Numerology Lord Ram Ravana| న్యూమరాలజీ ప్రకారం.. ప్రతి జన్మ సంఖ్య (మూల అంకం)కు ప్రత్యేకమైన శక్తి, లక్షణాలు ఉంటాయని విశ్వసిస్తారు. సాధారణంగా వ్యక్తి పుట్టిన తేదీ ఆధారంగా మూల అంకాన్ని లెక్కిస్తారు. అయితే శ్రీరాముడి జన్మతేది ఆధునిక ఇంగ్లీష్ క్యాలెండర్ ప్రకారం ఉండదు. అందుకే కొంతమంది న్యూమరాలజీ నిపుణులు నేమ్ న్యూమరాలజీ ద్వారా సంఖ్యను సూచిస్తారు.
నేమ్ న్యూమరాలజీలో పేరు మొదటి అక్షరానికి ఒక సంఖ్యను కేటాయిస్తారు. ఆ సంఖ్యల ఆధారంగా వ్యక్తి స్వభావం, శక్తి గురించి అంచనా వేస్తారు.
రామ్ అనే పేరు ఇంగ్లీష్ అక్షరం R లేదా తెలుగు ‘ర’ తో ప్రారంభమవుతుంది. నేమ్ న్యూమరాలజీ ప్రకారం R అక్షరానికి సంఖ్య 9 వస్తుంది.
అలాగే రావణ (Ravana) అనే పేరు కూడా Rతోనే ప్రారంభమవుతుంది. అందువల్ల రావణుడి సంఖ్య కూడా 9గానే పరిగణిస్తారు.
ఇద్దరికీ ఒకే సంఖ్య ఉన్నప్పటికీ, వారి జీవితం పూర్తిగా భిన్నమైన మార్గంలో సాగింది. ఒకరు ధర్మానికి ప్రతీకగా నిలిచారు. మరొకరు అహంకారానికి మారుపేరుగా గుర్తింపు పొందారు.
న్యూమరాలజీలో 9 నెంబర్ని శక్తివంతమైన సంఖ్యగా భావిస్తారు. ఈ సంఖ్య ధైర్యం, నాయకత్వం, పోరాట స్ఫూర్తి, ఆత్మవిశ్వాసానికి ప్రతీకగా చెబుతారు. చాలామంది ఈ సంఖ్యను కుజ గ్రహంతో కూడా అనుసంధానిస్తారు. ఈ సంఖ్య ఉన్నవారు సవాళ్లను ఎదుర్కొనే ధైర్యాన్ని కలిగి ఉంటారని నమ్ముతారు. అయితే ఈ శక్తిని సరైన దిశలో ఉపయోగించడం చాలా ముఖ్యమని చెబుతారు.
శ్రీరాముడు తన శక్తిని ఎప్పుడూ ధర్మ రక్షణ కోసం వినియోగించారు. ఆయన ప్రజల రక్షణకు, న్యాయం కోసం మాత్రమే పోరాడారు. వ్యక్తిగత ప్రయోజనం కోసం తన శక్తిని ఎప్పుడూ ఉపయోగించలేదు. అపారమైన శక్తి ఉన్నప్పటికీ ఆయన వినయం లక్షణాన్ని విడిచిపెట్టలేదు. జీవితమంతా ధర్మం, కర్తవ్యం, నైతిక విలువలను పాటించారు. అందుకే ఆయనను మర్యాద పురుషోత్తముడిగా అందరూ గౌరవిస్తారు.
Also Read: ఆర్భాటాలు లేకుండా ఉండలేరు.. ఈ తేదీల్లో పుట్టినవారు ఎప్పుడూ ‘షో ఆఫ్’ చేస్తుంటారు
రావణుడు గొప్ప పండితుడు, మహా జ్ఞాని, అపార శక్తి కలిగిన రాజు. ఆయన తల్లి రాక్షస కన్య, తండ్రి ఒక మహా ముని అయిన బ్రాహ్మణుడు. అందుకే రావణుడు రాక్షస అంశతో పుట్టిన బ్రాహ్మణుడు. అయినప్పటికీ అతని అహంకారం అతని ఆలోచనలను ప్రభావితం చేసింది. తన బలాన్ని ఇతరులపై ఆధిపత్యం కోసం ఉపయోగించాడు. సీతను అపహరించడం, మంచి సలహాలను పట్టించుకోకపోవడం అతని పతనానికి కారణమయ్యాయి. సన్మార్గంలో నడవాలని అతని భార్య మండోదరి, తమ్ముడు విభీషణుడు చెప్పిన మాటలను కూడా రావణుడు వినలేదు.
న్యూమరాలజీ ప్రకారం సంఖ్యలు వ్యక్తికి శక్తిని మాత్రమే ఇస్తాయి. ఆ శక్తిని ఎలా ఉపయోగించాలనేది వ్యక్తి నిర్ణయం. శ్రీరాముడు అదే శక్తిని ధర్మం, కరుణ, సేవ కోసం ఉపయోగించారు. రావణుడు అహంకారం, అధికార దాహం కోసం వినియోగించాడు. అందుకే ఒకే సంఖ్య ఉన్నప్పటికీ వారి జీవితం, పేరు, వారసత్వం పూర్తిగా భిన్నంగా నిలిచాయి.
గమనిక: ఈ సమాచారం సంప్రదాయ విశ్వాసాలు, న్యూమరాలజీ సిద్ధాంతాల ఆధారంగా రూపొందించబడింది. దీనికి శాస్త్రీయ ఆధారాలు లేవు. సంబంధిత నిపుణుల సలహా తీసుకోవడం మంచిది.
Share
తెలంగాణ సంస్కృతికి ప్రతీక.. సికింద్రాబాద్ మహంకాళి బోనాలు, దీనివెనుక అసలు కథేంటి?
ఇతడు ఫామ్హౌజ్లోనే ఎందుకు? అతడు ఫామ్లో ఉన్నాడెందుకు!?
