Lipstick: లిప్స్టిక్ వాడటం నేటి ప్రతి మహిళ దినచర్యలో ఒక భాగంగా మారింది. ఆఫీసుకి వెళ్ళినా, కాలేజీకి వెళ్ళినా, పార్టీలకు వెళ్ళినా లేదా కొంచెం అందంగా కనిపించాలనుకున్నా, లిప్స్టిక్ తరచుగా మహిళలకు మొదటి ఎంపిక. కానీ ప్రతిరోజూ లిప్స్టిక్ వేసుకోవడం వల్ల మీ పెదవులకు కూడా హాని కలుగుతుందని మీరు ఎప్పుడైనా అనుకున్నారా ? లిప్‌స్టిక్‌లో ఉండే రసాయనాలు పెదవులకు హాని కలిగిస్తాయి. అంతే కాకుండా కొన్ని రకాల ఆరోగ్య సమస్యలు కూడా వచ్చేలా చేస్తాయి.
పెదవులు ముదురు రంగులోకి మారవచ్చు:
రోజూ లిప్స్టిక్ వేసుకోవడం వల్ల.. చాలా మంది మహిళల పెదవులు నల్లగా లేదా గోధుమ రంగులో కనిపించడం ప్రారంభిస్తాయి. ముఖ్యంగా మీరు మేకప్ రిమూవర్ లేకుండా లిప్‌స్టిక్‌ను తీసివేసినా లేదా లిప్‌స్టిక్‌తో నిద్రపోయినా, ఇది పిగ్మెంటేషన్‌ను పెంచుతుంది. లిప్ స్టిక్ లో ఉండే రసాయనాలు, కృత్రిమ రంగులు క్రమంగా మీ పెదవుల సహజ రంగును పాడు చేస్తాయి.
పెదవులు పొడిబారడం, పగుళ్లు రావడం:
లిప్‌స్టిక్‌లో పెదాల పొడిబారే పదార్థాలు ఉంటాయి. మీరు మ్యాట్ లిప్స్టిక్ లను ప్రతిరోజూ ఉపయోగిస్తుంటే.. పెదవులపై తేమ క్రమంగా కనుమరుగవుతుంది. దీని కారణంగా.. పెదవులుకు ఎక్కువ హాని కూడా కలుగుతుంది. ఫలితంగా పగుళ్లు కూడా ఏర్పడే ప్రమాదం ఉంటుంది.
చికాకు, అలెర్జీ సమస్యలు:
ప్రతి ఒక్కరి చర్మ రకం భిన్నంగా ఉంటుంది. చాలా సార్లు మనం ఏదైనా బ్రాండ్‌ని ఆలోచించకుండా ఉపయోగిస్తుంటాము. కానీ కొన్ని లిప్‌స్టిక్‌లలో చర్మానికి సరిపోని రసాయనాలు కూడా ఉంటాయి. దీనివల్ల పెదవులపై మంట లేదా దురద కూడా రావచ్చు. మీ చర్మం సున్నితంగా ఉంటే ఈ సమస్య మరింత పెరుగుతుంది.
Also Read: చక్కెర తినడం తగ్గించినా.. పూర్తిగా మానేసినా శరీరంపై ఎలాంటి ప్రభావం ఉంటుంది ?
లిప్ స్టిక్ వేసుకునే ముందు ఏం చేయాలి ?
లిప్ స్టిక్ వేసుకునే ముందు లిప్ బామ్ రాసుకోవడం మర్చిపోవద్దు. ఇలా చేయడం వల్ల మీ పెదవులకు హాని కలిగే అవకాశాలు చాలా తక్కువగా ఉంటాయి.
రాత్రి పడుకునే ముందు లిప్‌స్టిక్‌ను పూర్తిగా శుభ్రం చేయండి.
వారానికి 2 రోజులు లిప్స్టిక్ వేసుకోకండి.
సహజ లేదా మూలికలతో తయారు చేసిన లిప్‌స్టిక్‌ను ఉపయోగించండి.
మీ పెదవులను మాయిశ్చరైజ్ చేయడం మర్చిపోవద్దు.
Share
Ram Charan Peddi : ‘పెద్ది’ హిందీ టీజర్ చూశారా? ఆ వాయిస్ ఎవరిదో గమనించారా?
Hyderabad : రూ.200లకే బట్టతలపై జుట్టు.. హైదరాబాద్‌లో క్యూ కట్టిన యువత..
