Bike Riding Summer Health Risk| బైక్ రైడింగ్ చేయడం సరదాగా ఉంటుంది. కానీ వేసవిలో ఎండలు తీవ్రంగా ఉండడం వల్ల శరీరంలో నీరు తగ్గిపోవడం, అలసట, వడదెబ్బ వంటి ప్రమాదాలు త్వరగా వస్తాయి. సరైన జాగ్రత్తలు తీసుకోవడం చాలా ముఖ్యం.
తీవ్ర ఎండలో శరీర ఉష్ణోగ్రత త్వరగా పెరుగుతుంది. చెమట రూపంలో శరీరం నుంచి నీరు, లవణాలు బయటకు పోతాయి. దీనివల్ల డీహైడ్రేషన్, బలహీనత వస్తాయి. త్వరగా అలసట కలుగుతుంది. రోడ్లు కూడా వేడేక్కడంతో బైక్ టైర్లపై కూడా ఒత్తిడి పెరుగుతుంది.
వేసవిలో బైక్ రైడింగ్ చేసే ముందు తగినంత నీరు తాగాలి. ప్రయాణంలో కూడా నీళ్లు తీసుకెళ్లాలి. తరచుగా చిన్న చిన్న సిప్స్ తాగుతూ ఉండాలి. ఓఆర్ఎస్, ఎలక్ట్రోలైట్ డ్రింక్స్ కూడా మంచివి.
మధ్యాహ్నం 12 నుంచి సాయంత్రం 4 గంటల మధ్య ప్రయాణం చేయకపోవడమే మంచిది. ఉదయం లేదా సాయంత్రం వేళల్లో రైడింగ్ చాలా సురక్షితం. అప్పుడు ఎండ తీవ్రత, ట్రాఫిక్ తక్కువగా ఉంటాయి.
వేసవిలో కూడా జాకెట్ వేసుకోవాలి. లేత రంగుల మెష్ జాకెట్లు, తేమను తొలగించే బట్టలు వాడండి. హెల్మెట్, చేతులకు గ్లవ్స్, సన్ గ్లాసెస్ తప్పనిసరి. ఇవి చర్మాన్ని ఎండల నుంచి కాపాడతాయి.
బైక్ రైడింగ్ చేసే ముందు చేతులు, మెడ వంటి బహిర్గతమయ్యే ప్రదేశాలకు సన్ స్క్రీన్ క్రీమ్ రాయాలి. హై ఎస్‌పిఎఫ్ సన్ స్క్రీన్ వాడటం వలన సన్ బర్న్ నివారిస్తుంది.
ఎండలో నిరంతర ప్రయాణం చేసే శరీరంలో ఉష్ణోగ్రత, ఒత్తిడి పెరుగుతుంది. ఎక్కువ ప్రయాణం చేయాల్సి వస్తే మధ్యలో ఎక్కడైనా నీడలో విశ్రాంతి తీసుకుంటే శరీరం చల్లబడుతుంది. కాళ్లు, చేతులు సాగదీయడం వలన రక్త ప్రసరణ మెరుగవుతుంది.
తల తిరగడం, వికారం, తీవ్రమైన చెమట, కండరాల నొప్పులు.. ఇవి వడదెబ్బ సంకేతాలు. ఇలా అనిపిస్తే వెంటనే ఆగి, నీడలో విశ్రాంతి తీసుకోండి. తగినంత నీరు తాగండి, తీవ్రత ఎక్కువగా ఉంటే ఓఆర్ఎస్ తాగండి, పరిస్థితి సీరయస్‌గా ఉంటే వెంటనే వైద్య సహాయం తీసుకోండి.
టైర్ ప్రెషర్ చెక్ చేయండి. ఇంజిన్ ఆయిల్, కూలెంట్ లెవెల్స్ పరీక్షించుకోండి. బ్రేక్లు సరిగ్గా పనిచేస్తున్నాయో లేదో చూసుకోండి. ఈ చిన్న జాగ్రత్తలు పెద్ద ప్రమాదాలను తప్పిస్తాయి.
ప్రయాణానికి ముందు నూనె వంటకాలు, కారం ఎక్కువగా ఉన్న ఆహారం తినకూడదు. పండ్లు, దోసకాయ వంటి నీటి ఆహారాలు తినడం వలన శరీరానికి తేమ లభిస్తుంది.
చెట్ల నీడ ఉన్న రోడ్లను ఎంచుకోవడం మంచిది. రద్దీ ఎక్కువగా ఉన్న మార్గాలను నివారించండి. వేడి ఎక్కువగా ఉన్నప్పుడు రోడ్డపై జారే ప్రమాదం కూడా ఉంటుంది.
Also Read: చాణక్య నీతి.. అప్పు తీసుకోవడం మీకు అలవాటుగా మారిందా? ఈ దురలవాటుకు అసలు మూలం అదే
వాటర్ బాటిల్స్, ఓఆర్ఎస్ ప్యాకెట్లు, ప్రాథమిక మందులు తీసుకెళ్లండి. ఫోన్ పూర్తిగా ఛార్జ్ చేసుకోండి. ఎమర్జెన్సీ నెంబర్స్ దెగ్గర పెట్టుకోండి.
Also Read: మీ వద్ద అప్పు తీసుకొని తిరిగి ఇవ్వాలనే ఉద్దేశం లేనివారిని ముందే గుర్తుపట్టండి.. ఇవే లక్షణాలు
Share
బెంగళూరులో వరుణుడి బీభత్సం.. ఆసుపత్రి గోడ కూలి ఏడుగురు మృతి.. ముగ్గురు పసిపిల్లలు బలి!
మధ్యప్రదేశ్లో ఘోర రోడ్డు ప్రమాదం.. వ్యాన్ను ఢీకొన్న కారు.. 15 మంది మృతి!
