Rainy Season Diseases: వర్షాకాలంలో ఆరోగ్య సమస్యలా ? ఈ జాగ్రత్తలు తప్పనిసరి !

Rainy Season Diseases: వర్షాకాలం ఆహ్లాదకరంగా ఉంటుంది. కానీ ఈ సీజన్‌లో అనేక రకాల వ్యాధులు ప్రబలే అవకాశం ఉంటుంది. ఈ సీజన్‌లో అపరిశుభ్రమైన నీరు, దోమలు, తేమతో కూడిన వాతావరణం కారణంగా జబ్బులు త్వరగా వ్యాపిస్తాయి. వర్షాకాలంలో సాధారణంగా వచ్చే కొన్ని వ్యాధులు, వాటిని నివారించే పద్ధతులను గురించి ఇప్పుడు తెలుసుకుందాం.

1. మలేరియా, డెంగ్యూ, చికెన్ గున్యా: వర్షాకాలంలో ఈ మూడు రకాల వ్యాధులు దోమల ద్వారా వ్యాపిస్తాయి. నిలిచి ఉన్న నీటిలో దోమలు పెరిగి, వాటి ద్వారా ఈ జబ్బులు వస్తాయి.

లక్షణాలు: జ్వరం, తలనొప్పి, ఒంటి నొప్పులు, కీళ్ల నొప్పులు వంటివి.

నివారణ:
ఇంటి చుట్టూ నీరు నిల్వ ఉండకుండా చూసుకోవాలి.

కూలర్లు, పూలకుండీలు, పాత టైర్లలో నీటిని ఎప్పటికప్పుడు తొలగించాలి.

దోమతెరలు, దోమల నివారణ స్ప్రేలు వాడాలి.

శరీరమంతా కప్పే దుస్తులు ధరించాలి.

2. టైఫాయిడ్, కలరా:
ఈ వ్యాధులు కలుషితమైన ఆహారం, నీటి ద్వారా వ్యాపిస్తాయి.

లక్షణాలు: తీవ్రమైన జ్వరం, కడుపు నొప్పి, వాంతులు, విరేచనాలు.

నివారణ:

కాచి చల్లార్చిన నీటిని మాత్రమే తాగాలి.

వీధిలో అమ్మే ఆహారాన్ని, జ్యూస్‌లను తాగడం మానుకోవాలి.

ఆహారం తినే ముందు.. చేతులను శుభ్రంగా కడుక్కోవాలి.

పరిశుభ్రమైన వాతావరణాన్ని పాటించాలి.

3. జలుబు, ఫ్లూ:
వర్షాకాలంలో తేమ ఎక్కువగా ఉండటం వల్ల ఈ వైరల్ ఇన్ఫెక్షన్లు త్వరగా వ్యాపిస్తాయి.

లక్షణాలు: దగ్గు, జలుబు, గొంతు నొప్పి, జ్వరం.

నివారణ:

వర్షంలో తడవకుండా జాగ్రత్తపడాలి.

వ్యక్తిగత పరిశుభ్రత పాటించాలి.

జ్వరం, జలుబు ఉన్నవారికి దూరంగా ఉండాలి.

రోగనిరోధక శక్తిని పెంచే ఆహారం తీసుకోవాలి.

4. డయేరియా (అతిసారం):
అపరిశుభ్రమైన నీరు, ఆహారం తీసుకోవడం వల్ల ఈ వ్యాధి వస్తుంది.

లక్షణాలు: తరచుగా విరేచనాలు, కడుపు నొప్పి, డీకహైడ్రేషన్.

నివారణ:

పరిశుభ్రమైన నీరు, ఆహారం తీసుకోవాలి.

వీలైనంత వరకు ఇంట్లో వండిన ఆహారాన్నే తినాలి.

డీహైడ్రేషన్ కాకుండా ఉండటానికి ఉప్పు, చక్కెర కలిపిన డ్రింక్స్ తాగాలి.

నివారణకు తీసుకోవాల్సిన ఇతర జాగ్రత్తలు:
పాదాలను శుభ్రంగా ఉంచుకోండి: వర్షంలో తడిస్తే పాదాలను వెంటనే శుభ్రం చేసుకుని, పొడిగా ఉంచుకోవాలి. తద్వారా ఫంగల్ ఇన్ఫెక్షన్లు రాకుండా ఉంటాయి.

ఆహారం: వేడి, తాజా ఆహారం మాత్రమే తినాలి. కూరగాయలు, పండ్లను బాగా కడిగిన తర్వాతే వాడాలి.

వ్యక్తిగత పరిశుభ్రత: క్రమం తప్పకుండా స్నానం చేయడం, శుభ్రమైన దుస్తులు ధరించడం చాలా ముఖ్యం.

ఈ జాగ్రత్తలు పాటిస్తే వర్షాకాలంలో వచ్చే వ్యాధులను చాలావరకు నివారించవచ్చు. ఏవైనా లక్షణాలు కనిపిస్తే వెంటనే వైద్యుడిని సంప్రదించి చికిత్స తీసుకోవడం మంచిది.