Rice Flour For Skin: బియ్యం పిండితో.. మెరిసే చర్మం, ఎలా వాడాలంటే ?

Rice Flour For Skin: ప్రతి ఒక్కరూ మెరిసే చర్మాన్ని కోరుకుంటారు. ఇటువంటి పరిస్థితిలో.. చర్మాన్ని సహజంగా మెరిసేలా చేయడానికి ఏదైనా ఇంట్లో, చౌకగా, ప్రభావవంతమైన మార్గం ఉందా అనే ప్రశ్న తరచుగా తలెత్తుతుంది ? బియ్యం పిండి మీ చర్మానికి సహజమైన మెరుపును ఇవ్వడమే కాకుండా.. మృత కణాలను తొలగించడంలో.. టానింగ్‌ను తగ్గించడంలో, చర్మాన్ని బిగుతుగా చేయడంలో కూడా చాలా ప్రభావవంతంగా ఉంటుంది. బియ్యం పిండితో మెరిసే చర్మాన్ని ఎలా పొందాలో తెలుసుకుందాం.

బియ్యం పిండితో.. ఫేస్ ప్యాక్స్:

1. బియ్యం పిండి, పాలతో ఫేస్ ప్యాక్:

2 స్పూన్ల బియ్యం పిండి

2 టీస్పూన్ల పచ్చి పాలు

తయారీ విధానం: రెండింటినీ బాగా కలిపి పేస్ట్ లాగా తయారు చేసుకోండి. తర్వాత ముఖం, మెడపై అప్లై చేయండి. 15 నిమిషాల తర్వాత సున్నితంగా మసాజ్ చేస్తూ వాష్ చేయండి. ఇది చర్మానికి సహజమైన మెరుపును ఇస్తుంది. అంతే కాకుండా చర్మం పొడిబారడాన్ని కూడా తొలగిస్తుంది.

2. బియ్యం పిండి, టమాటోతో ప్యాక్:

1 స్పూన్ బియ్యం పిండి

1 స్పూన్ టమాటో రసం

తయారీ విధానం: పై పదార్థాలను ఒక పేస్ట్ లా చేసి, టాన్ ఉన్న ప్రదేశాలలో అప్లై చేయండి. 15 నిమిషాల తర్వాత కడిగేయండి. ఈ ప్యాక్ చర్మాన్ని ప్రకాశవంతంగా, తాజాగా చేస్తుంది. అంతే కాకుండా శరీరానికి అవసరం అయిన పోషణను కూడా అందిస్తుంది.

Also Read: జపనీస్ అందంగా ఉండటానికి.. కారణం ఇదే !

బియ్యం పిండి, తేనెతో ప్యాక్:

1 స్పూన్ బియ్యం పిండి

1 టీస్పూన్ తేనె

తయారీ విధానం: పైన తెలిపిన రెండు పదార్థాలను బాగా మిక్స్ చేయండి. తర్వాత ఈ మిశ్రమాన్ని ముఖంపై 15 నిమిషాలు అప్లై చేసి, ఆపై సున్నితంగా రుద్దుతూ శుభ్రం చేయండి. ఇది మృత చర్మాన్ని తొలగించి చర్మాన్ని సహజంగా మృదువుగా చేస్తుంది.

జాగ్రత్తలు:

ఏదైనా ప్యాక్ వేసుకునే ముందు ప్యాచ్ టెస్ట్ చేసుకోండి.

చర్మం చాలా సున్నితంగా ఉంటే..డాక్టర్‌ను సంప్రదించండి.

బియ్యం పిండి మీ ప్లేట్‌లో సూపర్‌ఫుడ్ మాత్రమే కాదు.. ఇది మీ చర్మానికి కూడా సూపర్‌ఫుడ్. దీన్ని సరైన మార్గంలో ఉపయోగించండి. ఇంట్లోనే సహజమైన మెరుపును పొందండి.