Hair Colour Side Effects: జుట్టుకు రంగు వేయడం ప్రస్తుతం ఒక ట్రెండ్‌గా మారింది. ఇదిలా ఉంటే కొంత మంది తెల్ల జుట్టును నల్లగా మార్చుకోవడానికి హెయిర్ కలర్స్‌తో పాటు హెన్నా కూడా వాడుతున్నారు. ఏదేమైనా, ప్రతి వ్యక్తి తన జుట్టు అందంగా, ఒత్తుగా ఉండాలని కోరుకుంటాడు. మనం మహిళల గురించి మాట్లాడుకుంటే, హెయిర్ స్టైల్ వారి అందానికి ఇనుమడిస్తుంది.
ఈ రోజుల్లో జుట్టు తెల్లబడటం చాలా సాధారణ విషయంగా మారిపోయింది. దీని కారణంగా చాలా మంది తమ జుట్టుకు రంగు వేసుకుంటున్నారు. కొంత మందికి ఫ్యాషన్ కోసం రకరకాల రంగులు వేసి వారి జుట్టును హైలైట్ చేసుకుంటున్నారు. కానీ ఇది చాలా హానికరం అని చాలా మందికి తెలియదు. రసాయనాలతో తయారు చేసిన హెయిర్ కలర్స్ , హెన్నా జుట్టుకు వాడటం వల్ల అనేక రకాల ఆరోగ్య సమస్యలు వస్తాయి. మరి ఇందుకు సంబంధించిన పూర్తి వివరాలను ఇప్పుడు తెలుసుకుందాం.
జుట్టును అందంగా, పొడవుగా ఉంచుకోవడానికి హెయిర్ స్పా చేయించుకోవడం చాలా మంచిది. కానీ జుట్టుకు రంగు అస్సలు వేయకూడదు. జుట్టుకు రంగు వేయడం వల్ల ఆరోగ్యంపై చెడు ప్రభావం పడుతుంది.
1. మీరు జుట్టుకు రంగు వేసుకుంటే మాత్రం మీ జుట్టు యొక్క సహజ రంగు పూర్తిగా పోతుంది. ఎందుకంటే జుట్టు రంగులో అమ్మోనియా, పెరాక్సైడ్ ఎక్కువగా ఉంటాయి. ఇది జుట్టు యొక్క సహజ రంగును తొలగిస్తుంది. ఆ తరువాత జుట్టు రాలడం సమస్య కూడా పెరుగుతుంది. రసాయనాలు ఉన్న కలర్స్ వాడటం వల్ల జుట్టు రాలే ప్రమాదం కూడా ఎక్కువగా ఉంటుంది.
2. మీ జుట్టుకు ఎక్కువ రంగు వేయడం ద్వారా మీరు ఆస్తమా, క్యాన్సర్ వంటి ప్రాణాంతక వ్యాధులను ఆహ్వానిస్తున్నారు. అమెరికన్ క్యాన్సర్ సొసైటీ ప్రకారం, అనేక అధ్యయనాలు జుట్టు రంగు , క్యాన్సర్ మధ్య ప్రత్యక్ష ఉన్నట్లు వెల్లడించాయి. నిజానికి హెయిర్ కలర్ తయారీలో అనేక రకాల రసాయనాలు కలుపుతారు. దీని కారణంగా ఈ వ్యాధుల ప్రమాదం వేగంగా పెరుగుతుంది.
3. తరచుగా హెయిర్ కలర్ వాడటం వల్ల పురుషులు ,స్త్రీలలో సంతానోత్పత్తిపై ప్రతికూల ప్రభావం చూపుతుంది. లెడ్ అసిటోన్ అనే రసాయనాలను హెయిర్ కలర్స్ లో ఎక్కువగా వాడతారు. వీటి వల్ల పురుషుల్లో వివిధ రకాల ఆరోగ్య సమస్యలు వస్తాయి. అంతే కాకుండా గర్భిణీ స్త్రీలు తమ జుట్టుకు రంగు వేసుకుంటే అది బిడ్డకు హాని కలిగిస్తుందని అనేక అధ్యయనాల్లో రుజువైంది.
Also Read: పుచ్చగింజలు తింటే.. ఆశ్చర్యకర లాభాలు !
4. జుట్టు రంగులో ఉండే రసాయనాలు తల చర్మానికి చాలా నష్టం కలిగిస్తాయి. తలపై దురద మొదలవుతుంది. అంతే కాకుండా దద్దుర్లు రావడం ప్రారంభం అవుతుంది.
5. జుట్టుకు రంగులు వేయడం వల్ల కంటి ఇన్ఫెక్షన్ వచ్చే ప్రమాదం కూడా పెరుగుతుంది. కొన్నిసార్లు, జుట్టుకు రంగు వేసినప్పుడు, కొద్దిగా రంగు కళ్ళలోకి వెళుతుంది. దీనివల్ల వాపు, కళ్ళు నుండి నీరు కారడం, కండ్లకలక వంటి సమస్యలు కూడా వస్తాయి.
Share
Israel Stops Humanitarian Aid : ఇజ్రాయెల్ కృూరత్వం.. గాజాలో ఆకలి చావుల కోసమే మానవతా సాయం నిలిపివేత
Champions Trophy 2025: సెమీస్ కు వర్షం ఎఫెక్ట్... టీమిండియాకు భారీ నష్టమేనా ?
