Vastu Tips: ఇల్లు కట్టుకునేటప్పుడు లేదా ఇంట్లో వస్తువులు సర్దుకునేటప్పుడు వాస్తు నియమాలను పాటించడం మన సనాతన సంప్రదాయంలో ఒక భాగం. ఇంటి వాతావరణం ప్రశాంతంగా, సుఖసంతోషాలతో ఉండటానికి వాస్తు ఎంతగానో దోహదపడుతుందని చాలామంది నమ్ముతారు. ప్రధానంగా ఇంట్లోని ఈశాన్యం దిశను, అంటే ఉత్తర, తూర్పు దిశలు కలిసే మూలను ఎప్పుడూ ఖాళీగా, శుభ్రంగా ఉంచాలని పండితులు చెబుతుంటారు. దీని వెనుక బలమైన వాస్తు, వైజ్ఞానిక కారణాలు దాగి ఉన్నాయి.
వాస్తు శాస్త్రం ప్రకారం.. ఈశాన్యం దేవతల నివాస స్థానంగా భావిస్తారు. ఈ మూలను ‘దేవ మూల’ అని కూడా పిలుస్తారు. ఇంట్లోకి ప్రవేశించే సానుకూల శక్తి, కాంతి అంతా ముందుగా ఈశాన్యం నుంచే లోపలికి వస్తాయి. ఈ దిశలో బరువైన వస్తువులు, పాత సామగ్రి లేదా చెత్త వేస్తే ఆ సానుకూల శక్తి ఇంట్లోకి రాకుండా ఆటంకం ఏర్పడుతుంది. అందువల్ల ఈ మూలను ఎప్పుడూ తేలికగా, విశాలంగా ఉంచడం చాలా మంచిది.
Also Read: రోజూ ఈ 5 పదార్థాలు తింటే చాలు.. లివర్‌లో కొవ్వు చకచకా కరిగిపోతుంది!
సూర్యోదయం సమయంలో వచ్చే పవిత్రమైన కిరణాలు మొదటగా ఈశాన్య భాగం పైనే పడతాయి. ఈ కిరణాల్లో Vitamin Dతో పాటు ఆరోగ్యానికి మేలు చేసే అనేక అంశాలు ఉంటాయి. ఈ భాగం ఖాళీగా ఉన్నప్పుడు ఆ వెలుతురు, గాలి ఇల్లంతా విస్తరించి క్రిములు నశిస్తాయి. ఫలితంగా ఇంట్లోని వారి ఆరోగ్యం మెరుగ్గా ఉంటుంది. ఒకవేళ ఈ దిశ మూసివేసి ఉంటే అనారోగ్య సమస్యలు, మానసిక ఆందోళనలు పెరిగే అవకాశం ఉందంటారు.
ఈశాన్యం తెరిచి ఉండటం వల్ల ఇంట్లో మనశ్శాంతి లభిస్తుంది. కుటుంబ సభ్యుల మధ్య అనవసర గొడవలు తగ్గడమే కాకుండా, ధనాదాయం పెరుగుతుందని నమ్ముతారు. ఈ మూలలో చిన్న నీటి కుండ లేదా పూజ గది ఏర్పాటు చేసుకోవడం వల్ల శుభ ఫలితాలు కలుగుతాయి. మన ఇంట్లో లక్ష్మీదేవి ఎప్పుడూ స్థిరంగా నివాసం ఉండాలంటే ఈశాన్యం దిశను ఎల్లప్పుడూ శుభ్రంగా, ఖాళీగా ఉంచుకోవడం ఎంతో అవసరం.
Also Read: చర్మ సమస్యలు, అలర్జీలతో బాధపడుతున్నారా? అసలు కారణం మీ బెడ్‌షీట్లే కావచ్చు!
Share
ఇండస్ట్రీకి దూరంగా సురేఖ వాణి... అసలు కారణం చెప్పిన సుప్రీత!
'దృశ్యం: ది కన్క్లూజన్' మూవీ రివ్యూ.. ఆఖరి చిత్రం ఎలా ఉందంటే?
