Potassium Deficiency: పొటాషియం మన శరీరానికి చాలా ముఖ్యమైన ఖనిజ లవణం. ఇది గుండె, కండరాలు అంతే కాకుండా నరాల పనితీరు మెరుగుపరుస్తుంది. అంతే కాకుండా రక్తపోటును కూడా నియంత్రిస్తుంది. ఇదిలా ఉంటే రక్తంలో పొటాషియం స్థాయి తక్కువగా ఉన్నప్పుడు ఆ పరిస్థితిని హైపోకలేమియా అని అంటారు. స్త్రీలలో కూడా దీని లక్షణాలు చాలా వరకు సాధారణంగా ఉన్నప్పటికీ.. కొన్ని ప్రత్యేక కారణాల వల్ల వారికి వచ్చే అవకాశాలు ఎక్కువ. హైపోకలేమియా యొక్క లక్షణాలు, కారణాలు , చికిత్స గురించి తెలుసుకోవడం చాలా అవసరం.
తక్కువ పొటాషియం (హైపోకలేమియా) యొక్క సాధారణ లక్షణాలు:
తక్కువ పొటాషియం వల్ల కలిగే లక్షణాలు విస్తృతంగా.. తేలికపాటి నుంచి తీవ్రంగా ఉంటాయి. ఈ లక్షణాల తీవ్రత, పొటాషియం స్థాయి ఎంత తగ్గింది అంతే కాకుండా ఎంత వేగంగా తగ్గింది అనే దానిపై ఆధారపడి ఉంటుంది.
కండరాల బలహీనత: ఇది చాలా సాధారణ లక్షణం. పొటాషియం కండరాలు ముడుచుకోవడానిక ముఖ్యమైనది కాబట్టి.. దాని కొరత వల్ల కండరాలు బలం కోల్పోతాయి. దీని వల్ల కొద్దిపాటి నొప్పి, నడవడానికి కష్టం లేదా చేతులు, కాళ్ళలో పట్టీలు పట్టడం లేదా నొప్పులుగా అనిపించే అవకాశం కూడా ఉంటుంది.
అలసట: ఎలాంటి కారణం లేకుండా నిరంతరంగా బడలికగా లేదా నీరసంగా ఉండటం. మామూలు పనులు చేయడానికి కూడా శక్తి లేకపోవడం.
గుండెకు సంబంధించిన సమస్యలు: గుండె కొట్టుకునే లయ అస్తవ్యస్తంగా మారడం. ఇది గుండె దడ లేదా లయ తప్పడంకు దారితీయవచ్చు. తీవ్రమైన హైపోకలేమియా ప్రాణాంతకమైన గుండె లయ సమస్యలకు కారణం కావచ్చు.
జీర్ణవ్యవస్థ సమస్యలు: పొటాషియం జీర్ణకోశంలోని కండరాలపై కూడా ప్రభావం చూపుతుంది. దీని వల్ల కడుపు ఉబ్బరించడం, మలబద్ధకం, అరుదుగా పక్షవాతం వచ్చినట్లుగా పేగులు కదలికలు ఆగిపోవడం వంటి తీవ్ర సమస్యలు కూడా రావచ్చు.
మూర్ఛగా అనిపించడం లేదా స్పర్శలో మార్పులు: ముఖ్యంగా కాళ్ళు లేదా చేతుల్లో సూదులు గుచ్చినట్లు అనిపించడం లేదా తిమ్మిరిగా, మూర్ఛగా ఉండడం.
మానసిక ఇబ్బందులు: కొందరిలో నిరాశ లేదా అయోమయం వంటి మానసిక లక్షణాలు కూడా కనిపిస్తాయి.
స్త్రీలలో ప్రత్యేక కారణాలు:
స్త్రీలలో హైపోకలేమియా వచ్చే అవకాశాన్ని పెంచే కొన్ని అంశాలు :
గర్భధారణ: గర్భధారణ సమయంలో తీవ్రమైన వాంతులు లేదా భేదులు ఎక్కువగా ఉంటే, శరీరం నుంచి పొటాషియం కోల్పోవడం జరిగి ఈ పరిస్థితికి దారితీయవచ్చు.
ఎక్కువ రుతుస్రావం (పీరియడ్స్): ఇది నేరుగా పొటాషియం స్థాయిని తగ్గించకపోయినా.. రక్తహీనతకు దారితీసి, సాధారణ బలహీనతను పెంచే అవకాశం కూడా ఉంటుంది.
ఆహార నియమాలలో లోపాలు: అనోరెక్సియా లేదా బులిమియా వంటి ఆహారానికి సంబంధించిన అలవాట్ల లోపాలు ఉన్న స్త్రీలలో పొటాషియం, ఇతర పోషకాల కొరత ఏర్పడే అవకాశం ఉంది.
ఎప్పుడు డాక్టర్‌ని సంప్రదించాలి ?
పైన చెప్పిన లక్షణాలలో ఏవైనా మీరు గమనిస్తే లేదా గుండె దడ, తీవ్రమైన కండరాల బలహీనత లేదా పక్షవాతం వంటి తీవ్రమైన లక్షణాలు ఉంటే.. ఆలస్యం చేయకుండా డాక్టర్ల సహాయం తీసుకోవడం చాలా ముఖ్యం. రక్త పరీక్ష ద్వారా హైపోకలేమియాను నిర్ధారించవచ్చు. అంతే కాకుండా చికిత్సలో పొటాషియం మాత్రలు లేదా సిరల ద్వారా పొటాషియం అందించడం వంటివి ఉంటాయి.
సరైన ఆహారం.. ముఖ్యంగా అరటిపండ్లు, పాలకూర, చిక్కుళ్లు, చిలగడదుంపలు, టమాటోల వంటి పొటాషియం అధికంగా ఉండే ఆహారాన్ని తీసుకోవడం ద్వారా ఈ సమస్యను నివారించడంలో సహాయపడుతుంది.
Share
Tuni Girl Incidnet: సొంత బంధువులే.. కామ పిశాచులై..
Airtel Xstream Fiber: బఫరింగ్‌కు గుడ్‌బై.. ఎయిర్‌టెల్ అల్ట్రా వై-ఫై‌తో సూపర్ స్పీడ్.. ధర ఎంతంటే?
