్టింగ్ అనే ప్రక్రియ అందుబాటులో ఉంది. గత కొన్నేళ్లుగా ఈ పద్ధతిలోనే ఇప్పుడు ఉన్న వాతావరణం.. భవిష్యత్తులో ఎలాంటి మార్పులకు గురవుతుంది అని తెలుసుకునే అవకాశం లభిస్తుంది. ఇప్పుడు కొత్తగా వచ్చిన టెక్నాలజీ ఆనలాగ్ ఫోర్‌క్యాస్టింగ్‌ను మించి ఉంటుందని శాస్త్రవేత్తలు అభిప్రాయం వ్యక్తం చేస్తున్నారు. పైగా ఈ టెక్నాలజీ ద్వారా భవిష్యత్తులో వచ్చే విపత్తులను కూడా ముందస్తుగా కనిపెట్టవచ్చని భావిస్తున్నారు.
Share
Elon Musk : దిగొచ్చిన ఎలన్ మస్క్.. ఇండియాలో టెస్లా ప్లాంట్ పెడతామని ప్రకటన
OTT Movies: ఈవారం మంచి మంచి సినిమాలు.. ఓటీటీలో సమ్మర్ స్పెషల్స్..
