ఇండక్షన్ స్టవ్లు ఇప్పుడు చాలా ఇళ్లలో సాధారణంగా ఉపయోగిస్తున్నారు. వీటిపై పాలు వేడి చేయడం, వంట చేయడం వేగంగా పూర్తవుతుంది. అలాగే విద్యుత్ను కూడా సమర్థంవంతంగా వినియోగించుకోవచ్చు. అయితే ఇండక్షన్ స్టౌను సరిగ్గా ఉపయోగించకపోతే ప్రమాదాలు జరిగే అవకాశం ఉంటుంది. ముఖ్యంగా వర్షాకాలంలో లేదా విద్యుత్ పరికరాల్లో లోపాలు ఉన్నప్పుడు మరింత జాగ్రత్త అవసరం. కొన్ని సులభమైన భద్రతా నియమాలు పాటిస్తే ప్రమాదాలను నివారించవచ్చు.
ఇండక్షన్ స్టవ్ పూర్తిగా విద్యుత్తో పనిచేస్తుంది. పవర్ వైర్ దెబ్బతిన్నా, ప్లగ్ సరిగా లేకపోయినా లేదా ఇన్సులేషన్ పాడైనా విద్యుత్ లీకేజీ జరిగే అవకాశం ఉంటుంది. కొన్నిసార్లు యంత్రంలో అంతర్గత సాంకేతిక లోపాలు కూడా సమస్యలకు కారణమవుతాయి. అందుకే స్టౌను తరచూ పరిశీలించడం చాలా ముఖ్యం.
ఇండక్షన్ ఉపయోగించే ముందు పవర్ వైర్ను ఒకసారి పరిశీలించండి. వైర్ కోసుకుపోయినా లేదా బయట భాగం దెబ్బతిన్నా వెంటనే మార్చాలి. లూజ్గా ఉన్న ప్లగ్ను కూడా ఉపయోగించకూడదు. దెబ్బతిన్న వైరింగ్ విద్యుత్ ప్రమాదాలకు ప్రధాన కారణంగా మారుతుంది. ఎప్పుడూ మంచి నాణ్యత ఉన్న ప్లగ్ పాయింట్ను మాత్రమే ఉపయోగించాలి.
నీరు విద్యుత్ను చాలా వేగంగా ప్రసారం చేస్తుంది. అందువల్ల తడి చేతులతో ఇండక్షన్ స్టవ్ను తాకకండి. స్టవ్ ఆన్ చేసే ముందు చేతులను బాగా తుడుచుకోవాలి. అలాగే పాలను వేడి చేసే పాత్ర బయట భాగం కూడా పొడిగా ఉండాలి. ఈ చిన్న అలవాటు పెద్ద ప్రమాదాలను నివారిస్తుంది.
ఇండక్షన్ నుంచి స్పార్కులు రావడం, కాలిన వాసన రావడం లేదా వింత శబ్దాలు వినిపిస్తే వెంటనే విద్యుత్ స్విచ్ను ఆఫ్ చేయాలి. సమస్య ఉన్నప్పుడు స్టవ్ను చేతులతో తాకకండి. స్వయంగా మరమ్మతు చేయడానికి ప్రయత్నించకండి. అనుభవం ఉన్న టెక్నీషియన్తో మాత్రమే మరమ్మతులు చేయించాలి.
ఇండక్షన్కు అనుకూలమైన పాత్రలను మాత్రమే ఉపయోగించాలి. పాత్ర స్టవ్పై గట్టిగా నిలబడేలా ఉండాలి. పాడైన లేదా ఒరిగే అవకాశం ఉన్న పాత్రలను ఉపయోగించకండి. పాత్ర పడిపోతే వేడి పాలు చిందడంతో పాటు ప్రమాదం కూడా జరిగే అవకాశం ఉంటుంది.
Also Read: వర్షంలో ఫోన్ తడిసిందా? వెంటనే ఈ పనులు చేయకపోతే మొబైల్ శాశ్వతంగా డ్యామేజ్
ముందుగా విద్యుత్ సరఫరాను వెంటనే నిలిపివేయాలి. కరెంట్ ఆఫ్ చేయకుండా బాధితుడిని నేరుగా తాకకండి. పొడిగా ఉన్న కర్ర, ప్లాస్టిక్ వస్తువు లేదా విద్యుత్ ప్రసారం చేయని వస్తువుతో బాధితుడిని కరెంట్ సరఫరా చేసే మూలం నుంచి దూరం చేయాలి. వెంటనే వైద్య సహాయం పొందాలి. వ్యక్తి కోలుకున్నట్లు కనిపించినా తప్పనిసరిగా డాక్టర్ను సంప్రదించాలి.
సరైన విధంగా ఉపయోగిస్తే ఇండక్షన్ స్టవ్లు చాలా సురక్షితంగా ఉంటాయి. వాటిని ఎప్పుడూ శుభ్రంగా, పొడిగా ఉంచాలి. పవర్ వైర్, ప్లగ్లను తరచూ పరిశీలించాలి. తయారీ సంస్థ ఇచ్చిన సూచనలను తప్పకుండా పాటించాలి. ఈ చిన్న జాగ్రత్తలు పాటిస్తే మీ వంట మరింత సురక్షితంగా, సౌకర్యవంతంగా ఉంటుంది.
Share
Oil Palm: ఆయిల్ ఫామ్ పంటలపై కేటీఆర్ షాకింగ్ కామెంట్స్.. ఎమన్నారంటే..?
30 ఏళ్ల పాటు ప్రపంచానికి కనిపించకుండా బతికిన మహానటి మిస్టరీ !
