Sensitive Teeth: పళ్ల సున్నితత్వం అనేది చాలా మందిని ఇబ్బంది పెట్టే ఒక సాధారణ సమస్య. చల్లని, వేడి, పుల్లని లేదా తీపి పదార్థాలు తిన్నప్పుడు దంతాలలో పెయిన్ వస్తుంది. కొన్ని సార్లు ఈ నొప్పి తక్షణమే తగ్గుతుంది. కానీ చాలా అసౌకర్యాన్ని కలిగిస్తుంది. ఈ సమస్యకు అనేక కారణాలు ఉంటాయి. వాటిలో దంతాల ఎనామెల్ క్షీణించడం, చిగుళ్ళు వెనక్కి జరగడం, దంతాలు పుచ్చిపోవడం, లేదా దంతాలను గట్టిగా బ్రష్ చేయడం వంటివి ప్రధానమైనవి. పళ్ల సున్నితత్వాన్ని తక్షణమే ఎలా తగ్గించుకోవాలో, దీర్ఘకాలికంగా ఈ సమస్యను ఎలా నివారించుకోవాలో ఇప్పుడు తెలుసుకుందాం.
తక్షణ ఉపశమనం కోసం చిట్కాలు:
సెన్సిటివ్ టూత్‌పేస్ట్ వాడండి: మార్కెట్‌లో సున్నితమైన దంతాల కోసం ప్రత్యేకంగా తయారు చేసిన టూత్‌పేస్ట్‌లు అందుబాటులో ఉన్నాయి. వీటిలో పొటాషియం నైట్రేట్, స్ట్రాన్షియం క్లోరైడ్ వంటి పదార్థాలు ఉంటాయి. ఇవి దంతాల లోపల ఉన్న నాడీ కణాలను శాంతపరచి, సున్నితత్వాన్ని తగ్గిస్తాయి. ఈ టూత్‌పేస్ట్‌ను నొప్పి ఉన్న చోట కొద్దిగా తీసుకొని మసాజ్ చేయడం ద్వారా తక్షణ ఉపశమనం లభిస్తుంది.
ఉప్పు నీటితో పుక్కిలించండి: ఒక గ్లాసు గోరువెచ్చని నీటిలో ఒక టీస్పూన్ ఉప్పు కలిపి నోటిని బాగా పుక్కిలించండి. ఉప్పు సహజ క్రిమినాశక లక్షణాలను కలిగి ఉంటుంది. ఇది నోటిలోని బ్యాక్టీరియాను చంపుతుంది. అంతే కాకుండా చిగుళ్ళ వాపును తగ్గిస్తుంది. దీనివల్ల సున్నితత్వం వల్ల కలిగే నొప్పి తగ్గుతుంది.
కొబ్బరి నూనె పుక్కిలించడం: ఒక చెంచా కొబ్బరి నూనెను నోటిలో వేసుకుని 15-20 నిమిషాల పాటు పుక్కిలించి ఉమ్మివేయండి. ఇది ఒక పురాతన పద్ధతి. కొబ్బరి నూనెలో ఉండే యాంటీ-ఇన్‌ఫ్లమేటరీ, యాంటీ-మైక్రోబయల్ లక్షణాలు పంటి ఆరోగ్యానికి ఎంతగానో తోడ్పడతాయి. ఇది పంటి నొప్పిని తగ్గించడంలో.. చిగుళ్ళ ఆరోగ్యాన్ని మెరుగుపరచడంలో సహాయపడుతుంది.
వెల్లుల్లి ఉపయోగం: వెల్లుల్లిలో అల్లిసిన్ అనే శక్తివంతమైన సమ్మేళనం ఉంటుంది,. ఇది యాంటీబయోటిక్ లక్షణాలను కలిగి ఉంటుంది. ఒక వెల్లుల్లి రెబ్బను దంచి, కొద్దిగా ఉప్పు కలిపి నొప్పి ఉన్న దంతం మీద పెట్టుకుంటే.. అది నొప్పిని తగ్గించడంలో సహాయపడుతుంది.
లవంగ నూనె: లవంగ నూనెలో యూజినాల్ అనే పదార్థం ఉంటుంది. ఇది సహజ నొప్పి నివారిణి. ఒక దూది ఉండను లవంగ నూనెలో ముంచి నొప్పి ఉన్న దంతం మీద ఉంచడం వల్ల తక్షణ ఉపశమనం లభిస్తుంది.
నివారణ చర్యలు:
సరైన బ్రషింగ్ టెక్నిక్: దంతాలను గట్టిగా బ్రష్ చేయడం మానుకోండి. మెత్తని బ్రిజిల్స్ ఉన్న టూత్‌బ్రష్‌ను ఉపయోగించి సున్నితంగా బ్రష్ చేయండి.
ఆమ్ల పదార్థాలు తగ్గించండి: నిమ్మ, నారింజ వంటి ఆమ్ల పదార్థాలు దంతాల ఎనామెల్‌ను క్షీణింపజేస్తాయి. వీటిని ఎక్కువగా తీసుకోకుండా ఉండటం మంచిది.
మౌత్‌గార్డ్ వాడండి: రాత్రిపూట దంతాలను కొరికే అలవాటు ఉంటే.. డాక్టర్ సలహా మేరకు మౌత్‌గార్డ్‌ను వాడటం వల్ల దంతాలు అరిగిపోకుండా ఉంటాయి.
ఈ చిట్కాలు కేవలం తాత్కాలిక ఉపశమనం కోసం మాత్రమే. సున్నితమైన పంటి నొప్పి తరచుగా వస్తున్నట్లయితే.. అది ఒక తీవ్రమైన సమస్యకు సంకేతం కావచ్చు. వెంటనే పంటి వైద్యుడిని సంప్రదించి, నొప్పికి మూల కారణాన్ని గుర్తించి చికిత్స తీసుకోవడం చాలా అవసరం.
Share
Mana Shankara Varaprasad Garu: మన శివశంకర వరప్రసాద్ రిలీజ్ డేట్ ఫిక్స్, రిస్క్ లో పడ్డ నవీన్ పోలిశెట్టి
IOCL Recruitment: ఐవోసీఎల్‌లో భారీగా ఉద్యోగాలు.. ఈ క్వాలిఫికేషన్ ఉంటే చాలు.. డోంట్ మిస్..!
