Lip Balm Vs Lip Gloss: లిప్ బామ్, లిప్ గ్లాస్ రెండింటికీ తేడా ఏంటో తెలుసా ?

Lip Balm Vs Lip Gloss: అమ్మాయిలు తమ పెదవుల పట్ల చాలా శ్రద్ధ తీసుకుంటారు. దీనికోసం వివిధ రకాల లిప్ కేర్ ప్రొడక్ట్స్ కొని వాడుతుంటారు. పెదవుల అందాన్ని పెంచడానికి మార్కెట్లో అనేక రకాల ప్రొడక్ట్స్ అందుబాటులో ఉన్నాయి. ఈ ఉత్పత్తులలో లిప్ స్టిక్, లిప్ బామ్, లిప్ ఆయిల్ , లిప్ గ్లాస్ కూడా ఉంటాయి.

లిప్‌స్టిక్ గురించి, ఎందుకు, ఎలా , ఎప్పుడు ఉపయోగించాలో అందరికీ తెలుసు. కానీ చాలా మందికి లిప్ బామ్, లిప్ ఆయిల్ మరియు లిప్ గ్లాస్ గురించి తెలియదు. అందుకే వీటి గురించి పూర్తి వివరాలను ఇప్పుడు తెలుసుకుందాం.

లిప్ బామ్ అంటే ఏమిటి ?
వాతావరణం లేదా కాలుష్యం కారణంగా పెదవులు పగుళ్లు రావడం ప్రారంభించినప్పుడు.. లేదా పెదవుల చర్మం చాలా పొడిగా మారి ఊడిపోవడం ప్రారంభించినప్పుడు లిప్ బామ్ ఉపయోగిస్తారు. దీనిని రోజులో ఎప్పుడైనా, ఎన్నిసార్లైనా ఉపయోగించవచ్చు. ముఖ్యంగా సీజన్ మారినప్పుడు, లిప్ బామ్ ఉపయోగించడం చాలా అవసరం.

ప్రయోజనాలు ఏమిటి ?
డ్రై లిప్స్ తో మీరు ఇబ్బందులు పడుతుంటే.. రోజుకు చాలాసార్లు లిప్ బామ్ వాడాలి. ఇలా చేయడం వల్ల మీ పెదవులకు పోషణ లభిస్తుంది. అంతే కాకుండా వాటికి తేమను అందిస్తుంది. లిప్ బామ్ కొనేటప్పుడు.. అందులో షియా బటర్, కలబంద మొదలైన హీలింగ్ ఏజెంట్లు కూడా ఉంటాయని గుర్తుంచుకోండి.

లిప్ ఆయిల్ అంటే ఏమిటి ?
లిప్ ఆయిల్ యొక్క ప్రధాన విధి పెదవులకు పోషణ అందించడం. దీనిని వాడటం వల్ల పెదవులు కాస్త నిగనిగలాడే లుక్‌ను పొందుతాయి. లిప్‌స్టిక్‌కు ముందు లిప్ ఆయిల్ ఉపయోగించవచ్చు. తద్వారా మీ పెదవుల లుక్ పరిపూర్ణంగా కనిపిస్తుంది.

ప్రయోజనాలు ఏమిటి ?
లిప్‌స్టిక్ వేసుకునే ముందు మంచి లిప్ ఆయిల్ వాడితే.. మీ పెదవులు పొడిబారినట్లు అనిపించవు. విటమిన్ E, జోజోబా ఆయిల్ వంటి పదార్థాలను కలిగి ఉన్న లిప్ ఆయిల్ మీ పెదవులకు మరింత తేమను అందించడానికి పని చేస్తుంది.

Also Read: బీట్ రూట్ ఇలా వాడితే.. చందమామ లాంటి ముఖం మీ సొంతం

లిప్ గ్లాస్ అంటే ఏమిటి ?
లిప్ స్టిక్ వేసుకోవాలని అనిపించనప్పుడు లిప్ గ్లాస్ కూడా ఉపయోగించవచ్చు. మేకప్ కోసం పెదవులకు మెరిసే, ఆకర్షణీయమైన రూపాన్ని ఇవ్వాల్సిన అవసరం వచ్చినప్పుడు కూడా లిప్ గ్లాస్ ఉపయోగించవచ్చు.

ప్రయోజనాలు ఏమిటి ?
ఏదైనా పార్టీ.. ఫంక్షన్ లేదా ఔటింగ్‌లో మీ పెదవులకు నిగనిగలాడే లుక్ ఇవ్వాలనుకుంటే లిప్ గ్లాస్ ఉపయోగించండి. దీనిని వాడటం వల్ల పెదవులు చాలా అందంగా కనిపిస్తాయి. అంతే కాకుండా కొన్నిసార్లు సింపుల్ లుక్ కూడా అందిస్తాయి.

Share

• 
• 
• 
• 
• 
•