ప్రస్తుతం చాలా మంది మహిళలు ప్రతిరోజూ మార్కెట్లో బ్యూటీ, స్కిన్కేర్ ప్రొడక్ట్స్ ఉపయోగిస్తున్నారు. లిప్స్టిక్, ఫౌండేషన్, సన్స్క్రీన్, నెయిల్ పాలిష్ వంటి ఉత్పత్తులు రోజువారీ జీవితంలో భాగమయ్యాయి. అయితే వీటిలో ఉపయోగించే కొన్ని కెమికల్స్ గురించి తెలుసుకోవడం కూడా అవసరం.
జెనెరల్ మెడిసిన్ ఎండి డాక్టర్ అభినవ్ గార్గ్ అభిప్రాయం ప్రకారం.. కొన్ని కాస్మొటిక్ ఉత్పత్తుల్లో ఆరోగ్యానికి హాని కలిగించే పదార్థాలు ఉండే అవకాశం ఉంది. అందుకే ఉత్పత్తులను కొనుగోలు చేసే ముందు వాటి లేబుల్స్ పరిశీలించడం చాలా ముఖ్యం.
చాలా మంది మహిళలు ఫౌండేషన్, మస్కారాను తరచుగా ఉపయోగిస్తారు. కొన్ని ఉత్పత్తుల్లో ప్యారాబెన్స్ అనే కెమికల్స్ ఉండవచ్చు. ఇవి ఉత్పత్తులను ఎక్కువకాలం నిల్వ ఉంచడానికి ఉపయోగిస్తారు. కొన్ని పరిశోధనలు ప్యారాబెన్స్ హార్మోన్లపై ప్రభావం చూపే అవకాశం ఉందని తేలింది. అందువల్ల ప్యారాబెన్ ఫ్రీ ఉత్పత్తులను ఎంచుకోవడం మంచిది.
టాల్కమ్ పౌడర్ చాలా కాలంగా ఉపయోగిస్తున్న వ్యక్తిగత సంరక్షణ ఉత్పత్తి. కొన్ని టాల్క్ ఉత్పత్తులలో కలుషిత పదార్థాలు ఉన్నట్లు గతంలో రిపోర్ట్ వచ్చాయి. అందువల్ల పెద్ద బ్రాండ్ కంపెనీల ఉత్పత్తులను మాత్రమే ఉపయోగించాలి. ప్రొడక్ట్ క్వాలిటీ, భద్రతా ప్రమాణాలను పరిశీలించడం అవసరం.
చర్మాన్ని తెల్లగా చేస్తామని చెప్పే క్రీములు చాలా ప్రాచుర్యం పొందాయి. కొన్ని ఉత్పత్తుల్లో మెర్క్యురీ లేదా హైడ్రోక్వినోన్ వంటి పదార్థాలు ఉండవచ్చు. ఈ కెమికల్స్ అధికంగా ఉపయోగించడం వల్ల ఆరోగ్య సమస్యలు తలెత్తే ప్రమాదం ఉంటుంది. కిడ్నీలు, నరాల వ్యవస్థపై కూడా ప్రభావం పడవచ్చు.
సూర్యకిరణాల నుంచి చర్మాన్ని రక్షించడంలో సన్స్క్రీన్ ముఖ్యమైన పాత్ర పోషిస్తుంది. అయితే కొన్ని కెమికల్ సన్స్క్రీన్లలో ఆక్సీబెంజోన్ అనే పదార్థం ఉంటుంది. దాని ప్రభావాలపై పరిశోధనలు కొనసాగుతున్నాయి. ప్రస్తుతం చాలా మంది జింక్ ఆక్సైడ్ లేదా టైటానియం డయాక్సైడ్ ఉన్న మినరల్ సన్స్క్రీన్లను ఎంచుకుంటున్నారు.
లిప్స్టిక్ ప్రపంచంలో అత్యధికంగా ఉపయోగించే కాస్మెటిక్ ఉత్పత్తుల్లో ఒకటి. కొన్ని రిపోర్ట్స్ ప్రకారం కొన్ని బ్యూటీ ప్రొడక్ట్స్లో తక్కువ స్థాయిలో హెవీ మెటల్స్ ఉండే అవకాశం ఉంది. అందుకే నాణ్యమైన బ్రాండ్లను ఎంచుకోవడం మంచిది. కొనుగోలు చేసే ముందు పదార్థాల వివరాలను పరిశీలించాలి.
నెయిల్ పాలిష్ చేతుల అందాన్ని పెంచుతుంది. అయితే కొన్ని ఉత్పత్తుల్లో ఫార్మాల్డిహైడ్ వంటి కెమికల్స్ ఉండవచ్చు. ప్రస్తుతం అనేక కంపెనీలు సురక్షిత ప్రత్యామ్నాయాలను అందిస్తున్నాయి. “3.. ఫ్రీ” లేదా “5.. ఫ్రీ” అని ఉన్న ఉత్పత్తులను ఎంపిక చేయడం మంచిది.
Also Read: మనసులో ప్రేమను భార్యకు తెలిపే స్టైల్ వేరు.. న్యూమరాలజీ ద్వారా మీ భర్త స్వభావాన్ని తెలుసుకోండి
ఎల్లప్పుడూ ప్రొడక్ట్ లేబుల్ను చదవాలి. నమ్మకమైన బ్రాండ్లను మాత్రమే కొనుగోలు చేయాలి. నాణ్యతా ప్రమాణాలు, సర్టిఫికేషన్లు ఉన్నాయో లేదో పరిశీలించాలి. ఎక్స్పైరీ ప్రొడక్ట్స్ ఉపయోగించకూడదు. వాటిని సరైన విధంగా నిల్వ చేయాలి.
బ్యూటీ ప్రొడక్ట్స్ మన అందాన్ని మెరుగుపరచడంలో సహాయపడతాయి. అయితే వాటిలో ఉండే పదార్థాల గురించి తెలుసుకోవడం కూడా అంతే ముఖ్యం. సరైన సమాచారం ఆధారంగా సురక్షిత ఉత్పత్తులను ఎంచుకోవడం ద్వారా ఆరోగ్యాన్ని కాపాడుకోవచ్చు.
గమనిక: ఈ సమాచారం సాధారణ అవగాహన కోసం మాత్రమే. ఆరోగ్య సమస్యలు లేదా చర్మ సంబంధిత సందేహాల కోసం వైద్యుడిని లేదా చర్మవ్యాధి నిపుణుడిని సంప్రదించండి.
Share
మీ పిల్లలు ఆరోగ్యంగా పెరిగేందుకు ఈ మంచి అలవాట్లు నేర్పించండి..
