How to wash shoes in washing machine: మనం రోజు వేసుకునే.. స్నీకర్స్ లేదా కాన్వాస్ షూస్ త్వరగా మురికిగా మారిపోతుంటాయి. వాటిని చేత్తో.. బ్రష్ పెట్టి రుద్ది ఉతకాలంటే.. చాలా బద్ధకంగా అనిపిస్తుంది కదూ.. మరి వాషింగ్ మెషీన్లో వేసేద్దామా అంటే.. ఎక్కడ షూస్ చినిగిపోతాయో లేక మెషీన్ పాడైపోతుందో అని భయం. కానీ కొన్ని సింపుల్ ట్రిక్స్ పాటిస్తే.. మీ వాషింగ్ మెషీన్లోనే ఏమాత్రం డ్యామేజ్ కాకుండా షూస్ను సరి కొత్తగా మెరిపించవచ్చు. అదెలాగో, దానికి ఏమేం కావాలో, ఇప్పుడు తెలుసుకుందాం.
వాషింగ్ మెషీన్లో షూస్ క్లీనింగ్:
షూస్ వాషింగ్ మెషీన్లో ఉతకడం చాలా ఈజీ, కానీ సరైన పద్ధతి తెలియకపోతే.. షూస్ షేప్ అవుట్ అయిపోతాయి. మీ ఫేవరెట్ షూస్ పాడవకుండా.. మెషీన్లో క్లీన్ చేయడానికి ఈ 5 స్టెప్స్ ఫాలో అవ్వండి.
స్టెప్ 1: ఏ షూస్ ఉతకాలి? ఏవి ఉతకకూడదు?
ముందుగా మీ షూస్ ఏ మెటీరియల్తో తయారయ్యాయో చూసుకోండి.
ఉతకవచ్చు: కాన్వాస్ , నైలాన్, కాటన్, మెష్ మెటీరియల్ ఉన్న రన్నింగ్ లేదా స్పోర్ట్స్ షూస్ను మెషీన్లో హ్యాపీగా ఉతకవచ్చు.
ఉతకకూడదు: లెదర్ , రబ్బరు, వెల్వెట్ షూస్ను అస్సలు వాషింగ్ మెషీన్లో వేయకండి. ఇవి పూర్తిగా పాడైపోతాయి.
స్టెప్ 2: ప్రిపరేషన్ (షూ లేసెస్ తీసేయండి):
షూస్ను నేరుగా మెషీన్లో వేయకూడదు. ముందుగా షూ లేసెస్ (తాడులు),లోపల ఉండే ఇన్సోల్స్ (Insoles – పాదం ఆనే మెత్తటి భాగం) విడిగా తీసేయండి. షూస్ కింద గట్టి మురికి లేదా మట్టి ఉంటే.. ఒక పాత బ్రష్తో దాన్ని దులిపేయండి.
స్టెప్ 3: షూ మెష్ బ్యాగ్, టవల్స్ ట్రిక్:
షూస్ మెషీన్ డ్రమ్కు తగిలి పెద్ద శబ్దం రాకుండా.. డ్యామేజ్ అవ్వకుండా ఉండాలంటే ఒక ‘షూ వాషింగ్ మెష్ బ్యాగ్’ వాడాలి. షూస్ను ఆ బ్యాగ్లో వేసి జిప్ లాక్ చేయాలి. అలాగే మెషీన్లో బ్యాలెన్స్ కోసం 2 లేదా 3 పాత కాటన్ టవల్స్ కూడా వేయండి. ఇది మెషీన్ లోపల కుదుపులను తగ్గిస్తుంది.
షూ మెష్ బ్యాగ్ ధర: ఇవి అమెజాన్, ఫ్లిప్కార్ట్లలో చాలా తక్కువ ధరకే లభిస్తాయి. క్వాలిటీని బట్టి దీని ధర రూ.150 నుంచి రూ.350 వరకు ఉంటుంది.
స్టెప్ 4: సరైన డిటర్జెంట్ & మెషీన్ సెట్టింగ్స్:
షూస్ ఉతకడానికి సాధారణ సర్ఫ్ పౌడర్ కంటే లిక్విడ్ డిటర్జెంట్ వాడటం బెస్ట్. పౌడర్ అయితే షూస్ మూలల్లో ఇరుక్కుపోయే ఛాన్స్ ఉంది.
సెట్టింగ్: వాషింగ్ మెషీన్ను ‘Gentle’ లేదా ‘Delicate’ మోడ్లో పెట్టండి. నీరు కచ్చితంగా సాధారణంగా ఉండాలి. హాట్ వాటర్ పెడితే షూస్ గ్లూ (అంటుకునే జిగురు) కరిగి ఊడిపోతాయి. స్పిన్ స్పీడ్ కూడా చాలా తక్కువగా ఉంచండి.
లిక్విడ్ డిటర్జెంట్ ధర: బ్రాండెడ్ లిక్విడ్ డిటర్జెంట్స్ 1 లీటర్ ధర రూ.220 నుంచి రూ.300 వరకు ఉంటుంది.
స్టెప్ 5: ఆరబెట్టడం:
ఉతకడం అయిపోయాక, షూస్ను డ్రైయర్లో వేసి అస్సలు తిప్పకండి. మెషీన్ లోంచి తీసి, నీడలో లేదా గాలి తగిలే చోట ఆరబెట్టండి. షూస్ షేప్ మారకుండా ఉండాలంటే.. వాటి లోపల కొన్ని న్యూస్ పేపర్లు లేదా వైట్ పేపర్లను ముద్దగా చేసి పెట్టండి. ఇవి లోపల ఉన్న తేమను త్వరగా పీల్చేస్తాయి.
వారానికి లేదా నెలకు ఒకసారి ఈ పద్ధతిలో మీ షూస్ను వాషింగ్ మెషీన్లో క్లీన్ చేస్తే అవి ఎల్లప్పుడూ కొత్తవాటిలా మెరుస్తూ ఉంటాయి. కేవలం రూ.200 బడ్జెట్లో ఒక మెష్ బ్యాగ్ కొనుక్కుంటే.. మీ పని మరింత సులువు అవుతుంది. ప్రస్తుతం వైరల్ అవుతున్న ఈ స్మార్ట్ హోమ్ హ్యాక్ని మీరు కూడా ట్రై చేసి మీ టైమ్ సేవ్ చేసుకోండి.
Share
Fake Accreditation: కొత్త అక్రిడేషన్ కార్డుల పేరుతో కిలాడీ ప్లాన్.. కలెక్టర్ సంతకం ఫోర్జరీ చేసి నకిలీ కార్డు తయారీ..!
ముసుగులు వేసుకుని, పాకిస్తాన్ లో తిరగండి..లేకపోతే రాళ్లతో కొడతారు
