Inzamam-ul-Haq: ఐసీసీ మహిళల T20 ప్రపంచ కప్ 2026 టోర్నమెంట్ (ICC Women’s T20 World Cup 2026 Tournament) నేపథ్యంలో పాకిస్తాన్ జట్టు విఫలమైన సంగతి తెలిసిందే. ఈ టోర్నమెంట్ లీగ్ దశలోనే వరుసగా నాలుగు మ్యాచ్ లలో ఓడిపోయింది పాకిస్తాన్ మహిళల జట్టు (Pakistan women’s team). మొదటి మ్యాచ్ లోనే టీమ్ ఇండియా చేతిలో చిత్తుగా ఓడిన పాకిస్తాన్.. ఆ తర్వాత వరుసగా మూడు మ్యాచ్ లలో ఓడిపోయింది. దీంతో టోర్నమెంట్ నుంచి లీగ్ దశలో ఎలిమినేట్ అయింది పాకిస్తాన్. ఇక చివరగా నెదర్లాండ్స్ పైన విక్టరీ అందుకొని… తాజాగా పాకిస్తాన్ కు తిరిగి వచ్చేసింది మహిళల జట్టు. నిన్న రాత్రి లాహోర్ చేరుకున్న పాకిస్తాన్ క్రికెటర్లు… తమ తమ ఇండ్లకు వెళ్లిపోయారు.
ఐసీసీ టి20 ప్రపంచ కప్ 2026 టోర్నమెంట్ లో (ICC Women’s T20 World Cup 2026 Tournament) చిత్తుగా ఓడిపోయిన పాకిస్తాన్ మహిళల జట్టు… లేటెస్ట్ గా లాహోర్ చేరుకుంది. ఈ సందర్భంగా పాకిస్తాన్ మహిళల జట్టుపై మాజీ కెప్టెన్ ఇంజమామ్ ఉల్ హక్ వివాదాస్పద వ్యాఖ్యలు చేశారు. కొన్ని రోజుల పాటు ముసుగులు వేసుకుని, పాకిస్తాన్ లో తిరగండి..లేకపోతే రాళ్లతో కొడతారంటూ మహిళల జట్టుకు వార్నింగ్ ఇచ్చారు ఇంజమామ్. ముసుగులు లేకుండా తిరిగితే, ఏ క్షణంలోనైనా మహిళల క్రికెటర్లపై దాడులు జరిగే ప్రమాదం ఉందని హెచ్చరించారు.
ఐసీసీ టి20 మహిళల ప్రపంచ కప్ 2026 టోర్నమెంటులో పాకిస్తాన్ మహిళల జట్టు చెత్త ప్రదర్శన కనబరిచిందని మండిపడ్డారు. వాళ్ల ఆట చూస్తే తనకు అసహ్యం వేసిందన్నారు. పాకిస్తాన్ లో ఉన్న క్రికెట్ అభిమానులు కూడా… మహిళా క్రికెటర్ల పై చాలా గుర్రుగా ఉన్నారని హెచ్చరించారు. ఇండియా చేతిలో మొదటి మ్యాచ్ లోనే పాకిస్తాన్ ఓడిపోవడం దారుణమన్నారు. సెమీ ఫైనల్ దాకా వెళ్లి ఓడిపోయిన పెద్దగా గొడవ ఉండేది కాదు… కానీ గ్రూప్ స్టేజిలో ఎలిమినేట్ కావడమే పాకిస్తాన్ క్రికెట్ అభిమానులు జీర్ణించుకోలేకపోతున్నారని ఆగ్రహించారు.
ఇలాంటి నేపథ్యంలో పాకిస్తాన్ మహిళా క్రికెటర్లు ఒంటరిగా.. తిరగకూడదని హెచ్చరించారు. ముసుగులు వేసుకొని పాకిస్తాన్ వీధుల్లో తిరగాలని కీలక సూచనలు చేశారు. అటు పాకిస్తాన్ మహిళల జట్టు కోచ్ రియాజ్ కూడా జాగ్రత్తగా ఉంటే మంచిది అన్నారు. అతగాడిపై కూడా క్రికెట్ ఫ్యాన్స్ చాలా సీరియస్ గా ఉన్నారని హెచ్చరించారు. ముఖ్యంగా అలియ రియాజ్ జాగ్రత్తగా ఉండాలని వార్నింగ్ ఇచ్చారు. తన భర్తతో ఇంగ్లాండులో ఆమె ఎంజాయ్ చేసిన విషయాన్ని గుర్తు చేశారు ఇంజమాం. ఈ క్రమంలోనే ఇంజమామ్ చేసిన వ్యాఖ్యలు హాట్ టాపిక్ అయ్యాయి.
Share
వాషింగ్ మెషీన్లో షూస్ వేస్తున్నారా ? ఈ పొరపాట్లు అస్సలు చేయొద్దు
'గొడ్డలి పార్టీ'ని తరిమికొట్టండి.. నెల్లూరు వేదికగా చంద్రబాబు సంచలన వ్యాఖ్యలు!
