Blackheads On Nose: మన ముఖం మీద బ్లాక్ హెడ్స్ సర్వసాధారణం. ముఖ్యంగా ముక్కు మీద బ్లాక్ హెడ్స్ ఎక్కువగా వస్తుంటాయి. ఇవి ముఖం మీద నల్లటి మచ్చలలా కనిపిస్తాయి. కొన్ని సార్లు చర్మ రంధ్రాలలో నూనె , ధూళి పేరుకుపోతాయి. అంతే కాకుండా చర్మ రంధ్రాలు తెరుచుకున్నప్పుడు, ఈ ధూళి, మృతకణాలు ఆక్సీకరణం చెంది నల్లగా మారుతాయి. వీటినే బ్లాక్ హెడ్స్ అంటారు.
ఇది మన అందాన్ని పాడు చేస్తుంది. ఈ సమస్య నుండి బయట పడటానికి మార్కెట్లో వివిధ రకాల స్కిన్ కేర్ ప్రొడక్ట్స్ అందుబాటులో ఉన్నప్పటికీ.. హోం రెమెడీస్ వీటిని తగ్గించడానికి చాలా బాగా ఉపయోగపడతాయి. ఇవి మీ చర్మానికి హాని కలిగించకుండా బ్లాక్ హెడ్స్ తొలగించడంలో సహాయపడతాయి. బ్లాక్ హెడ్స్ ను సహజంగా తొలగించే కొన్ని హోం రెమెడీస్ గురించి ఇప్పుడు తెలుసుకుందాం.
బేకింగ్ సోడా, నీరు:
బ్లాక్ హెడ్స్ తగ్గించడంలో సోడా చాలా బాగా ఉపయోగపడుతుంది. ఇది ఒక సహజమైన ఎక్స్‌ఫోలియేటర్. దీనిని బ్లాక్ హెడ్స్ పై అప్లై చేయడం వల్ల చర్మం యొక్క pH కూడా సమతుల్యంగా ఉంటుంది. ఒక చెంచా బేకింగ్ సోడాతో కొద్దిగా నీరు కలిపి పేస్ట్ లా తయారు చేయండి. ఈ పేస్ట్ ని ముక్కుపై నల్లటి మచ్చలు ఉన్న భాగంలో అప్లై చేసి సున్నితంగా మసాజ్ చేయండి. 5 నిమిషాల తర్వాత గోరువెచ్చని నీటితో శుభ్రం చేయండి. మీరు వారానికి రెండుసార్లు ఇలా చేయడం వల్ల మంచి ఫలితం ఉంటుంది. అంతే కాకుండా ఇది ముక్కుపై చర్మ రంధ్రాలలో దాగి ఉన్న మురికి, నూనెను తొలగించడంలో సహాయపడుతుంది.
పాలు, బియ్యం పిండి స్క్రబ్:
బియ్యం పిండితో తయారు చేసిన స్క్రబ్ మృతకణాలు, బ్లాక్ హెడ్స్ తొలగించడంలో సహాయపడుతుంది. దీనిలో పాలు కలపడం వల్ల.. అది మన చర్మాన్ని తేమగా మార్చి మృదువుగా చేస్తుంది. ఒక చెంచా బియ్యం పిండిలో కొద్దిగా పాలు కలిపి పేస్ట్ లా చేసి తర్వాత దీనిని ముక్కు మీద అప్లై చేసి సున్నితంగా మసాజ్ చేయండి. 5 నుండి 10 నిమిషాల తర్వాత గోరువెచ్చని నీటితో శుభ్రం చేయండి. ఇలా చేయడం వల్ల మీరు తక్కువ సమయంలోనే మంచి ఫలితం చూస్తారు.
తేనె, నిమ్మకాయ:
తేనె వాడటం వల్ల చర్మానికి తగినంత తేమ లభిస్తుంది. నిమ్మకాయలో బ్లీచింగ్ లక్షణాలు ఉంటాయి.ఈ రెండు కలిపిన మిశ్రమం బ్లాక్ హెడ్స్ తొలగించడంలో సహాయపడుతుంది. ఒక టీస్పూన్ నిమ్మరసం, ఒక టీస్పూన్ తేనెను ఒక బౌల్ లో మిక్స్ చేయండి. తర్వాత దానిని మీ ముక్కు మీద అప్లై చేయండి. 15 నుండి 20 నిమిషాల తర్వాత గోరువెచ్చని నీటితో వాష్ చేయండి. ఇలా తరచుగా చేయడం వల్ల మంచి ఫలితం ఉంటుంది. అంతే కాకుండా మీ బ్లాక్ హెడ్స్ ఖచ్చితంగా తగ్గడం ప్రారంభిస్తాయి.
శనగపిండి, పెరుగు పేస్ట్:
ప్రతి ఇంట్లో శనగపిండి , పెరుగును ఉపయోగిస్తారు. పెరుగు, శనగపిండి మన ముఖానికి చాలా ప్రయోజనకరంగా ఉంటాయి. వీటిని ముఖానికి అప్లై చేయడం వల్ల బ్లాక్ హెడ్స్ తొలగిపోయి చర్మం మెరుస్తుంది. పెరుగులో ఉండే లాక్టిక్ ఆమ్లం ముఖానికి తేమను అందిస్తుంది. అంతే కాకుండా ఇది శనగపిండి చర్మ రంధ్రాలను శుభ్రపరచడంలో సహాయపడుతుంది. ఒక చెంచా శనగపిండి, ఒక చెంచా పెరుగు కలిపి పేస్ట్ లాగా చేయండి. తర్వాత దీనిని ముక్కు మీద రాసి ఆరనివ్వండి. ఆరిపోయిన తర్వాత.. మీ చేతులతో రుద్దండి. తర్వాత చల్లటి నీటితో వాష్ చేయండి. ఈ పేస్ట్ ని వారానికి రెండుసార్లు అప్లై చేయడం వల్ల బ్లాక్ హెడ్స్ తొలగిపోతాయి.
Also Read: వారానికి ఎన్ని సార్లు.. తలస్నానం చేయాలో తెలుసా ?
ఎగ్ వైట్ :
గుడ్డులోని తెల్లసొనను ఉపయోగించడం వల్ల బ్లాక్ హెడ్స్ తొలగిపోతాయి.ఇది బ్లాక్ హెడ్స్ వచ్చే అవకాశాలను కూడాచాలా వరకు తగ్గిస్తుంది. బ్రష్ సహాయంతో.. గుడ్డులోని తెల్లసొనను ముక్కుపై ఉన్న బ్లాక్ హెడ్స్ పై అప్లై చేసి, టిష్యూ పేపర్ తో కప్పండి. అది ఆరిపోయినప్పుడు తర్వాత నల్లటి చుక్కలు కణజాలంతో పాటు పీల్ ఆఫ్ మాస్క్ లాగా బయటకు వస్తాయి.
Share
KKR VS RCB: దుమ్ములేపిన కోహ్లీ, సాల్ట్... RCB ఫస్ట్ విక్టరీ
Ram charan : 'గేమ్ ఛేంజర్ ' మూవీకి రామ్ చరణ్ ఒక్కరూపాయి తీసుకోలేదా..?
