E-Paper
Advertisement

వివాహ బంధంలో ఒకరు మోసం చేస్తే విడిపోవాల్సిందినా? లేదా మోసం చేసిన వ్యక్తికి మరో అవకాశం ఇవ్వాలా?

వివాహ బంధంలో ఒకరు మోసం చేస్తే విడిపోవాల్సిందినా? లేదా మోసం చేసిన వ్యక్తికి మరో అవకాశం ఇవ్వాలా?
Advertisement

Relationship And Infidelity| ప్రేమించిన వ్యక్తి మోసం చేస్తే ఆ బాధను భరించడం అంత సులభం కాదు. ముఖ్యంగా భార్యాభర్తల మధ్య నమ్మకం దెబ్బతింటే ఆ బంధం మునుపటిలా ఉండటం కష్టమే. అలాంటప్పుడు చాలామంది విడిపోవడమే సరైన నిర్ణయమని భావిస్తారు. కానీ కొందరు మాత్రం జరిగిన తప్పును క్షమించి తమ వైవాహిక జీవితాన్ని కొనసాగించాలని నిర్ణయించుకుంటారు. అసలు భాగస్వామి మోసం చేసినా కలిసి ఉండాలని ఎందుకు అనుకుంటారు? దెబ్బతిన్న నమ్మకాన్ని మళ్లీ ఎలా పొందాలి? దీని వెనుక ఉన్న మానసిక కారణాల గురించి తెలుసుకుందాం.

భాగస్వామి మోసం చేస్తే బంధంపై ఎలాంటి ప్రభావం ఉంటుంది?

వైవాహిక జీవితంలో నమ్మకం చాలా ముఖ్యం. భాగస్వామి మరొకరితో సంబంధం పెట్టుకున్నారని తెలిస్తే తీవ్ర మానసిక వేదన కలుగుతుంది. బాధిత వ్యక్తిలో ఆత్మవిశ్వాసం తగ్గుతుంది. తనపై తనకు గౌరవం తగ్గినట్లు అనిపించవచ్చు. అంతేకాకుండా భాగస్వామి ప్రేమపైనా అనుమానాలు మొదలవుతాయి. చిన్న విషయాలు కూడా గొడవలకు కారణమవుతాయి. భవిష్యత్తులో మళ్లీ ఇలాంటి పరిస్థితి ఎదురవుతుందేమోననే భయం వెంటాడుతుంది. అయితే కొందరు దంపతులు ఈ పరిస్థితిని తమ బంధాన్ని పరిశీలించుకునే అవకాశంగా భావిస్తారు. సమస్యలను అర్థం చేసుకుని పరిష్కరించుకోవడానికి ప్రయత్నిస్తారు.

మోసం చేసినా కొందరు దంపతులు ఎందుకు కలిసి ఉంటారు?

Advertisement

భాగస్వామి మోసం చేసిన తర్వాత కూడా కలిసి ఉండాలని నిర్ణయించుకోవడానికి అనేక కారణాలు ఉంటాయి.

1. ఎన్నో ఏళ్ల అనుబంధం: కొన్నేళ్లుగా కలిసి జీవించిన దంపతులకు ఎన్నో జ్ఞాపకాలు ఉంటాయి. అలాంటి బంధాన్ని ఒక్కసారిగా వదులుకోవడం కష్టంగా అనిపిస్తుంది.

Advertisement

2. పిల్లల భవిష్యత్తు: కొందరు దంపతులు పిల్లల గురించి ఆలోచించి విడిపోకూడదని నిర్ణయించుకుంటారు. కుటుంబంలో స్థిరత్వం ఉండాలని కోరుకుంటారు.

3. మరో అవకాశం ఇవ్వాలనే ఆలోచన: ప్రతి ఒక్కరూ తప్పులు చేస్తారని కొందరు నమ్ముతారు. నిజంగా పశ్చాత్తాపం ఉంటే భాగస్వామికి మరో అవకాశం ఇవ్వాలని భావిస్తారు.

4. మానసిక అనుబంధం: మోసం జరిగినప్పటికీ భాగస్వామిపై ప్రేమ పూర్తిగా తగ్గకపోవచ్చు. అందుకే కొందరు తమ బంధాన్ని కాపాడుకోవడానికి ప్రయత్నిస్తారు.

మోసం జరిగిన తర్వాత మళ్లీ నమ్మకం ఏర్పడుతుందా?

నోయిడాకు చెందిన సైకాలజిస్ట్ ఆయుషి మెహ్రా ప్రకారం.. భాగస్వామి మోసం చేయడం వ్యక్తి ఆత్మగౌరవం, భద్రతాభావంపై తీవ్ర ప్రభావం చూపుతుంది. అయితే కలిసి ఉండాలని నిర్ణయించుకోవడం అంటే జరిగిన తప్పును సమర్థించడం కాదు. తిరిగి బంధాన్ని నిర్మించుకోవాలంటే ఇద్దరూ ప్రయత్నించాలి. తప్పు చేసిన వ్యక్తి బాధ్యత ఎక్కువగా తీసుకోవాలి. తన ప్రవర్తనలో నిజమైన మార్పు చూపించాలి.

Also Read: చాణక్య నీతి.. ఈ 7 చెడు అలవాట్లు ఉంటే జీవితంలో విజయం ఎప్పటికీ సాధించలేరు

క్షమించడం వేరు.. నమ్మకం తిరిగి పొందడం వేరు

భాగస్వామిని క్షమించినంత మాత్రాన పాత నమ్మకం వెంటనే తిరిగి రాదు. దానికి సమయం, నిజాయితీ, సహనం అవసరం. తప్పు చేసిన వ్యక్తి మాటల్లోనే కాకుండా చేతల్లోనూ మార్పు చూపించాలి. అవసరమైతే ఇద్దరూ మ్యారేజ్ కౌన్సెలింగ్ తీసుకోవడం మంచిది. నిపుణుల సహాయంతో సమస్యలను చర్చించుకోవచ్చు.

మోసం జరిగినా బంధాన్ని కొనసాగించవచ్చా?

కచ్చితంగా కొనసాగించవచ్చు. అయితే అందుకు ఇద్దరికీ నిజమైన ఆసక్తి ఉండాలి. ఒకరిపై మరొకరికి గౌరవం, నిజాయితీ ఉండాలి. మళ్లీ నమ్మకం ఏర్పడటానికి సమయం ఇవ్వాలి. అయితే కలిసి ఉండాలనే నిర్ణయం ఎవరి ఒత్తిడితోనూ తీసుకోకూడదు. మానసిక ప్రశాంతత, ఆత్మగౌరవం అన్నింటికంటే ముఖ్యం. బంధాన్ని కొనసాగించాలా, విడిపోవాలా అనేది పూర్తిగా వ్యక్తిగత నిర్ణయం.

Also Read: రహస్యంగా రికార్డ్ చేసిన ఫోన్ సంభాషణలు సాక్ష్యంగా చెల్లుతాయా? విడాకుల కేసులో సుప్రీం కోర్టు తీర్పు ఇదే

Related News

ముక్కుపై బ్లాక్‌హెడ్స్‌తో ఇబ్బందిగా ఉందా? ఇంట్లోనే ఈ సింపుల్ ఫేస్ మాస్క్ ట్రై చేయండి

రోజూ తినే ఎగ్ కర్రీ బోర్ కొట్టిందా?అయితే ఈ మెంతి కోడిగుడ్డు కూర ట్రై చేయండి!

మినప అప్పడాలు..ఇలా చేస్తే బయటి వాటి కంటే మంచి రుచి!

అమ్మమ్మల కాలం నాటి బీరకాయ రోటి పచ్చడి..సింపుల్ అండ్ టేస్టీ రెసిపీ!

చాక్లెట్లు, బొమ్మల ఆశ చూపించి పిల్లలను మోసం చేసే వారితో జాగ్రత్త.. తల్లిదండ్రులు ఈ 7 విషయాలు నేర్పాలి

మీకు తెలుసా నెమళ్లు విషపూరిత పాములను చంపి తిన్నా చనిపోవు.. ఎందుకంటే

తొలి పరిచయంలోనే ఆకట్టుకుంటారు.. ఈ తేదీల్లో పుట్టినవారికి ఆకర్షణ ఎక్కువ

విదుర నీతి.. ఈ 4 గుణాలు ఉన్న ఇంట్లోనే లక్ష్మీదేవి వస్తుంది.. డబ్బు కొరత ఎప్పుడూ ఉండదు?

Big Stories

Advertisement
×