Cracked Lips: చలికాలంలో వాతావరణంలో మార్పు వచ్చిన తర్వాత పెదవులు పగిలిపోవడం అనేది ఒక సాధారణ సమస్య. ముఖ్యంగా చలికాలంలో పెదాలు పగిలిపోవడం సర్వసాధారణం. ఈ విషయంలో అజాగ్రత్తగా వ్యవహరిస్తే, ఈ సమస్య మరిన్ని సమస్యలను కూడా సృష్టిస్తుంది. పగిలిన పెదవులు అందాన్ని కూడా ప్రభావితం చేస్తాయి. అంతే కాకుండా కొన్నిసార్లు పగిలిన కారణంగా ఇబ్బందిని ఎదుర్కోవలసి ఉంటుంది.
పగిలిన పెదవుల సమస్యను కొన్ని హోం రెమెడీస్ సహాయంతో సులభంగా తగ్గించుకోవచ్చు. మరి ఎలాంటి హోం రెమెడీస్ డ్రై లిప్స్ సమస్యలను తగ్గిస్తాయో ఇప్పుడు తెలుసుకుందాం.
తేనెతో అద్భుతం: తేనెలో యాంటీ బ్యాక్టీరియల్, మాయిశ్చరైజింగ్ గుణాలు ఉన్నాయి. పగిలిన పెదవులపై ప్రతిరోజు పడుకునే ముందు తేనెను రాసుకుంటే మంచి ఫలితాలు ఉంటాయి. తేనెతో తయారు చేసిన హోం రెమెడీస్ పెదాలను మృదువుగా, అందంగా మార్చడంలో సహాయపడతాయి.
కొబ్బరి నూనె: కొబ్బరి నూనెలో విటమిన్ ఇ పుష్కలంగా ఉంటుంది. ఇది పెదాలకు పోషణనిస్తుంది. ప్రతి రోజు రాత్రి పడుకునే ముందు కొబ్బరి నూనెను పెదవులపై రాయండి. ఇలా కొన్ని రోజులు చేయడం వల్ల పగిలిన పెదాలు తిరిగి మృదువుగా మారతాయి.
అలోవెరా వాడకం: కలబందలో ఔషధ గుణాలు పుష్కలంగా ఉంటాయి. అలోవెరా జెల్‌ని పెదవులపై అప్లై చేయడం వల్ల పగిలిన పెదవులు త్వరగా నయమవుతాయి.
మిల్క్ క్రీమ్: మిల్క్ క్రీమ్‌లో లాక్టిక్ యాసిడ్ ఉంటుంది. ఇది పెదాలను మృదువుగా చేస్తుంది. రాత్రి పడుకునే ముందు పెదవులపై మిల్క్ క్రీమ్ రాసుకోవాలి. ఇలా తరుచుగా చేయడం ద్వారా పెదవులు మృదువుగా మారతాయి. అంతే కాకుండా పగుళ్ల సమస్య కూడా తగ్గుతుంది.
రోజ్ వాటర్: రోజ్ వాటర్ క్రిమినాశక లక్షణాలను కలిగి ఉంటుంది. రోజు రోజ్ వాటర్‌తో పెదాలను కడిగి, కొద్దిగా మాయిశ్చరైజర్ రాయండి. తరుచుగా ఇలా చేయడం వల్ల మంచి ఫలితం ఉంటుంది.
దోసకాయ: దోసకాయలో 90% నీరు ఉంటుంది. ఇది పెదాలను హైడ్రేట్ చేస్తుంది. దోసకాయ ముక్కను పెదవులపై రుద్దడం వల్ల పగిలిన పెదాల నుంచి ఉపశమనం లభిస్తుంది.
లిప్ బామ్ వాడకం: మంచి నాణ్యమైన లిప్ బామ్‌ను ఎల్లప్పుడూ మీ వద్ద ఉంచుకోండి. దీనిని రోజుకు 2- 3 సార్లు అప్లై చేయండి.
Also Read: కొబ్బరి నూనెలో ఈ ఒక్కటి కలిపి వాడారంటే.. గ్లోయింగ్ స్కిన్
కొన్ని అదనపు చిట్కాలు:
నీరు త్రాగండి: తగినంత మొత్తంలో నీరు త్రాగడం వల్ల శరీరాన్ని హైడ్రేట్‌గా ఉంచుకోవచ్చు. నీరు పెదవులు పగిలిన సమస్యను తగ్గిస్తుంది.
ఉప్పగా ఉండే ఆహారాలకు దూరంగా ఉండండి: ఉప్పు పెదవులను పొడిగా చేస్తుంది. కాబట్టి మీరు ఉప్పు పదార్థాలను తీసుకోవడం తగ్గించండి.
సన్ ప్రొటెక్షన్: ఎండలోకి వెళ్లే ముందు పెదవులపై సన్‌స్క్రీన్ రాయండి.
నాలుకతో పెదవులను తాకడం మానేయండి: నాలుకతో పెదాలను తాకడం వల్ల లాలాజలం ఎండిపోయి పెదవులు పగుళ్లు ఏర్పడతాయి.
గమనిక: వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘బిగ్ టీవీ’ బాధ్యత వహించదని గమనించగలరు.
Share
Horoscope Today December 27th: ఆ రాశి వారికి ఈరోజు గొప్ప వ్యక్తులతో పరిచయాలు ఏర్పడతాయి
Trinayani Serial Today December 27th: ‘త్రినయని’ సీరియల్‌: నయని బాడీతో దొరికిపోయిన విక్రాంత్‌ – రత్నాంబను ఇంటికి తీసుకొచ్చిన వల్లభ 
