BigTV English

Discipline: పిల్లలకు తల్లిదండ్రులు క్రమశిక్షణ ఒక్కటే నేర్పితే సరిపోతుందా? ఇంకా ఏం నేర్పాలి?

Discipline: పిల్లలకు తల్లిదండ్రులు క్రమశిక్షణ ఒక్కటే నేర్పితే సరిపోతుందా? ఇంకా ఏం నేర్పాలి?
ప్రతి బిడ్డ క్రమశిక్షణగా ఎదగాలని తల్లిదండ్రులు కోరుకుంటారు. క్రమశిక్షణ అంటే మంచి మర్యాదలతో జీవించడం, విలువలతో పెంచడం. క్రమశిక్షణ అనగానే మిలిటరీలో పని చేసిన వారిలాగా తెల్లవారుజామునే లేవడం, టైమ్ కి స్కూలుకు వెళ్లడం, సమయానికి తినడం, సమయానికి నిద్రపోవడం అనుకుంటారు.  ఇలా ప్రవర్తిస్తే ఆ పిల్లలకు క్రమశిక్షణ ఉందని చెబుతారు. క్రమశిక్షణకు అర్థం చాలా పెద్దది. అందులో పెద్దల పట్ల, ఇతరుల పట్ల చూపించే మర్యాదలు, గౌరవం, ప్రవర్తన వంటివి కూడా వస్తాయి. క్రమశిక్షణతో పాటు పిల్లలకు ఇంకెన్నో నేర్పించాలి.


పిల్లల జీవితాలు సులభతరం చేయడానికి పెద్దలు చిన్నతనంలోనే వారికి కొన్ని జీవిత పాఠాలు నేర్పడం అత్యవసరం. అప్పుడే వారు బాధ్యతాయుతమైన వ్యక్తులుగా ఎదుగుతారు. నిజానికి పిల్లలకు జీవిత పాఠాలు బోధించడం అంత తేలికైన పని కాదు. పిల్లలు అర్థం చేసుకునే వయసు కూడా ఉండదు. పిల్లల వయసుకు అర్థమయ్యేలాగా వివరించాలి. అందుకోసం మీకు ఎంతో సహనం అవసరం.

సహాయం
ఇది కచ్చితంగా మీ బిడ్డకు నేర్పించాల్సిన మొదటి ప్రధానమైన పాఠం. ఇతరులకు సహాయం చేయడం అనేది ఎంతో ముఖ్యమైనది. ఇది ఏ పాఠాలలో చెప్పరు. మీరే స్వయంగా వారికి నేర్పించాలి. ముందు మీరే వారికి అలవాటు చేయండి. ఇంట్లోనే మీకు పనులు చేసి పెట్టమని అడగండి. ఇతర కుటుంబ సభ్యులకు కూడా ఆహారాన్ని అందించడం, వారికి నీటిని అందించడం, చిన్న చిన్న పనులు ఇంట్లో చక్కబెట్టడం వంటివి నేర్పండి. అలాగే పొరుగువారితో కూడా సహాయం చేసేలా వారిని ఉత్సాహపరచండి. ఇది వారిలో మంచి వ్యక్తిత్వాన్ని పెంపొందేలా చేస్తుంది.


మంచి మర్యాదలు
పిల్లలకు ఇతరులతో మంచిగా, మర్యాదగా ఎలా ప్రవర్తించాలో నేర్పాల్సిన అవసరం ఉంది. మంచి మర్యాదలు అనేవి పిల్లల సామాజిక నైపుణ్యాలను పెంచుతాయి. సమాజంలో వారి జీవితాన్ని ఉన్నతంగా తీర్చిదిద్దుతాయి. మీ బిడ్డను ప్రేమగల వ్యక్తిగా నిర్మిస్తాయి. వారికి థాంక్యూ చెప్పడం నేర్పండి. ఎవరినైనా ఏదైనా అడుగుతున్నప్పుడు డిమాండ్ చేసినట్టు కాకుండా ‘ప్లీజ్’ అని అడుగుతూ రిక్వెస్ట్ చేయడం నేర్పండి.

పంచుకోవడం
‘షేరింగ్ ఈస్ కేరింగ్’ అని చెబుతూ ఉంటారు. ఇది పిల్లలకు చిన్నప్పటి నుంచే నేర్పించాలి. ఇతరులతో పంచుకోవడం వల్ల రెట్టింపు ఆనందం దొరుకుతుందని చెప్పండి. బొమ్మల నుంచి ఆహారం వరకు చిన్నప్పటి నుంచే వారిని ఇతరులతో పంచుకోవడం అనేది నేర్పండి. దీనివల్ల వారు జీవితంలో భాగస్వాములుగా వ్యాపారంలో ఎదగగలుగుతారు. అలాగే వ్యక్తిగత జీవితంలో కూడా మంచి భాగస్వామిగా ఉండగలుగుతారు.

రెస్పాన్సిబిలిటీ
పిల్లలకు నేర్పాల్సిన దాంట్లో బాధ్యత కూడా ప్రధానమైన పాఠమే. పిల్లలకు బాధ్యత యుతంగా ఉండడం నేర్పిస్తే వారి జీవితం సంతృప్తికరంగా ఉంటుంది. డబ్బును ఆదా చేయడం, జాగ్రత్తగా ఖర్చు పెట్టడం, అవసరమైనంత మేరకే ఏ వస్తువునైనా వాడడం వంటివన్నీ బాధ్యతలు జాబితాలోకి వస్తాయి. ఇంట్లో వారిని జాగ్రత్తగా చూసుకోవడం, వారికి కష్టాల్లో తోడు ఉండడం కూడా బాధ్యతేనని చెప్పండి.

ప్రేమించమనండి
ఎదుటి వ్యక్తులను ప్రేమగా దగ్గర తీసుకోవడం అనేది చిన్నప్పటినుంచి పిల్లలకు నేర్పాలి. ఎదుటివారిని గౌరవించే, ప్రేమించే పిల్లలు పెద్దయ్యాక మంచి పౌరులుగా ఎదుగుతారు. వారి జీవితం కూడా ఆనందంగా ఉంటుంది. అలాగే ఆత్మవిశ్వాసం కూడా వారిలో పెరుగుతుంది. మీ బిడ్డ ఒకరికి సాయం చేస్తే భవిష్యత్తులో అతనికి ఎంతోమంది సాయం చేసే అవకాశాలు పెరుగుతాయి. కాబట్టి ప్రతి ఒక్కరిని గౌరవించడం, ప్రేమించడం నేర్చుకోమనండి. అలా నేర్పే బాధ్యత కూడా మీదే.

Related News

Shocking Facts: రాత్రి 7 తర్వాత భోజనం చేస్తారా? మీ ఆరోగ్యానికి షాక్ ఇచ్చే నిజాలు!

Heart Problems: రాత్రిపూట తరచూ గురక.. నిర్లక్ష్యం చేస్తే తీవ్రమైన 5 ఆరోగ్య సమస్యలు

Thyroid Disease: థైరాయిడ్ ఉన్న వారు.. పొరపాటున కూడా ఇవి తినొద్దు !

Easy Egg Recipes: ఎగ్స్‌తో తక్కువ టైంలో.. సింపుల్‌గా చేసే బెస్ట్ రెసిపీస్ ఇవే !

Dondakaya Fry: పక్కా ఆంధ్రా స్టైల్ దొండకాయ ఫ్రై.. ఇలా చేస్తే సూపర్ టేస్ట్

Health tips: గుండెల మీద ఎవరైనా కూర్చొన్నట్లు అనిపిస్తోందా? దానిని ఏమంటారో తెలుసా?

Navratri Fasting: నవరాత్రి ఉపవాస సమయంలో.. ఈ ఫుడ్ తింటే ఫుల్ ఎనర్జీ !

Fast Eating: టైం లేదని వేగంగా తింటున్నారా ? ఎంత ప్రమాదమో తెలిస్తే ఈ రోజే మానేస్తారు !

Big Stories

×