Instant Glow: ఇలా చేస్తే.. 10 నిమిషాల్లోనే గ్లోయింగ్ స్కిన్

Instant Glow: నేటి బిజీ లైఫ్‌లో చాలా మందికి పార్లర్‌కి వెళ్లడానికి సమయం దొరకడం కష్టంగా మారుతోంది. కానీ ప్రతి ఒక్కరూ తమ చర్మం ఎల్లప్పుడూ మెరుస్తూ, ఆరోగ్యంగా కనిపించాలని కోరుకుంటారు. మరి అలాంటి వారు ఇంట్లోనే కేవలం 15 నిమిషాల్లో పార్లర్ లాంటి గ్లో పొందగలిగితే ఎలా ఉంటుంది ? అద్భుతం కదా.. మరి గ్లోయింగ్ స్కిన్ కోసం ఇంట్లోనే ఎలాంటి ఫేస్ ప్యాక్ తయారు చేసుకుని వాడాలి ? 15 నిమిషాల్లో పార్లర్ లాంటి మెరుపును ఎలా పొందాలి ? అనే విషయాలను గురించి ఇప్పుడు తెలుసుకుందాం.

అవసరమైన పదార్థాలు:
మొక్కజొన్న పిండి – 2 టీస్పూన్లు
పెరుగు – 2 టీస్పూన్లు
తేనె – 2 టీస్పూన్లు
ముల్తాని మిట్టి – 1 టీస్పూన్
రోజ్ వాటర్ – 1 టీస్పూన్

ఫేస్ ప్యాక్ తయారు చేసుకునే విధానం:

ఒక గిన్నె తీసుకుని అందులో పైన తెలిపిన మోతాదులో ముల్తాని మిట్టి, పెరుగు వేసి బాగా కలపాలి. తర్వాత అన్నీ కలిసేలా 5 నిమిషాలు అలాగే ఉంచండి. 5 నిమిషాల తర్వాత, గిన్నెలో మొక్కజొన్న పిండి, రోజ్ వాటర్ , తేనె వేసి మిక్స్ చేయండి. తర్వాత మెత్తని పేస్ట్ తయారవుతుంది. ఇప్పుడు దీనిని మీ ముఖం మీద అప్లై చేసి 10 నుండి 15 నిమిషాలు ఆరనివ్వండి. సమయం పూర్తయిన తర్వాత మీ ముఖాన్ని సాధారణ నీటితో లేదా గోరు వెచ్చని నీటితో శుభ్రం చేయండి. ఇలా చేయడం వల్ల మీ చర్మం శుభ్రంగా , ప్రకాశవంతంగా మారుతుంది. అంతే కాకుండా గ్లోయింగ్ స్కిన్ మీ సొంతం అవుతుంది.

తేనె యొక్క ప్రయోజనాలు:
మొక్కజొన్న పిండితో తయారు చేసిన ఫేస్ ప్యాక్ వాడటం వల్ల, కొన్ని రోజుల్లోనే మీ చర్మంలో మెరుగుదల కనిపిస్తుంది. దీనిలో తేనెను ఉపయోగించాము ఎందుకంటే మొక్కజొన్న పిండి అదనపు నూనెను పీల్చుకోవడంలో సహాయపడుతుంది. తేనె చర్మానికి అవసరమైన తేమను అందిస్తుంది. అలాగే, తేనె ముడతలు, గీతలను తగ్గించడంలో సహాయపడుతుంది. ఈ ఫేస్ ప్యాక్ మీ ముఖాన్ని శుభ్రపరచడానికి , అంతే కాకుండా పోషణను అందించడానికి కూడా చాలా బాగా ఉపయోగపడుతుంది.

స్క్రబ్ చేయండి:

బీట్‌రూట్ మీ చర్మం యొక్క రంగును మెరుగుపరచడంలో సహాయపడుతుంది. బీట్ రూట్ తో స్క్రబ్ తయారు చేసుకుని వాడటం వల్ల అద్భుత ఫలితాలు ఉంటాయి. ముందుగా 1 టీస్పూన్ కాఫీ పౌడర్‌ను 3-4 టీస్పూన్ల బీట్‌రూట్ రసంతో కలపండి. ఈ మిశ్రమంతో మీ ముఖాన్ని 2 నిమిషాలు తేలికగా మసాజ్ చేయండి. మసాజ్ చేసిన తర్వాత గోరువెచ్చని నీటితో ముఖాన్ని కడగాలి.

Also Read: ఇలా చేస్తే.. నల్లగా మారిన కాళ్ల పట్టీలైనా కొత్త వాటిలా మెరిసిపోతాయ్ !

ఫేస్ ప్యాక్ అప్లై చేయండి:
ముఖం శుభ్రం చేసిన తర్వాత, 1/2 టీస్పూన్ మైదా, 1/2 టీస్పూన్ శనగపిండి కలిపి కలపాలి. ఇప్పుడు ఈ మిశ్రమానికి బీట్‌రూట్ రసం కలిపి ఫేస్ ప్యాక్ లా తయారు చేసుకోండి. ఇప్పుడు తయారుచేసిన ఫేస్ ప్యాక్‌ను ముఖానికి సరిగ్గా అప్లై చేసి 15 నిమిషాలు అలాగే ఉంచండి. 15 నిమిషాల తర్వాత మీ ముఖాన్ని చల్లటి నీటితో వాష్ చేయండి. ఈ ప్రక్రియ చేయడం ద్వారా మీ ముఖంపై ఉన్న టానింగ్ పోతుంది. అంతే కాకుండా మీ ముఖంపై తిరిగి మెరుపు కనిపించడం ప్రారంభమవుతుంది.